دورتكم ** تعديل

سلام عليكم
كيف الحال
ومن العايدين
وعليكم بالصبر يازقرت ونصيحة اخ يحب الخير لأخية المسلم
استمتعوا بالايام الي انتم فيها الان تراها جدا حلوه وستبقى ذكرها في ذاكرتك

نصيح ياخوان والله ماودي اخوفكم بس الي تكون دورته في الشرقية ويقدر
يغير مكانه للمكة لا يتردد حتى لو كانو اهله في الشرقية

بالنسبه لي كنت اتمنى الدورة قبل شهر 1 اما الان ودي بعد 3
وياشباب لاتصدقون القيل والقال كلهم ماعندهم علم
وحتى اللي يقول يصير ويصير
انا خلاص اخذتها درس بعد الكشف صعبتوه هنا ولما رحنا كان سهاله وماتجاوزت ساعتين
وبالنسبه للمقابله الشخصيه اغلب تجارب اللي قبلنا اعطتنا نظره غريبه
وهي ان اللي يجاوب ويسوي مثقف يطرد والدلخ تمشي اموره
ومن شان كذا هم خايفين يترقى ويعفس امورهم عليهم
بالتوفيق لكم ولنا وان شاء الله كلنا مقبولين

االسلام عليكم
اخواني زملاء المستقبل ان شاء الله
اشوف كلن حائس ومهموم وجالس يفكر ومتوتر ويستنى من تجي الرسائل, خلوها على الله
اذ جت الرسائل فالحمد لله واذ تاخرت بعد الحمدلله ...
انا واحد والله مقدم على امن المنشات ولافكرت متى تجي الرسائل وليه تاخرت فضل من الله ماوترت نفسي
قسم بالله جتني رساله الكشف الطبي وانا العب كوره وكان الكشف بنفس المدينه وعلمن ان خوياي جت رسايلهم للكشف الطبي بمناطق ثانيه ..
سئل الحسن البصرى عن سر زهده فى الدنيا فقال : علمت أن رزقى لا يأخذه غيرى فاطمئن قلبى "
حبيت اعلمكم اغلب دورات امن المنشات تبدى بشهر 2 وشهر 8
واجراءات امن المنشات طول تصل لفترة 6 اشهر غريب هالقطاع باجراءاته الطويله
والغالبيه مقبول . واحيانا يستدعون الاحتياط ..
بالنسبه للدورات امن المنشات مالهم الا 3 مراكز للتدريب الاول بمزدلفه مركز الايواء , والثاني بذهبان , والثالث بمركز تدريب القوات بالدمام .
انا دورتى كانت بمركز الايواء بمكه عام 1431ه صراحه احلى مركز متوفر به كل شى وترتاح فيه , بالنسبه لذهبان فهو جديد وتحت الانشاء مركز يجيب الهم والغم الى وقت قريب . بالنسبه لمركز التدريب بالشرقيه يبعد عن الدمام 50 كيلو بطريق الرياض اغلب الزملاء الى مرو عليه مايمدحونه من ناحية موقعه ومدربي المركز من ضباط وافراد فيهم شوفه نفس .. توقعي ان دورتكم في شهر 2 القادم ان شاء الله ..
وللمعلوميه يتدرب في مركزي الايواء والدمام 1400 في الوقت الحالي مقسمين عل المركزين,
بالنسبه للتعيين اغلب الدورات يتم تعيينهم في الرياض والشرقيه ..
وانصحكم اذ ان شاء الله تم قبولكم ان لااحد ينفس عمره بل 45 ويفلها بقدر المستطاع ويقطع تفكيره باالمجتمع الخارجي من ناحيه الحرية والوناسه ,, ان اشتقت لوالديك والا لزوجتك والا لصاحب عزيز الجوالات منتشرة بين الطلبه .. والدخان موجود عند عمال الميز . الحمد لله مره 45 على بدون قروشه ولا نفسيه ضاربه بالعكس خشتى ماتهجد من الضحك الا بوقت االنوووم بتمر عليك مواقف تقطع مصارينك من الضحك وابعد عن الناس المنفسه توجد عينات منها بالدوره..
اذ عديت ال45 قطعت نص المشوار فالصبر الصبر..
حبيت اذكركم الاجراءات طول .. بس اصبرو وفلوها قبل الدوره ..
الحمد لله القطاع رواتبه زينه وحتى دوامات ماعندك شى اتكلم عن الشرقيه . بس الشفتات تفر مخك .
عموما الله يوفقكم جميعا ويجعلكم من المقبولين في قوات امن المنشات .
اي استفسار انا جاهز لخدمتكم ..
اخوكـــــــــــــــم/

السعيدان الحربـــــــــــي
منطقه العمل الجبيل

اللهم اجعلنا من المقبولين يارب

استغفر الله واتوب الية