[align=center]اهلا بالجميع ..

ابي رايكم و بشده ..

انا الحمدالله عندي هواية الطبخ و اسوي اشياء حلوه و احب كل شي يتعلق بالطبخ و الاكل ..

فكرت اكثر من مره اني ابدى مشروع لي خاص و هو مشروع بيع الاكلات المنزليه ..

بس هناك اشياء محتاسه بسببها ..

1 / انا ادرس بالجامعه لكن احب يكون لي مشروع و ابي يكون لي مصدر دخل خاص خصوصا ان راتب التقاعد حق ابوي الله يرحمه قليل و الحياه هاليومين ما ترحم ابد .. لكن اخاف يضيع وقتي من الدراسه الى الطبخ و البيع و كذا و اضيع وقتها صدق ..

2 / ماعندي الامكانيات اللازمه كيف ابدى ؟؟

3 / انا اعرف ان الشغل ماهو عيب و لا يمكن يكون عيب بس اخاف الناس يقولوا عني كلام و تعرفون ..!

بس قولولي و نوروني كيف ابدى و اش اسوي و اش هي الخطوات ..

انا فكرت اني ما ابدى بشي كثير و كل الطبخات بس فكرت اني اتخصص مثلا في حلويات الحفلات و تزيينها و ضيافة الحفلات ..

بس هذي اعتقد يبي لها ميزانيه تهد الحيل ..

شوفوا انا مالي خبره و لافي احد ابددددددددددددا من عايلتنا دخل بالتجاره يوم من الايام ..

اشرايكم بفكرتي ؟

اتمنى تردون عليّ
[/align]

الناس يبونك اخر الاسبوع لانه وقت العزايم والمناسبات والزواجات

اعلني عن نفسك وحطي صور لبعض ابداعاتك وانشريها في المنتديات النسائية وزوري المدارس وسوقي نفسك

2- شوفي تكلفة صحن الحلا الواحد افرضي 60 ريال اجمالي التكلفة ولو اني اشوفه كثير

وبيعي 90 ريال وخليك اقل مع الاخرين

واذا فشلت هالخطة فيه افكار ثانية

اختي انا عندي لك طريقة مره حلوه

وقتك أكيد بيكون من ذهب سواء في الدراسه او التجارة

طريقة العمل خليه يكون ايام الإجازات خميس وجمعه وأيام المناسبات لكي تنظمين وقتك لدراسه

وبخصوص المواد تقدرين تكلمين صاحب الطلب توفيرها وانتي اهتمي بطبخ اشوي اشوي الين ما تكونين روحك وبعدين تقدرين تعتمدين على نفسك في المواد وغيره


وكل التوفيق لك اختي

الله يسعدكم يا رب و يحقق امانيكم

طيب تتوقعون لو بروح لصندوق الموارد البشرية بيساعدوني من ناحية راس المال?

او صندوق المئوية
مدري اية واحد فيهم تبع الاشياء هذي

اتوقع عبداللطيف يدعمونك هذا اللي مر علي

اتمنى لك التوفيق

الله يعينك يارب

إذا انتي جامعية

ممكن تاخذين جزء من مكافأتك وشوي من راتب التقاعد

وتبدين تسوين على شوي شوي

الطلبات ماراح تجيك مره وحده
راح تبتدي حبه حبه ومنها توفرين لك مبلغ حلو لما تصيرين معروفه عند الناس وصار لك اسم عندهم ..

الله يوفقك ويسهل لك وييسر أمورك يارب

الحلا اقل جهد واقل تكلفة

وربحه عالي

حاولي تبدين تشتهرين بين الي حولك من جماعتك.. وخطوط خطوطه راح يكون لك شهره في مجال الطبخ ,
لاني اعرف وحده مثل كذا تموت بالطبخ وكانت بدايه شهرتها من جماعتها وصديقاتها ...
بالتوفيق يارب