ابي رأيكم ي أخوان في فتح مؤسسة وبيع الفيز

المعاصر · #1 (**permalink**) 18-07-2012, 06:44 PM

السلام عليكم ورحمة الله وبركاته

اخواني / انا عندي تقريبا مبلغ 15 الف ريال

وابي افتح مؤسسة ولكن تنقصني الخبرة

وعندي عدة استفسارات اتمنى الاجابة عليها

س / هل المبلغ يكفي لفتح مؤسسة ؟
( مع العلم ان شخص قال لي يكفي / المحل تدفع6 شهور بـ 5000 ريال
3 فيز عمال بـ 6000 ريال + السجل واللوحة والرخصة .. الخ )

س / كم تتوقعون ابيع الفيز ومتى احط الفلوس بمخباتي تقريبا ؟

س / هل فيها تعقيد ؟

س / تنصحوني ادخل او لا

اتمنى الاجابة تكون مبسطة ويكون فيها ارقام وتجارب

عشان استفيد لأني تعبت وأنا اسأل والكل يقول ع حسب شغلك .. الخ

انتظركم

رجل اعمال مبتدى · #2 (**permalink**) 18-07-2012, 07:17 PM

شف يالغالي صحيح 10000 ريال نعم يكفي للفتح مؤسسة

بنسبة للشغل المقاولات فيها شغل قوي وارباح مضاعفة خصوصا مشاريع

شوف فيه موقع اسمه المركاز خاص بالمقاولات وعروض مشاريع بالملايين

وبنسبة وانا اخوك بيع الفيز والله ماروها خير اقولك ليش
اول شي حرام
ثاني شي بعته كلها 30 الف او اكثر تبيعها مرة وحدة ثم وش تستفيد
لاكن اشتغل بالمقاولات وستقدم عمالك وامسك لك عماير فلل قصور مجمعات اومسك مشاريع وطلع للمؤسستك سمعه واسم ضمن الشركات السعودية

اخير اتمنى لك التوفيق يالغالي

غريب الوحدة · #3 (**permalink**) 18-07-2012, 09:27 PM

مثل ما سبقني رجل اعمالأنصحك بالابتعاد عن بيع الفيز
لاالعلماء لم يحللوا ذلك وليس فيه بركة
الافضل ان تتفق مع عامل معين وتفتح محل والأرباح ٦٠لك و٤٠ له

اما بالراتب ما راح يشتغل

مرات · #4 (**permalink**) 18-07-2012, 10:03 PM

اتفق مع الاخوان

عدسه برونزيه · #5 (**permalink**) 18-07-2012, 10:14 PM

لا ياخوي مجمل لاتفتح مؤسسة وتعب حالك وتشغل الموظفين عشان تجيب عمال يغتنون من ظهرك وانت تفرح بكم الف
وش ذا التفكير ليتك ماطرحت الموضوع
بصراحه احسن لي اقفل الرد واسكت حتى نايجيني حذف
ناس تبني وناس مسخره للهدم
ليتني ماقريت موضوعك :'( :-(

المعاصر · #6 (**permalink**) 19-07-2012, 05:56 PM

اقتباس:

المشاركة الأصلية كتبت بواسطة عدسه برونزيه

لا ياخوي مجمل لاتفتح مؤسسة وتعب حالك وتشغل الموظفين عشان تجيب عمال يغتنون من ظهرك وانت تفرح بكم الف
وش ذا التفكير ليتك ماطرحت الموضوع
بصراحه احسن لي اقفل الرد واسكت حتى نايجيني حذف
ناس تبني وناس مسخره للهدم
ليتني ماقريت موضوعك :'( :-(

طال عمرك أنا ماغصبتك ترد
وأنا كاتب في الموضوع بيع فيز
كان اول ماقريت العنوان رحت لموضوع ثاني وريحت عمرك
وصحيح كلامك يقال السكوت من ذهب اذا كان هذا اسلوبك بالرد

كلامك وكلام الاخوان اللي قبلك واحد كلهم يرفضون لكن هنا يفرق الاسلوب

الاخوان قبلك اسلوبهم روعة يقنعونك أما أنت بصراحة جاي هنا للنقد فقط

بدون تقديم نصيحة لوجه الله عسى الله يرفع عنك ولا يبلانا