السلام عليكم ورحمه الله

راح ادخل في صلب الموضوع نصيحه لوجه الله لا تفكر في امن المنشات الا اخر شي ترى دورتها مو وسخه الا قمة الوساخه وضباطها من اوسخ الضباط لا حسيب ولا رقيب عليهم انا في الدوره الاخيره اقسم بالله العظيم لو ادري اني راح انقبل في اي قطاع ثاني اني لا اتركها بس عمري كبير والي اعمارهم صغيره لا يستعجلون خلصنا الاربعين يوم والى الان نحس انا باقي ماخلصناها يكرفون فينا ليل ونهار اصحابي في دورة المباحث والي في الدفاع المدني والي في الامن العام لما بحكوني عن دورتهم وزعلانين منها اقول احمدو الله وربي انهم في نعمه تخيلو الاسبوع الي فات ينزلونا 3 حصص في اليوم غير التعليم والتصليب وانتو بكرامه يخلونا نصلي بالبساطير عشان يطفشونا ولا يقول الضابط باقي ماشفتو شي الشباب الي في الامن العام ينزلونهم حصه وحده في اليوم شوفو الفرق وبعدين العسكر في امن المنشات اذا ما عجبتو يروح يحجزك وانت ما تدري حتى لو ما سويت شي طبيعي انت داخل تتعلم الحركات العسكريه وطبيعي راح تغلط وانت تتعلم بس هذي لا ياحبيبي عندنا مايمشونها
اول مره اسمع ان الطالب ينحجز اذا ما رفع رجله في المشاه طيب كل واحد وله حد في رفع الرجل ومع الايام راح يتحسن عندنا لا والتسمم في الميز حدث ولا حرج وما يخلونك تروح المستوصف بالسهوله والضباط يكلمون الدكنور لا تديهم اجازه مرضيه يعني قمة الوساخه واذا كنت مريض ولازم تاخذ اجازه مرضيه او بالاصح راحه سريريه ينزلونك الميدان بس عشان يطفشون الطلاب بس اذا نزل المقدم والا جاء الوى الماجد يتغيرون يسوون انهم مافي زيهم ويجلسون يعلمون الطلاب حسب الطريقه الصحيحه في التعليم لين يروح ويرجعون يفرضون سيطرتهم لو تطيح ويغمى عليك بعض الضباط يشوتك برجله او بعد ما تصحى يجي ينفخ عليك ولاكن ما راح اقول الا حسبي الله ونعم الوكيل ولاكن لا تفكر في امن المنشات الا اخر حاجه والله نصيحه لا تقراء كلامي وتتجاهله صدقني راح تذكره اذا دخلت .
وللمعلوميه اصحابي في امن المنشات مدربين تصحوني ابعد عنه بس خلاص ماغندي الا هذي الفرصه عمري 28 وهو القطاع الي قبلني الا لو عمري 26 وتحت والله ما اروحه واخاول ادور اي قطاع ثاني طزلنا عليكم بس هذي حقيقه لازم تعرفوها شرد من الدوره اكثر من 200 طالب والى الان كل اسبوع تسمع انسحاب