آلسلآإم عليككم ورحمه الله وبركآته
معآإكم حمني ( آلمستخدم آلآول )
كيف حآلكم آن شآإء آلله بخير ,
آعذورني على آلتأخير , وآلله رآيح موآصل وتعبآن ونمت وتوني صآإحي
آلحين بكتب لككم وش صآر معي
آول شيء رحت لمركز آلتدريب آلسآعه 6 ونص تقريباًً , جآي بدري
آلمهم خلونآ نصف طآبور وننتظر لين آلسآعه 7ونص , ودخلونآ للمركز
آول مآ تدخل يحظرونك عندهم بالسجلآت
بعدها تتقدم شوي بتحصل عسكري جآلس على طآوله تقول له اسمك يطلع لك ورقه الطلب اللي عطيناه اياها في رمضان
وبعدهآ يدخلونآ آلصآله آلريآضيه ونجلس على المدرجات
وخلونا ننتظر يمكن ربع ساعه وعطونا اورآق فيهآ عدت مرآحل وجنب كل مرحله مكتمل او غير مكتمل
وخلونآ ننزل على المرحله الاولى وهي ( يتأكدون من المؤهلات والاوراق انها كامله ) واول ما تأكد من اوراقي حط مكتمل
بعدها خلونا نروح للمرحله الثآنيه وهي ( آلوزن والوطول ) وقاس وزني وطولي وحط مكتمل
طبعاً آلوزن ما يدققون عليه لو انك ياكازونا آهم شيء آلطول
بعدهآ صعدنا للمدرجات ووزعوا علينا اوراق فيها اسئله شخصيه
اسمك , ما اسم مدرستك في الابتدائي والمتوسط والثآنوي < والكليه للي مقدمين على العريف
هل انت سآكن مع والديك او لا
اذكر قناتين تتابعهم
اذكر قناتين لا تأيد متابعتهم
اذكر مجلتين او صحيفتين تنشر يوميا او اسبوعيا او شهريا
هل سافرت خارج المملكه , اذكر البلدان اللي سافرت اليها ولماذا مع عدد مرات السفر
طبعاً آنآ كتبت اكثر من دوله وكتبت للسياحه بس ما كتبت عدد المرات لاني ما اعرف ومابي احط رقم ويطلع غلط ويسون لي سالفه
اكتب شيخ قبيلتكم او العمده
اكتب اسماء اقارب او صديق يعمل في أمن المنشأت ( سألت العسكري قلت له ما اعرف احد بأمن المنشات قآلي آي قطآع مو لازم امن المنشأت )
هذا اللي اتذككره
يوم عبيناها قآلوآ لنا صفوا طابور ورحنا للمرحله آلثآلثه ( آلمقآبله 1 )
آلمهم دخلت لقيت 3 طاولات وكل طاوله جالس فيها نقيب
دخلت وسلمت وجلس عند اول طاوله
عطآني النقيب ورقه وقالي اقرآ , قريت له بصوت عالي وواضح
بعدها قالي من هو وزير الداخليه جآوبته وقلت محمد بن نآيف
بعدها قآلي آذكر الخلفاء الراشدين ذكرتهم له
بعدها قالي وش يحد المملكه من الغرب قلت له مصر
قآلي غلط قلت له مدري وش الجواب
قالي طيب وش عاصمه مصر قلت له القآهره , قآلي متأكد قلت له متأكدين
قآلي آلله يوفقك وحط مكتمل
بعدها رحنا للمرحله الرآبعه ( آلمقآبله 2 )
المهم دخلت وكان اللي يقابلني مقدم حبوب وفلاوي
اول ما سلمت عليه وجلست قالي تكلم
قلت له اتكلم عن وشو قالي عن اي شي تبيه
قلت له بتكلم عن نفسي
انا اسمي عبدالرحمن من الدمام ,,,,الخ ومسكت معاه خط
المهم قالي كم عدد اخوانك قلت له انا ثالثهم وعندي 3 خوات
قالي انت وش مرتبتك بينهم قلت له قبل الاخير
قالي وش يشتغل
امك وش تشتغل
آخوك الكبير وين يشتغل
اخوك الثاني وين يشتغل
المهم بعدها قالي ليش ما تصير مثل اخوانك كلهم جامعين وبكالوريوس ومدري وشو ليه ما تكمل درساتك بدال ما تدخل العسكريه على جندي
كنت بقوله اني دخلت جامعه ودرست سنتين وطلعت بس ما قلت له اخاف افتح له باب ويسفل فيني هههههه
قلت له واللي انا ودي ادخل العسكريه وانا احبها ومن ذا الكلام
وان شاء االله اول ما اخلص الدوره بكمل دراستي انتساب
بعدها سألني قآلي وش رايك بمحمد بن نايف ؟؟
ومين احسن هو ولا ابوه
قلت له والله كلهم زينين وحاولت اطلع نفسي من الموضوع هههههه
بعدين قالي مبروك
قلت له خلاص يعني انقبلت نهائي
قالي باذن الله اذا ما عليك سوابق وخلص اجراءات الاحوال المدنيه
ان شاء الله انك مقبول
بعدها رحنا لغرفه ادخال البيانات
ودخلوا بياناتي بالجهاز
وبعدها سوو تحليل سموم ( بول ) الله يكرمكم
وبعدها تقدر تمشي
عاد وانا طالع شفت الضباط يجازون واحد
مخلينه ينسسسسسدح بالشمس
انا طلعت على الساعه 12 والله حررر والمسكين منسدح بالشمس واخوياه كلهم بالضل
وبعدها سسسسسريت لدمام وصآرلي موقف بالرجعه غرزت هههه الساعه 12 ونص الظهر وزين شافني راعي هايلكس وما قصر وطلعني الله يوفقه يارب
وترى المقآبله تسآآآهيل وربي , والله آن في واحد كان قبلي قالوا له وش اسمك ما عرفه
المهم شكو بحاله وقالوا له اسمك يالطيب ما تعرفه وبعد يمكن دقيقه قالهم
رحت للملذوع ذا قلت له سلامات اسمك ما تعرفه قالي والله اني جاي من الجنوب وسهرااان ومضيع الدنيا وما استوعبت يوم قالي شسمك ههههه
وفي ناس واجد غلطوا بالاجوبه ومشوهم
اهم شيء خلك واثق من نفسك وراح تمشي امورك
واهم شيء كثروا شرب مويه قبل لا تروحون علشان التحليل لان في ناس جاين مو مفطره ولا ماكله شيء ويوم جاء التحليل جلسوا يمكن ساعه ما طلع لهم شيء
وترى تحليل البول يفتشونك قبل لا تدخل الحمام
ولازم تخلي باب الحمام مفتوح ما يصير تسكره وواحد جالس وراك
كل شوي يقولك ها بشر طلع شيء هههههه
عاد انا اكثر شيء تأخرت فيه التحليل دخلت الحمام يمكن 6 مرات اخر شيء قالي الملازم هذي اخر مره ان ما طلع شيء بنستبعدك ( طبعاً هو يخوفني لان مو بكيفه يطرني )
قلت له ياحبيبي لو بيدي السالفه كان عبيت لك جركل بس مافي شيء
وبعدها دخلت والحمد لله عبيت العينه
وآي آستفسآإر آنآ حآظظر واعذروني على اطاله الكلام وعدم ترتيبه
10-11-2012, 08:10 PM
العرض العادي
