07-08-2012, 04:47 AM
|
عضو جديد
|
|
تاريخ التسجيل: Jul 2012
المشاركات: 39
معدل تقييم المستوى: 26
|
|
اقتباس:
المشاركة الأصلية كتبت بواسطة سبّاق
هلابك أخوي عزام, وخذ راحتك بالأسئلة عادي 
1- بالنسبة للوثائق لم يكتب فيها أي شئ يشير إلى إنك تربوي وهذا ما حدث معي
ومع أشخاص أعرفهم تخرجوا قبل سنوات, وأستغرب من الكلية ليش ما يكتبون عليها تربوي
ويريحوننا من الهواجيس والاستفسارات, أنا مثلك أشكلت علي بس ما قالوا شئ عند المطابقة, أنت قالوا لك شئ عند المطابقة بخصوص التربوي؟
2- وبالنسبة لخريجين الأصول يكتب لهم خريج أصول دين بالوثيقة ومالهم علاقة بالدراسات.
3- نعم, أنا خريج كلية الشريعة من نفس الجامعة الفصل الأول, والله يوفقنا واياك |
تشرفنا اخوي سباق انا تخصص أصول دين
انا ماقالوا شي عند المطابقة بس كانت معي ورقة من قسم اللغة العربية وعلم النفس كان اي خريج ياخذها على وقتنا تدل على انه طبق التدريس طيلة فصل دراسي وكانوا يقولون لنا انها مهمه
انا طابقت يوم الأثنين الماضي والأمور سهله والحمدلله
بس بعد المطابقة كان يراودني شك من كون الموظف مأخذ هالإفاده وقلت هم اعرف
لني أكدت عليه كوني تربوي وقال اظفها جنب الدرجه الجامعية ورجع الأفاده لي
وانت تعرف الوثيقة مافيها ما يشير الى انها تربوية
بس الإشكال قريت اكثر من كلام بكذا موقع ان الجامعة تغيرت من تربوي الى غير تربوي
وكان هاذا هو المفاجئة لي منها موقع جامعة القصيم بمنتدى كلية الشريعة والدراسات الإسلامية فراودتني الشكوك
أظف لها تغير الإسم فدخل علي الوسواس ههههه قلت ممكن هالمشهد المختوم من قسم التربية هو الفيصل بالموضوع خبرك الي مايعرف القوانين ولا الخلفيات يقع بالإشكالات
خصوصا ان الجامعة تاركتنا في حوسه وعدم حفظ حقوقنا بعدم إدراج مع أعداد تربوي بالوثيقة
سألت الخنيني رد على جزء من السؤال ولا رد على جزء حفظ حقوق الخريج القديم عند تغير النظام أو المسمى لكليته وكيف يتم تصنيفه إذا ماوجد بالوثيقة مايشير الى كونه تربوي وهو تربوي
سألت يمين يسار ماجاني رد شافي يريح قبل لا أسئلك وأسئل كم اخ أخر
قلت ريح نفسك واقطع الشك باليقين دقيت على فرع الرياض الي طابقت عندهم
على مساعد المدير ابتأكد من الوضع قال عطني رقم بطاقتك دق الجهاز عنده ودق الهاجس معي هه
قال كليتك قلت الشريعة وأصول الدين قال لا عندي مسجل لك
كلية الشريعة والدراسات الإسلامية قالت مدري ممكن الإسم تغير المهم هي نفس الكلية الي متخرج منها انا
قال طيب المفروض الموظف اخذها منك ارسل لي الورقة المشهد على الفاكس كان وقتها قرب الداوم ينتهي قلت ماعندي فاكس
لاكن اجيك بكره بالرياض قال طيب مر علي بالمكتب (( بعدها انت كتبت الإجابة على سؤالي
وكذا اخ ))
بس قلت بعد ويش لنه ماطلبها ألا انها مهمه وممكن شاف اني محطوط غير تربوي ؟؟؟ والله وسوسه مالها أول
ولا أخر المهم
رحت اليوم لهم مالقيت مساعد المدير لاكن لقيت نائب المدير وادخل معه بقصه مالها أول ولا اخر
علمته بما جرى مع نائب المدير وطلبه مني هالورقه
نظر فيها قال هاذي ماتفيد انك تربوي ؟؟؟؟؟؟؟ قلت مافيه احد بيطبق وهو غير تربوي
أظف لهاذا انا درسنا مواد تربويه وجامعتنا تصنفنا تربويين وكذالك التعليم العالي ووزارة التربية ومن تعين من زملائنا عينوهم تربويين (( وانا جيت بتاكد مع اني تاكدت قبل لا اجيك عن وضع الجامعة وانها مازالت تخرج تربويين بس لن مساعد الفرع طلب الورقه قبل لا أتأكد قلت ممكن فيه شي يستدعي لها وإلا لو علمت عن وظعها قبل لا أكلم مساعد المدير ماكلمته )))
قال لا ماهو كل من درس مواد تربويه وطيبق يكون تربوي ؟؟؟؟؟ وهو هاذا رايه وينافح عنه
ويقول فيه كثير طبقوا وماهم تربويين ؟؟؟؟
المهم خذ ورد خذ ورد (((((( بس الحق كان جدا جدا محترم وخلوق ويحترمك ))))))
عنده كشف أوراق كثيرة مدبسه ببعض فيها قوائم الجامعات والكليات التربويه بالمملكه
نظر فيه قال مكتوب عندي كلية الشريعة والدراسات الإسلامية بالقصيم تربويه
بس انت كلية الشريعة و الأصول وماهو مكتوب بالوثيقه مع إعداد تربوي
قلت هم مايكتبون مع إعداد تربوي وعلى العموم انا قبل لا أجيكم مكلم الخدمه بالقصيم
قالوا انت تعتبر تربوي والي مكلمه نائب مدير فرع القصيم وأكد على هاذا
المهم هو ماهو مقتنع قال عطني صورة من المؤهل + الإفادة بالتطبيق بالمدارس+ صورة البطاقه
وقال انتظرني بالمكتب وطلع .......... من ربع الى ثلث ساعة 15 الى 20 دقيقة
المهم رجع قلت وش صار قال الأخوان حاطينك تربوي قلت يعني مافيه أي خطأ بذن الله
واللهم لك الحمد قال لا موفق بذن الله انت تربوي قلت جزاك الله خير
قال بس الصور خلها عندي ببحث الموضوع ؟؟؟؟ قلت مايحتاج بيكون الناتج بذن الله تربوي
جزاك الله خير وطلعت من عنده ((( هاذي اخوي سبّاق قصتي مع التربوي وتغيير مسمى الكلية))
بعد ماطلعت من عنده رحت لقسم المفاضله مجرد سؤال عن الكلية وتغيير مسماها
قال موجوده عندنا بالتصنيف تربويه طلعت من عنده
ومن الخدمه
أحياننا يجيني هاجوس ان نائب المدير ممكن يحوس الأمور ببحثه لاكن بذن الله تنتهي على خير
-------------
المشكله ماهي الأن بحجمها لاكن بيكون فيما بعد إذا صنفت على انها غير تربويه
بعد تخرج أخر دفعة تربوية ذاك الوقت بيتعب الواحد وراهم لأثبات أنه تربوي لن وقتها بيتغير بالدليل الى غير تربوية
(( لن كان سؤالي للخنين هل الدليل التربوي موضح فيه الدفعات فيما لو تغير النظام من تربوي الى غير تربوي بس مارد على هالجزئية ولا كان كفانا كل هالحوسه )))
وبذن الله انا وياك وكل الخريجين نتعين هالسنه ونرتاح ونفرح بزاحت هم جاثم على صدورنا
ومشكور اخوي العزيز سبّاق وماقصرت على تجاوبك المستمر
أخوك
التعديل الأخير تم بواسطة جامعي عزام ; 07-08-2012 الساعة 05:13 AM
|
العرض العادي
