السلام عليكم

حبيباتي ....قرأت كثيرا عن تذمر المرشحات من تجديد ادخال الرغبات

بالرغم من انني اعتقد ان الموضوع في صالحهن

والسبب....

اقرأو ماهو مكتوب في موقع تكامل....

الإدارات التالية :الدوادمي,تبوك,الجوف,جازان,الزلفي,الحدود

الشمالية,القنفذه,مكه,النماص,شقراء.تم إضافة رغبات مرشحاتهم وتريبها مسبقا من قبل

إدراتهم


يعني هذي ادارات التعليم الي ارسلت الرغبات

والادارات الباقيه تاخرت ...كثيرا ....لدرجه ان الوزارة طنشتهم

وفتحت تكامل عشان نرسل الرغبات

وما اراه ايضا ان الورقة اثبات من الوزاره ان المعلمة كان عندهاعلم بالترتيب

عشان تتكلم مافي وحده بكره وتقول حطوني في مكان ما اخترته

هذا رأيي اناخطأت فمن نفسي...وان اصبت فمن الله

[align=center]
صح لسانك يافل وكادي
[/align]

احنا كذا والاكذا اجباري اصلا اخترنا جميع الرغبات الموجودة
لانه فرضا لو حطونا في اخر رغبه يعتبر ما جابو شي من عندهم نعترض عليه
احنا اخترناها
واحنا اصلا كذا متغربين متغربين يحطونا في اي مكان ويفكونا
لا وباقي نختار مدارس والله ما حد دري عنها يمكن حقرة بقرة عدي للعشرة

يا اختي نحن معاك ان هالطريقه حلوه و تقلل من التلاعب بالرغبات بس يكون عند الادارات علم مو نمشي على وجيهنا الكل يقول ما عندي ما عندي ..

اتفق معاكي لكن الشغله جات صدفه واليوم في التجمع اللي رحته في الشؤون كثير بنات متفاجئين انهم ماعرفوا ترتيب الرغبات الا متأخر والسبب في الادارات والوزارة نايمه في العسل .. يعني اذا احنا خلصنا ترتيب رغبات من يوم المقابله وضموها في ملفنا ورفعوه ليش المرمطه من جديد ؟ يعني انا رحت اليوم ورتبت الرغبات نفس ماانا مسويه من وقت المقابله فأشوف انها مرمطه ع الفاضي خصوصا انه في ادارات تفاجئت بترتيب الرغبات ونصهم مشوا البنات بحجة انه مافي شي رسمي وماجاهم شي !!! واللي يتشحطط كالعاده احنا المرشحات

سؤال يطرح نفسه احنا بنتكلم عن وزاره التربيه والتعليم والله العظيم لو فيه امانه واخلاص بالعمل كان تم اجبارجميع الادارات بالالتزام بالمواعيد ولكن للأسف الفوضي تسود الغالبيه من الادارات صحيح انه العدد مهول ولكن بالنظام كل شي يسهل


اسأل الله ان يحسن احوالنا اجمعين

[align=center]مساء الخير كادي
احتمال توقعك صحيح وفيه في بالي شيء
عملية ادخال الرغبات اذا عملها الموظفين بتآخذ وقت لكن كلفوا المرشحات فيها وهالشيء بيوفر على الموظفين وقت تعبئة الرغبات واللي بيصر بواسطة الحاسب يتم ترتيب النقاط والرغبات والترشيح على المكان واتوقع العمليه ماراح تآخذ منهم وقت بمجرد ما تكتمل تعبئة الرغبات والطباعه هي مجرد اثبات للمرشحه وللوزارة
اما ليش مناطق ومناطق لا لأن عدد المرشحات في بعض المناطق كبير جدا وعملية ادخالها بتاخذ وقت وبعض المناطق مرشحاتها قليل
بالنسبة لي غيرت بالترتيب لأني نسيت الترتيب الأول ولأني خارج مدينتي ما تفرق معي وين ماكنت والله يجيب اللي فيه خير
[/align]

هي من ناحية انها من صالحنا صحيح بس اتوقع يكفي اللي كتبناه وقت المقابله ..غير كذا مثل ماتفضلوا خواتي اللي قبل حنا ماتفرق معنا لانها غربه في غربه ..اما اللي تعينت في منطقتها هذي ممكن تفرق معاها

ليش الخطأ من عليه علي الادارات يعني الوزارة ماتقدر تفرض سلطتها ع الادارات ؟؟؟؟


اذا كان كذا عذر اقبح من ذنب

وبعدين نتذمر لان مو واضحين معانا متى توجيه ومتى تعيين خصوصا بنات الدفعه الاولى احنا عندنا ظروف وارتباطات لازم ننظم روحنا مو فجئة يقولوا تعالوا ونجي ليش احنا عسكر بنرابط مثلا الحين الواحد مو عارف بنروح نباشر بشوال او لا كل شوي سمعنا كلام واحترنا اكثر

وعليكم السلآم والرحمه


عزيزتي

اغلبية البنات اتوقع مو اعترآضهم على اختياار الرغباات


فرضاا انه تم خطأ لاي سبب كان وطلبوا مناا اختياار الرغبات من جديد...

لآبد من التنسيق والتبليغ حتى مايكون فيه تخبط وضيااع للمتعيناات مثل مااصار...!

يعني اشووفها من جد مو حلووه يوم اخترنا رغباتنا بعدهاا بيومين جاتنا الرسايل
(هام جدا للمرشحات الااتي اجتزن المقابله:
الدخول على بوابة تكاامل واضافةالرغبات....الخ)

بصرآحه احس انا تفشلت من هالخربطه من جد والله...

وفيه بنات ماعرفوااا بالموضوع الا بالصدفه وفيه بنات مسافرين ومتوهقين يوم اسمعوا الخبر..

لانه صعبه انهم يرجعون من سفرهم ..وفوق هذاا الفتره قصيره اسبوع فقط..!

ياليل التعجيز...

مغير اقوولها دآيم الله دوووم يسهلهآ وبني آدم دووم يسكرهآ ويصعبهآ على غيررره..


الله الموفق