شف انا ماانصحك ليه لان مثل متعرف الان اناس صارت اول شئ يسال كيف المحل وصيانته وضمان ووو الي اخره يعني شف انت من وين تشري الجوال وثاني شئ ترى محد يفيدك بمشروعك الا انت ولي بنفس منطقتك لان المتطلبات من منطقه او من محافظه او قريه الي اخري يكون مختلف

اهم شئ الاستخاره وعدم التردد كثير التردد يمنعك من القدم نحو الامام عاد ان كان اتقدم سهل او صعب مراح تعرف النتيجه الا اذا تقدمة

^

يعطيك ربي الف الف عافيه .. صحيح كلامك الاستخاره شيء ضروري ..
بانتظار البقيه والله تحطمت ..

شيئ مافيه خسااره الي هو الكمبيوتر والبرامج والسوفت وير للبلاك بيري وبرامج الاندرويد ولو تنزلها وتبحث عنها يوميا عشانها ترفع في مواقع وتمحي بعد شهر يعني خل عندك براااامج

ولايهوون جلبريك الايفون و و الخ..... حاجات خفيفه تدخل لك من 100 الى 500بليووم تقريبا ولكن

شووف لك مووقع ممتاز ولو تدور في المولات وتشوف كم ايجااراتها هي غاليه لاكن دور منا ومنا لانها دايم مزحومه المولات

السلام عليكم ..

اخوي ابقولك رايي و اتمنى تقبله ..

محل الجوالات و الاشياء اللي زي كذا ما ائيدها و اتفق مع كلام الاخ الامل الموعود ..

شوف اخوي اول شي انت وين بتفتح المحل ان كنت بالرياض .. اقصد باي حي و اي منطقه من الرياض ..

انصحك نصيحه انك تفتح محل في الاحياء الجديده .. العزيزيه الجديده , لبن الجديد و المهديه و طريق مكه قرب الجديّه في احياء جديده , و احياء شمال الرياض الجديده ,, هذي الاحياء فيها نقص كثيييييييييييير بالخدمات و المحلات ..

يعني لو تفتح لك محل مثلا مخبز في احد هالاحياء و تبدأ باشياء بسيطه خبز و صامولي و شوي شوي تتوسع بشغلك و تتعاقد مع احد البقالات او التموينات بهاك الحي تعطيهم يوميا خبز و صامولي و الربح بالنسبه و هكذا و ان شاالله ربي يرزقك من واسع فضله ..

طبعا انا ليش اعطيتك فكرة المخبز بالذات .. لان الخبز مطلوووووب يوميا بنسبه كبيره جدا و محد يقدر يستغني عنه فما بالك الاحياء الجديده اللي ما عندها خدمات كثير بهالخصوص و مالهم خلق السكان يطلعون بعيد عن بيوتهم عشان يشترون خبز كل يوم و انت تعرف الرياض كبيييييييييييييييييييييييييييييييييييييييره .. و ثاني شي المخبز احس انه ما يكلف راس مال كثير و اللي بيدخل لك اكثر من اللي بتصرفه ..

بصراحه انا مالي كثير بالتجاره بس ان شاالله يعجبك رايي و انا حلمي و منى عيني اني اسوي مشروع مخبز و اطبق نفس الفكره اللي اعطيتك ياها الحين .. و حبيت اعطيك الفكره لان الرسول يقول لا يؤمن احدكم حتى يحب لاخيه ما يحب لنفسه .. رزقك الله من واسع فضله ..

شوووف لكل انسان ميوله
والانسان غالبا ما ينجح الا بالشي اللي يستهويه

لو محلات الجوال ما فيها مكسب ما كانت منتشرة بالشكل هذا
اقل شي السوفتوير والبرامج حاجات بسيطه ودخلها ممتاز

والاكسسوارات انت شايف الناس كيف هابين فيها

المشرووع اشووف انه ممتاز اذا اخترت الموقع المناسب
في خميس مشيط شاب سعودي فتح محل جوالات وبنفس الوقت كمبيوتر
والشغل عنده ماشي زي الحلاوه ما شاء الله

وهو بنفسه شغال بالمحل

السلام عليكم ورحمه الله وبركاته
أخوي .. و تــستمر الحيااااه ..
اول .. عليه الصلاه و السلام ، كلامك جميل .. و فكرة مشروعك رائعه جدا
و راح اطبق كلامك ايضا عليك مثل ما انت تمنيت الخير ل الناس .. انا اتمنى لك الخير وراح ادلك على شيء حلو تقدر تفتح فيه مشروعك
فيه جهة اسمها " معهد رياده " المعهد هذا يمول المشاريع الصغيره .. ل حد 300 الف ريال ،
طبعا بدون فوائد لهم ، و يعطونك مهلة للتسديد 8 سنوات .. مع صرف راتب لك شهري 3000، ماله علاقه بالقرض
.. شروطهم بسيطه جدا ، عمرك فوق 18 .. و عندك خبره بمشروعك .. و فاضي لمشروعك تشتغل فيه بنفسك
( لان هدفهم ب اختصار / تشغيل الشباب السعودي )
.. تقدر تدخل على موقعهم بالنت و تقدم .. والله يوفقك و يرزقك و يكتب لك كل خير ..
انت و جميع المسلمين .. / اللي يبي يقدم ترى التقديم مفتوح ..
تحيإتي ، اي استفسار انا حاضر