السلام عليكم

هالموضوع وجدته باحد المنتديات وبحكم اني الأن بدورة الامن العام
انششهد انه وصف الوضع 100% بآسلوب فكاهي رهيب

تفضلوا اقروا


.................................
في البدايه الصور تتكلم

الله ثـــم الملـــيك والــوطن



فديت دموعك يا ابو متعب


[IMG]http://alasaf.******.com/2.jpg[/IMG]


دموعكم تزيد اصرارنا لمحاربة الارهاب والفكر الضال












قبل الدخول إلى العسكرية كان هناك شخص يدعى عادل < اخوي( أبو نواف طبعأأ ) كان له دور في إقناعي بعدم العدول عن قراري بعدم الدخول إلى العسكرية في أخر لحضه وان الوظيفة في الوقت الحالي صعبه لاتفرط في هالفرصه غيرك مليون واحد يتمنى أن يكون في نفس وضعك ولا تم قبوله توكل على الله وكل الأمور راح تتسهل كل الشكر والتقدير له الحقيقة يعجز اللسان عن شكره ,,,




العسكرية طاعة عمياء !!




بعد الوصول والدخول إلى مدينة التدريب بالأمن العام أتاني حدس ما !! شعور غريب أفكار مشوشه بالفعل

هل أنا ارتكبت جريمه بوجودي هنا ؟ هل أنا رميت نفسي في النار أم ماذا اوووووووووف حيره حيره ماذا بي

لاينفع الندم لكن لماذا أنا مستوحش المكان !؟
لغة عربيه صح لا يفوتكم دخلت جامعة الملك تخصص لغة عربية ( تخب عليه البلدية )<<<<<<


وأنا اكلم نفسي جاء ذاك الطائش ينادي بأسمي بصوت مرتفع !!

موجود !!!



كارثه!! صارت مشكله وانا مع هواجيسي اكلم نفسي كانت هناك تعليمات بالاوامر العسكريه

وماذا تقول اذا ناداك مسؤول في المدينه تقول آآآآآمرررررررررررك بصوت عالي جداً !!

لكني من البدايه خالفت التعليمات اذاً تحمل مايجيك *********


بعد ماعرفت مكان السريه اللي فيها انا ذهبنا مع المجموعه اللي معي أكثرمن 100 طالب عسكري طبعـآ قبلنــآ نــآس وأحنآ جينــآ كأكمال فراغ جينــآآ

للمكتب اللي فيه الملفات ومن خلال وقوفنا كان ذاك اليوم شمس حارقه الا بذاك الذي يسقط على رأسه

ويتلوه الاخر ايضاَ ويسقط !! وش صاير العالم كلها قامت تتطايح !! انا في نفسي قلت الدور جاي علي
طايح معهم طايح


أعلمكم بس لا تعلمون < رابع واحد طاح من فصيله

وقسم جــآني المدرب محمد سالم اليامي عطاني ترفيص وانا مغمى علي < بس حال العسكريه




طبعاً هنا قدرة التحمل تظهر اللي صالح للعسكريه يكون صامل طبعاً هؤلاء معروف مصيرهم جزاء يومي ههههههه
لانها ماتستقبل هالاشكال والضحيه اللي يروح يسوي نفسه دور المنقذ ويروح يساعد اللي ساقطين على الارض هذا مسكين ******

< مثلي



اقلكم شئ الجزاء للرجال هههههههههههههههههههههههه
< مسوي خوي وهم يجــآزوني


المهم جاء وقت الغداء بعد اصدار جميع التعليمات والمحظورات عليك كطالب عسكري يعني من تسمع صوت البروقي (( جرس الانذار )) على طول تجي موقع السريه اللي انت فيها اذا تعطل البروقي تعطلت المدينه بأكملها كلمة ثابت خلاص كلمه مقدسه في المجال العسكري العموم يكون ملتزم الصمت بدون حركه


جاء وقت الغداء وطبعاً الكل كان تعبان من الوقوف في الشمس الحارقه ..

والشعب كله منسجم مع الاكل الا بذاك الايعاز ثاااااااااااااااااااابــــــت كل الموجودين ثابتين الا واحد بو الشباب ياكل

<< أنــآ بس لا تعلموون

وخر عنه تقول يسمع اغنية الاماكن منسجم الا مر من يمي كاس يمشي 6000 كم على راسي قمت قلت من دون شعور آآآآآآآآآآآآآمررررررررررررك المهم الرجال طلعني من الميز (( البوفيه )) زحف

بعد الغداء ذهبنا الى الكتيبه للراحه الا وبذاك الجرس يدق حتى 10 دقائق لم تكمل والشعب نايم مو داق اعتبار والبعض الاخر استجاب للبروقي الضحيه اللي بالكتيبه وأولهم انا المهم طلعنا واللي يطلع يستقبلك واحد متوحش يقولك على جنب المهم تأكدو ان الكتيبه مافيها احد ...


قال الوحش : العموم اجلس جلسنا يالله امش مثل البطه مو قصدي يا ( بطة ) واللي يوصل الى الخط اللي قدام راح ينجي من العقاب

تعال شف السباق تقول انواع الزواحف صارو انواع هم :-

ناس تمشي بالايادي وناس تمشي برجولها وناس تمشي مدري كيف اشرحها والله يعني مثلاُ معطي ظهره خط

النهايه ويمشي بيده ورجوله والمجموعه الاخيره المضحكه زحف ام انا ماقدرت اقاوم من الضحك

الناس في جزاء وانا جالس اضحك ماقدرت وربي اتحرك خلاص كاتم الضحك الباشات وصلو خط النهايه قال ارجعو من جديد خساااااااااااااااااااااره ههههههههههههههههههههههههههههههههاي


المهم ماجاء الليل الا الكتيبه صارت دار العجزه تدخل تشم ريحة فكس وانواع الادهان حق الاصابات !!


جاء وقت الصحيان الفجر الا اشوف العام تصااارخ انا قلت الحرب الحرب قالو بيسكرون باب الكتيبه اللي بيتأخر راح ينال عقاب لن ينساهـ مدى الحياة خخخ المهم أنا ماانزل من الدرج مايمديك تموت مالك إلا تقفز فوقهم من بين السياج من الخوف الأهم مافي الموضوع أن العموم كان متواجد بوقت قياسي من بعد تزحيف العصر


ياصباح الخير يابلادي


في صباح الاثنين في 23/7 كانت أول حصه عسكريه لي بعد صلاة الفجر ..


بدأت الصفه ورفع التكميل لقائد المدينة وبدأت الحصه ..

أنا متعود على الجري وشي طبيعي عندي كوني بالأساس لاعب كرة قدم ومتمرس على هاالامور مسوي ( هادي صوعااان ) على غفلة

خذينا اللفه الاولى الثانيه التفت ورا اشوف ناس متسدحين واللي جاه شد عضل !! افاااا والله

في المره الاولى جاهم انذار اذا توقفو عن الهروله راح يجيهم عقاب المهم المدرب قام ينشد لنا لتخفيف التعب


الحقيقه الاناشيد كانت في الصميم وتشعل الحماس ..

ياصباح الخير يابلادي ... يابلادي يا سعودية

نحمي حماك يابلادي ... بسيوفنا القوية

والله نشرب من دمه .. اللي يعاديك يابلادي




وكان الشباب ينشدون بحماس , الحصه الاولى انتهت بعد جهد جهيد الحقيقه بالموت وقفنا الين طلعت الشمس واحنا ماغير هروله المهم جاء وقت الفطور وأفطرنا ..

طبعاً بعد الفطور لازم تدور لك اصحاب او تدور احد من نفس المنطقه اللي انت فيها مشان يخفف عليك المعاناه ..

الحقيقه ان من مختلف سكان المملكه يوجد اشخاص من الشرقيه ومن الوسطى ومن الغريبه والشمال والجنوب ..

المهم حلصت لي اصحاب من نفس المنطقه ومن منطقه اخرى المهم بعد التعارف دق البر وقي (( الجرس ))

وتعال شف واحد جالس معك اتحدى صااااااااااااااروخ للميدان بدأت الحصه الثانيه بتعليم الحركات العسكريه والمشاه العسكريه وانتهت الحصه الثانيه ورجعنا مره اخرى للحصه الثالثه والاخيره ونفس الشي مراجعة اللي خذيناه من الحركات جلسنا على هالحاله الين ما طلعنا من الحجز 45 يوم !!



ابرز الاحداث 45 يوم لكنها بالنسبه لنا 45 سنه !!

اذا دخلت الكتيبه (( السكن )) تقول داخل دار العجزه من الدور الارضي الين الدور الاخير وانت تشم ريحة فكس ومن تدخل الغرفه تشوف ناس متسدحه وكل واحد يدهن الثاني واللي رابط رجله فوق السرير وكان عندنا عيادات في الغرف في ناس عندنا مدلكين تجي مثلاُ تحجز عنده تقوله ابيك بكره تجيني الغرفه تدلكني طبعاً الثمن انك تجيب له سيجاره
لكن في دكتور للاصابات معروف اللي هو انا خخخخخخ !!

كانت الغرفه اللي فيها انا عيادة أي واحد يعاني من الام في ركبته والا مفصله روحو حق د . تشارلز !!

ويالله خذ لك تفلسف عليهم مسوي فيها البرفسور هههههههه

تخيلو ياشباب الغرفه في العسكريه يسمونها حظيره الظاهر قلبنا دجاج !!


وهالحظيره فيها 70 طالب عسكري تعج بجميع انواع الروائح الجميله ياعيني بس فيك خير شم الريحه انت بس



كنت هناك أحسد العصفور انه يطير احس انه حر طليق عكسي انا اللي احس اني بسجن اني مقيد كل ماعلي بس اني اتقيد بالاوامر !! العسكريه طاعة عمياء مافيها جدل !!


الأمور الايجابية في مدينة التدريب العسكري ...



قال صلى الله عليه وسلم (من صلى أربعين يوماً لا تفوته تكبيرة الإحرام كتبت له براءتان من النار ومن النفاق) " رواه الترمذي , وحسنه ابن مفلح و الألباني


من دخلت أنا المدينة العسكرية مافاتتي جماعه كانو حريصين على الصلاه لدرجة ان اللي تفوته ركعه ياخذ عقاب بسبب تأخره عن الصلاة !!

كانو الكثير منهم لايصلي الفجر يقول من دخلت المدينه وانا الحمد الله مواظب على صلاة الفجر بفضل من الله ثم افراد المدينة العسكريه وضباطها الحقيقه شي مفرح وشي جميل وجزا الله العاملين على هذا الامر كل الخير ..


متى على الله نفارق مركز التدريب:'(






يالله اليوم يالله ,,,, نطلبك بالستيره

يومي رجلي عصيبه ,,, ماتلين عصبها



اناشيد كنت ارددها في الحصه الصباحيه



طبعاً هناك الكثير من يبكي على الاطلال ويتذكر ماكان عليه قبل العسكريه !!


بعد العز و الكشخه صار ينام تحت التراب ويستظل بظل الشجره !!

بعد ماكان حر يطلع من بيتهم ومايرجع الا في صباح اليوم الثاني ماحد يقوله ليه تأخرت !!

اصبح الان من يحاسبه ويجبره على النوم في الوقت المحدد ويجبره على الصحيان في الوقت المحدد !!


كان وقت بداية الدوره وقت صيف وكان النهار طويل والليل قصير معاناه في النوم !!

كنا ننام في التراب تحت الشجره دون المبالاه بالحشرات الضاره لعل ننام ساعه او نص ساعه تريح البال !!


المنتخب السعودي يتسبب في طرد اثنين من مدينة التدريب !!




كان احد الأيام مباراة المنتخب السعودي مع منتخب ثآني الله العـآلم بس ..!!

جرس إنذار في نفس وقت المباراة مفاجئ للجميع !!
تفتيش إلا المفاجاه الكبرى هروب اثنين من المدينة !!


بعد ساعتين من رفع التكميل دق الانذار مره اخرى اجتماع مدير الاعداد العسكري في المسرح !!


الا وجود الاشخاص اللي هربو في المسرح امام مدير الاعداد العسكري !!

كفششووهم

محاكمه عسكريه امام العموم واصدر القرار بطرد الاثنين من المدينه بسبب هروبهم من المدينه !!

قرار صارم حتى ياخذون العموم عين الاعتبار في حال هروبهم هذا مصيرهم ..



صفوة الرجال نحن بالفعل !!


بعد ثلاث أسابيع تقريباً تبين من يريد العسكرية وان يكون أهلاً لها ومن مكانه في بيت
أمه


حضر ضباط المدينه وافرادها ...

وألقى قائد المدينة كلمه تحفيزيه لنا !!

انتم صفوة الرجال انتم السند والأمل الكبير في حماية هذا الوطن المعطاه ..

تبين لنا معادن الرجال ومن يريد تأمين مستقبله وعدم الاعتماد على ابوه وامه واللي على هذا المنهج نحن لانستقبله هنا ابداً الشده والخشونه والتحمل لأجل الوطن ولأجل ان يرفع ابوك وامك رأسهما !!
ان جميع من انسحب من المدينه كيف سيواجه ابوه وامه ماذا سيقول تعبت !! كرف !! انا ماتحمل الشمس

كيف سيكون رد الاب عندما يسأله الجار لماذا ابنك خرج من العسكريه اترك لكم الاجابه ؟

<< حسيت بالكلمه ذي









راح الشهر باقي أسبوعين والهروله كل يوم تزود



عند القرب من انتهاء فترة الحجز 45 يوم كثرة الإشاعات عن قرب الإفراج عنا منهم من قال سوف تكون 35 يوم فقط ومنهم قال بعد أسبوع كثر الحديث والجدال وكل هذا لرفع الروح المعنويه فقط لأنه كل المعنويات كانت هابطه بالفعل !!

في احد الحصص العسكرية بعد صلاة الفجر كان حماس غير طبيعي من العموم أناشيد بصوت مرتفع لدرجة أن قائد المدينة قام بالهرولة والنشيد معنا وكنت أنا شاعر الفصيل وقلت :-

راح الشهر باقي أسبوعين .... والهروله كل يوم تزود

في كل يوم اصحى الفجر ... وأهرول والعالم رقود

يا ناس يا بدو وحضر .. للصبر له حد وحدود





موعد الخروج هل أنا في حلم أم ماذا



أصبح الوضع في المدينة لايستحمل , لدرجة أني كنت أشتاق أرى إنسان غير الموجودين في المدينة العسكرية !!

اشتقت أشوف الشارع والسيارات اللي تمشي فيه اشتقت للحارة اللي فيها أنا وأصدقائي !!

اشتقت أكل من ماكدونالدز أو كنتا كي وإلا بوفية راجو بيض بالجبن وكبده بالجبن

احد الأيام أتت شاحنه داخل المدينة العسكرية وكانت بداخلها البدلات العسكرية الجديده التي سوف نستلمها قبل الخروج ويالله خذ إشاعات الخروج اليوم بعد تسليم البدلات ويالله تعال اللي يرتب شنطته واللي مدري وش بيسوي واللي قال بطلع بدون شنطه !!
<< بدري عليكم
المهم وزعو البدلات وخلصنا يالله متى الخروج نسأل المدربين قالو من قال لكم أن اليوم الخروج !!!!

<< تحطم

تعال أنت بس شف كيف اليوم يمشي بعد ماسمعنا أن الخروج ليس اليوم الدقيقة عن يوم كامل !!


صمت يخيم أرجاء المعسكر هدوء عجيب حتى صباح اليوم الثاني خلصت الحصه الصباحية

قال رقيب الميدان تنظيف المدينة بالكامل بالاضافه إلى الكتيبة هو قال تنظيف تعااااااااااااااااااااااااااااااااااااااااااال الحق أنت بس خلال 10 دقائق بس المدينة صارت لمعااان خلصنا قال رقيب الميدان يالله جهزو أغراضكم استعداد للخروج وكلن جهز أغراضه وكل واحد راح للسريه اللي هو فيها جاء قائد المدينة ومدير الإعداد العسكري

وتكلم القائد عن بعض الامور بعد الخروج وموعد التحضير بعد الخروج ...انتهى


وجاء موعد الخروج من البوابة خلاص بنطلع الا ذلك الصوت المرتفع قف !!!!!!!


على الورااااااااااااااااااااااااااااااء دووووووووووووووووووور !!!!!!


خلاص لو تشوف عيون اللي في المعسكر شوي والا دموعهم تنزل ههههههه

كنــآ ننشد ..

يالله على الله متى نطوي العفش مآشين

يم العجوز الي ذبحني غلاهـآ



الظابط ماهو عاجبه طريقة المشاه العسكريه في الخروج جلسنا حوالي نص ساعه بعدين قال اضبطو المشاه العسكريه والا ماراح تطلعون ومشينا مشاه عسكريه الين البوابه !!


اخيراً شفنا شمس الشارع وعلى طول منظر كان جميل الحقيقه العموم لما طلع من البوابه سجدو شكراً لله على الصبر على هذا المكان كان منظر يحرك الشعور الحقيقه 700 شخص يسجدون في آآان واحد منظر ممتع !!

لا اخفيكم اني انا يوم طلعت شفنا اشخاص بالخارج كني اول مره اشوف واحد لابس ثوب وشماغ وعنده شعر

جلست اطالع فيهم فتره طويله اللي يشوفني يقول من مواليد الغابه الاخ
تخيل شهر وزياده ماشفت واحد لابس ثوب وشماغ وواحد له شعر طويل وسياره من جد صرت اضحك على نفسي

- - - - - - - - - - - - - - - - - - - - - - - - - - - - - - - - - - - - -

انتهت القوصه

اتمنى اعجبتكم

الحمد لله على السلامه

الظاهر انك مهستر في العسكر حقين الكلية

وانشاء الله تتخرج في اسرع وقت

والله استمتعتتتت واتحمست وكلل شيي

الله يعطيك العافيةة , من جد روووووعة

ههههههههههههههههههههههههههههههههههه

الله يعيننا اجل حنـآ .. فاله التخرج ان شاءء الله