المشاركة الأصلية كتبت بواسطة مملكة الهلال

بسم الله الرحمن الرحيم


بذكر تجربتي مع القبول المبدئي

في البدايه
انا قدمت على جندي اول < التدريب بالرياض والتعيين في الشرقيه

جتني رسالة قبول مبدئي وكان موعدها يوم السبت 9/9/1433 هـ

جهزت اوراقي واخذت تعريف من معهد الحاسب < الى الان ادرس حاسب

وحركنا من الخرج الساعه 7 بعد المغرب على طول انا واخوي


ودخلنا الرياض 8 وربع وتوجهنا على طول الى امن المنشئات < مقابل كلية الملك فهد الأمنية

بعد ماتعبنا في الزحمه وصلنا الحمد لله قلنا للأمن نبي ندخل

قال ومن تكون انت وياه

قلنا نبي نقدم قال اها القبول موب هنا القبول في مخرج 6 على طريق خريص !!

<< كان هالكلام في مخرج 30 اذا ماخاب ضني

الله يعيننا على المشوره والزحمه

وبعد ساعه ونصف بعد الحوسه والتيهان وصلنا

وصلت تقريبا 11:15 تقريبا < بقى على الانتهاء نصف ساعه

تفاجأة بطابور الانتظار ! وفقدت الامل بعد ماشوف الي حركوا وانطردوا

واصل السير الى الطريق العام < تقريبا 600 متر بيني وبين البوابه وتقريبا 3 الاف شخص قدامي

لكني سقطت على الجميع وسويت انا والي وراي صف جديد

ثم تفتيش وسحب الجوالات < ما اددري ليه ما اخذ جوالي

بعد مادخلت جلست حالي حال غيري وانتظر ساعه وشوي

< الي اسمه يبدا بحرف أ يجي قدامي للتحضير فقط

ثم الي اسمه ب وهكذا
ثم تجلس بالكرسي وكل شوي تتقدم > يبيلك 45 دقيقه على مايوصل دورك

الحمد لله انا طولي 170 والوزن 64 < فيه ناس مع الباب ما ادري كيف طولهم او وزنهم

واخر شي تدخل لصالة كبيره ياخذون شهاداتك

انا مشكلتي نسيت البطاقه بالسياره ولا فيه امل ارجع للسياره لان اذا طلعت راح اخذ طابور طويل ويروح مكاني وفجاه اقلب با الاوراق واشوف صوره من بطاقة احوالي

وكنت خايف انهم يرفضونها لكن قلت لهم البطاقه الاصليه بالسياره واخوي رجع للخرج و و و و

قال طيب وين شهادتك الحاسب ! << هنا انا اكلتها

قلت هذا تعريف المعهد قالي ماينفع
قلت ان شاء الله بعد العيد اخلص الشهاده >> سجل ملاحظه اني مامعي شهاده الان


قالي اذا جاء موعد الفحص ولا معك الشهاده لا اشوفك << باقي لي شهر ونص واخلص الدوره وشهر ونص توصلني الشهاده
يعني 3 شهور
والفرز النهائي بعد العيد



امل ان اكون افدتكم

المشاركة الأصلية كتبت بواسطة براءة عاطل

الله يوفقك ودعيلي انا من الدفعه الثانيه ان شاء الله يطلع اسمي..