استفسارات قوات امن المنشأت [الجزء الثاني ] للعام 1433هـ

المترس · #**3001** (**permalink**) 25-09-2012, 08:38 PM

انتم ياشباب منفرين الناس منها قبل اصلا ماتقبل في ذا القطاع ياأخوان عارفين احنا ان العسكرية كرف وملعنة والدين وخاصة أمن المنشئات هاذي هي العسكريه سواء في هذا القطاع والا غيره مادام أنك رضيت فيها تحمل مايجيك خلاص والله عارفين ذا الشئ فلا يجي واحد يقول ترونها كرف وترون فيها تعب طبيعي ماراح يجي شئ بالساهل وحنا اصلا لقينا وظائف مدنية عشان نقعد نتشرط ونبغى الراحه بعد وحنا باقي مادخلنا الدوره وعلى فكره ترون الدور وربي انها العن والعن يعني لما تتخرج من الدوره وربي لتشوف الاستلامات والدوام راحه وجنة ولو 6-18وحتى لو 8-16لان الدوره هي اللي راح تبين معدنك خاصة أمن المنشئات دورتها الله لايوريكم نسأل الله تعالى أن يعيننا عليها ويصبرنا هذا هو المهم مو مهم بعدين فلكل أجل كتاب أهم شئ ياشباب الدوره الدوره انا مجربها اوووووووووف وانتبهوا الله يرحم والديكم لاحد يسحب بعد ذا التعب كله والتعب اللي راح يجي من السفر للرياض وتمشيط الخطوط اللي تقطع الظهر لإستلام دفتر الالتحاق ومن ثم ارجاعه مره أخرى للرياض وصرف الدراهم على الكداده والتكاسي والاجارات والمشوره ذي كلها وآخر شئ تسحب هذا والله العظيم اللي من جد يقهر وانصحكم وانصح نفسي بعد بالصبر الصبر وأن التعب مؤقت وراايح ومنسي وترون مال الرخوم الا النوم والدلع عند اهاليهم العسكريه يبيلها رياجيل محكحكة معادنها ناس تتحمل المسؤلية وقدها ....

محمد االسبيعي · #**3002** (**permalink**) 25-09-2012, 09:45 PM

:و الله الكلام اللي قلته ميه ميه ياالترس ولايهنون اللي قبلك تكلمو ياالغالي واسمحو لي على المرور ]

خالد الجرماني · #**3003** (**permalink**) 25-09-2012, 09:53 PM

ياشباب مو لازم تجيكم الرسايل, كل واحد يشيك على الموقع ويشوف هل أعلنوا أسماء المرشحين للمقابلة الشخصية أو لا
يعني لا تعتمدون على الرسايل ,,,,,,
وبالتوفيق يارب للجميع وعقبال القبول النهائي ونتقابل في الدورة بإذن واحد أحد !!!!!!!!!!!!!!

زعيماوي جنوبي · #**3004** (**permalink**) 25-09-2012, 10:05 PM

الله يوفقكم ويسهل اموركم
موفقين باذن الله

عاطل في اغنى وطن · #**3005** (**permalink**) 26-09-2012, 12:26 AM

السلامـ عليكمـ ورحمة الله وبركاته يا أخوان انا اول مرهـ اشاركـ هنا بس اني متابع من زمان لكمـ وشفت عندكمـ ناس خبرهـ وتعرف في كل شي ماشاء الله عليهمـ والله يزيدهمـ المهمـ انا على سابقه بالاصح سابقتين يعني قضيتين هل يقبلوني او لا واذا بيطروني بعد المسح الامني ما ابي اكرف وادق مشاوير على غير فايدهـ تكفون الي عندهـ خلفيه فيها يفدني علما بان القضيتين لها خمس سنوات وجزاكمـ الله كل خير والله يوفقنا ويوفقكمـ ويرزقنا ويرزقكمـ واسف على الاطاله

ابغ عسكرية · #**3006** (**permalink**) 26-09-2012, 01:50 AM

تتوقعون متى موعد المقابلة الشخصية متى تتوقعون

المتفائل نايف · #**3007** (**permalink**) 26-09-2012, 02:12 AM

شباب الي كشف في الرياض يكلمني لان موعدي يوم السبت 13 وبجلس 3 ايام علشان الكشف بس ابي اعرف اخر يووم متى انتهي من المستوصف الساعه كم لو تكرمتوو تردون لاني ابي احجز

عاطل في اغنى وطن · #**3008** (**permalink**) 26-09-2012, 02:34 AM

وين اهل الخبرهـ يفيدوني قسمـ بالله مليت من الوسوسه اخاف يقبلوني وبعد ما ادخل يطردوني تكفون يا النشاما فيدوني والله يوفقكمـ

غدا احلى · #**3009** (**permalink**) 26-09-2012, 03:18 AM

اقتباس:

المشاركة الأصلية كتبت بواسطة المتفائل نايف

شباب الي كشف في الرياض يكلمني لان موعدي يوم السبت 13 وبجلس 3 ايام علشان الكشف بس ابي اعرف اخر يووم متى انتهي من المستوصف الساعه كم لو تكرمتوو تردون لاني ابي احجز

اخوي انا فحصت بالرياض الفحص ثلاث ايام واخر يوم احتمال تخلص على الساعه 11 وابشرك ترا الفحص من اسهل مايكون الله يوفقك يارب