السلآم عليكم ورحمه الله وبركاته

بقولكم قصتي من 7 سنين طبعا طوووويله لكن من حر ما فيني
بالظبط من خلصت الثانويه
لان قبلها كانت الحياه عاديه وما فيه اي شي والامور كلها تمام والحمدلله

بالبدايه خلصت الثانويه صح نسبتي مو ذاك الزود لكن نجحت
جيت اقدم مثل اخوياي بالكليات والجامعات
والابتسامه شاقه وجهي
كليه التقنيه كان ردهم
اثباتك منتهي لازم تجدد مسكت اوراقي ورحت لجامعه الامام نفس الكلام ما نقبلك الا تجدد


طبعآ يا اخوان انا من (القبائل العربية النازحة)

عنزي اصل وفصل
عمامي وخوالي سعوديين
طبعا اللي مجدد الاثبات هذا يعامل معامله السعودي لين يتجنس
قلنا ننتظر مثل العالم
سنه وسنتين
ما صار شي
قلت اتوظف واشوف مستقبلي
قبلتني شركه براتب 2900
ما كملت الا شهر وقالوا اما تجيب صراف باسمك او لا عاد تداوم
طبعا
ما اقدر اطلع صراف وانفصلت
جلست كم شهر عاطل
حصلت حاس امن براتب 1800
اشتغلت ومشى الحال كملت 6 شهور حتى جاني اللبناني طبعا اللبناني مسؤؤل بالمكان هذا قال اليوم انت ما تحرس هنا ابيك توقف عند سيارتي لين اطلع ؟
انا من باب حسن نيه قلت له فيها شي مهم
قال مو شغلك ووبدي اخليك هالاسبوع تحرس هالسياره
طبعا سيارته بي ام
قلت له تعقب مو انا اللي احرس السيارات
وانتبه لكلامك
قال مو ناقص الا سكييورتي يحكي معي
المهم ضربته بطفايه وتماسكنا شوي وثاني يوم مفصول ومخصوم راتب اسبوعين
تحمدت الله على كل حال
وحصلت وظيفه سكيورتي بالفين
طبعا الراتب شيك
وما اقدر اصرفه بحكم الاثبات منتهي
لازم اسوي تجيير لشخص
وكل شهر انا اسحب لي واحد والف ياويلاه يروح معي
وعلى الموال ماشششششي
طبعا الحاله مااااديه تعبااااااااااااااااااااااااااااانه
لكن الحمدلله ما مديت يدي لاحد
ولا بمدها ان شاء الله
طبعا خوياي توظفوا وتزوجوا
ونصحوني تزوج ويجي الخير معها
واروح اخطب
يقولون بدون ما نزوج
بدون ما نزوج
مانزوج بدون
لين حصلت بنت الحلال
رحت بسوي فحص زواج ههههههههههه
رحت مستشفى الشميسي ومستانس وكذا
قالت لي الموظفه اثباتك
اول ما شافته قالت هات خمسميه
غريبه قبلي ما دفعوا شي
قلت هذي خمسميه وقالت لازم امر من الاماره
واروح الاماره قالوا لازم تجدد اول شي
يعني رجعنا على طير يااللي
راجعت الجوازات قلت جددوا لي سوا اي شي ابي اتزوج
قالوا ما لك الا الصبر والانتظار
طبعا اهل البنت كنسلوا كل شي يوم سمعوا بسالفتي معقده

والله يا عالم القبائل النازحه لا تحسبونهم جايين من المريخ
عنزه وشمر وبني خالد والاساعده من عتيبه

تعبببببببببببببببببببببت
تكارنه وبخاريين واجانب يتجنسون


عطونا جنسيه او هويه مؤقته من خلالها نطلع جوازات سفر ورخص قياده وصكوك زواج نعمل في اي عمممممممممممل
نستثني من الوظايف الحكوميه عن بكره ابيها
والله ما ابي لا حافز ولا تامينات اجتماعيه ولا ضمان اجتماعي
ابي اثبات اشيله معي
لا عطيته العسكري ما يقعد يناظر ساعه باقي شوي ويشم ريحتها
والله شاب راسي واعتراني الهم من رجلي لراسي
مدري الوم ابوي
والا الوم نفسي
والا الوم المجتمع


حياتي تعاسه في تعاسه
وانا عمري 25 من هم الى هم اكبر
والله لو مو الخوف من ربي لا انتحرت وريحت القلب والراس
لكن ما تضيق الا تفرج
والحمدلله على كل حال

لآحول ولآقوة الآ بالله


آخوي مآتضيق الآ على ربك فرجهآ

ورزقك رآح يجيك كآن معك بطآقه آو بدون بطآقه


والزم الآستغفآر وربي لغير يجيك الرزق والزوجه وكل خير يجيك


بس عليك بكثرة الآستغفآر

والله ياخووي انصحك ترفع برقيه للملك يمقن يساعدك الله يريح قلبك خيووو

الله يسهل امرك اخوي حاول تجتمع بكبار قبيلتك وهم يدخلون فيها للامير سلمان او اي احد مسوؤل
و ان شاءالله ترجع تبشرنا عن امورك

[align=center]
[align=center]
قال الشافعي:

ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج


أصبر يا أخوك ودور منا ومنا الين تفرج والله يوفقك ويرزقك من واسع فضلة
[/align]
[/align]

[align=center]يا اخوي هذي الدنيا وربي محدن مرتاح فيها ..انت خلك مع الله وماعليك من احد..
يوم تجيك الجنسية ان شاء الله راح تنفتح لك ابواب مشاكل اكثر...
صدقني محد مرتاح الى الي يخاف الله ويعبدة صح...

تذكر هذة الاية هي الفاصل بين السعيد والشقي
"مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ "[/align]

لاحول ولاقوة الا بالله وضعكم صعب وماينسكت عنه

رأيي من رأي الاخت سعاد هذا افضل حل اخوي

يد وحده ماتصفق !

او اكتب مشكلتك لسبق راح يتفاعلو معاك

وهذه النقطه راح تفيدك ان شاء الله

والله يوفقك ويسهل امرك

الله يوفقك

ووكل أمرك للي ماتنام عينه

والزم الاستغفار

والله يفرجها عليك

دعواتي لك باالتيسير

والله بصراحة سالفتك مؤلمة جدا لكن ما أقدر أقول إلا الله يفرج همك وكل من هو مثل وضعك وإن شاء الله يحلون مشكلتكم قريب الله يفرجها عليكم

الله يسهل امووورك