اقتباس:
المشاركة الأصلية كتبت بواسطة لافندر اند دايسي
انا سجلت فـ المنتدى مخصوص لها الموضوع .
حياك الله أسال الله العلي العظيم ان يكتب لك التوفيق والسداد 
انا توني متخرج من الثآنويه بنسبه 97 علمي والحمدلله >> قولوا ماشاء الله هههه
طبعا بعد حيره قدمت على انجليزي وانقبلت الحمدلله
هه ماشاء الله تبارك الله لاقوة الا بالله الله يحميك 
ولكن
واجهت هجووم شدييييد من جميع اللي حولي من اصدقاء وغيرهم .. بأنه بما ان نسبتك عاليه لازم تدخل طب او هندسه ,, وحرااام ومدري ايش
>> طيب مابي ,, ماحب !! ههههه يعني عشان نسبتي عاليه ادرس شي ماحبه !
فـ يعني شي حز في خاطري 
لا ياحز بخاطرك ولاشىء طالما ان رغبتك انجليزي مو هندسة ولا طب صدقني حتبدع في مجال تخصصك لانك دخلته برغبة مو غصيبة واغلب الطلاب والطالبات اللي دخبوا تخصصات ماهي رغباتهم بس وفق اهواء ورغبات الاهالي تلاقيهم فاشلين بحياتهم ودراستهم ,,, انت تصرفت واخترت تصرف سليم  أهنيك ...
الان المهم .. انه انا افكر لقدام ما بعد التخرج ,, الكثير يقول مالك غير التدريس ! وهنا مشكلتي .. اني ماحب ولا أرآ نفسي مدرس
شوف كونك شاب والشاب ملزم يكون له مرتب عالي عشان يفتح بيت اذا فعلا خيار التدريس لك حيكون جدا طيب ! لكن اذا كنت شخص طموح تقدر تشتغل هنا وهناك ! منها كسبت مرتب مادي طيب ومنها حصلت على رغبتك الوظيفية المناسبة ! 
انبسطت لما شفت ردود بعض الاعضاء انه بالامكآن العمل بوظايف اداريه وشركآت وغيره لخريجي الانجليزي !
اللغة الانجليزية مطلب اساسي لجميع الوظائف سواء الحكومية او الخاصة بس عيبها منحصرة مجالاتها المتعددة للرجال فقط بالعربي الفصيح كل شىء لكم ماشاءالله احنا ولا شىء غير قرية ام تنورة وام بنطلون وام بلوزة ومدري ايه
فـ ما ادري الحين ,, وش الصحيح ؟ ومن نصدق ؟
استمر بالانجليزي ؟ او احول افضل ؟
خلك انجليزي ولا يطيح حتى لو بتكمل ماستر بعدين باي مجال عادي زي انا قدمت تسويق بس ربي ماكتب لي البعثة وانا ادب انجليزي يعني اللغة الانجليزية يسمح لك تكمل دراسة باي مجال
____________
اما بالنسبه لك اختي لافندر اند دايسي
فـ اولا البنت لا مكسره اجنحتها ولاشي ان شاء الله .. اذا تقفلت من هنا .. بتنفرج من مكان ثاني بأذن الله
ان شاء الله ربك كريم ميضيع عبده اذا دعاه وامل به خيرا
وخيره لك انك ما طلعتي برآ ,,, وقرار الوالد صائب.. الله يطول بعمره .
صح صادق انا توي اللي فهمت الامور صح بس وودي بالممارسة حتى لو بدون دراسة الشكوى لله  بناتي اذا ربي كتب لي عمر ان شاء الله ماادخلهم مدارس واخليهم يتعبوا انا ادرسهم كل شىء منزلي ماله داعي هجولة الصبح اذا بتقابل الجدارن بعد التخرج !  وتتحطم زي امها 
ويعني بالنهآيه البنت الله بيرزقها بالزوج الصالح ان شاء الله .. ويعني المستقبل ما عليه خوف .
المستقبل والحياة ماهي بس زوج وانتهينا لالالا لو كدا من اول خاطب طرت معاه انا ابغى احلل تعبي ياعالم ابغى تعب 4سنين من حياتي اشوف ثمرته ليه بس يحطمون الواحد ويوم سجلنا بالجامعة دخلنا بنسب مرتفعة وهياط والتقديم فقفل وصورة 6x4 وصورة لكرت العائلة وملف اخضر وهياط تقول مقدمة على شركة ناسا الفضائية واخرتها بطالة وفتحت فم على غير سنع 
.. اما احنا اللي الله يعيننا بس ههههه 
انتوا عاد عشان وراكم حريم وبزران غصب ايش تسوون الحياة تنرفز الواحد يموت ويروح الجنة ابرك له 
موفقين يآرب ,, واتمنى الرد على التسآؤلات لمن يملك معلومه اكيده .
وشكرا
جميعا ياااااااارب اسعدني تواجدك بصفحتي الله يوفقك ولايجعلك مثلي لاتخرجت
|
يعطيك العافيه يارب ,, راقت لي ردودك جدآ .
بالنسبه لبنآتك ,, خليهم يجون الاول وبعدين يصير خير هههه ,,, بس مهما يكون الشهآده لابد منها ,, حتى وان كآن على قولك بتقعد عآطله .. وفتحت فم على غير سنع . 
لكن تظل الشهآده عصفور باليد
من نآحيه قولك انك تبين تحللين سنين ها الدرآسه ,, فـ بهذي ما الومك والله .
عموما ,, الوآحد يسعى .. والرزق على الله .. ياما فيه ناس راحت برا وجآبت احسن الشهادات وقاعدين ببيوتهم !
ونآس معهم كفاءه ويشتغلون .,,
والواحد يعني المفروض يحاول يطور من نفسه ,, ولا يكون حآصر نفسه بالوظيفه .. ان جت . ولا اقعد واحط يدي على خدي وبس !
و الله يوفق الجميع,, وترآني ماحب طاري التحطم واليأس ابد ابد 
_____________________
فيه استفسار بس ,, الان انتي بما انك خريجه لغه انجليزيه ,, كيف حصيلتك اللغويه ؟
سوآء تحدث او كتآبه او غيره .
لأنه بصراحه اتذكر مر علينا مدرسين انجليزي بالمتوسطه او بالثانوي ,, كان كلمتين على بعض ما يعرف يقرا !!
فـ كنت استغرب معقول هذا معه بكآلريوس انجليزي !
فـ يعني هل البلا منهم ؟ ولا فعلا درآسه الانجليزي كـ تخصص ما يفيد لغويآ ؟
ويعطيك العافيه
وعلى فكره ترا مادري اذا نزل لي رد مكرر او شي .. المتصفح عندي مهوب مضبوط
وشكرا
24-07-2012, 03:36 PM
!
العرض العادي
