08-08-2012, 05:29 AM
|
عضو مهم
|
|
تاريخ التسجيل: Sep 2009
المشاركات: 231
معدل تقييم المستوى: 32
|
|
زي مانتوا شايفين بالصورة اللي فوق
مواقع السرايا
سرية الملك سعود :
قائد السرية , محمد ناجي المري , مطوع وحبيب , يعاملك اذا جبت عيد حاسبك واذا شديت حيلك طنخك
قائد الفصيل الاول : فهد الودعاني , هذا لحاله فلم , طبعاً متحيز لسرية سعود , لانه يوم كان طالب كان بالسرية هذي , نظامه اذا جبت العيد مايرفعك مخالفه , يحشرك بزاويه ويقعد يبقس فيك
قائد الفصيل الثاني : عبدالله عواض القرني , هذا ضابط زاححف , هو جديد ماجاء للكلية الا شهر 2 او 1 ان ماخاب ضني , يقول لنا شدتي موب عليكم على الدفعه اللي بتدخل بعدكم هههههههه
قائد الفصيل الثالث : محمد بن دايل العمري , هذا ماينعرف له , مرات معك مرات يقلب عليك , متحيز لطلاب فصيله , بس غالباً الطلاب اللي يجون عنده بالفصيل مهسترين وزاحفين
مدربين السرية , ماعرف منهم الا الثقفي والعتيبي ,
اعذروني باكون صريح , الثقفي مايدري وين ربي حاطه
اما العتيبي لحاله سالفهه , مسمينه دفعة 28 سعادة اللواء ههههههههههههه
كل ماتكلم مع الطلاب يزعجهم بكلمة , انا اللواء كلمني وانا اللواء كلمني
سرية الملك فهد :
قائد السرية , عبدالله بن دوخي البقمي , مايحتك مع الطلاب الا قليييل , وكلامه لغه عربيه فصحه , واكثر شي هزت الراس عنده , يمكن لاتخرجتوا تاخذون الهزه معكم للوحدات 
قائد الفصيل الاول : تركي الحمود , زحفوا فيه الطلاب وهجولوا به اول سنه وثاني سنه , السنة الثالثه طالع دوره .. يعني بالعربي H6F ههههههههههههههههههههه
قائد الفصيل الثاني : عبدالله بن محمد بن مشيط , هذا انسان اخلاق , ومستحيل تلاقي ضابط مثله بالكلية , مالقيت طالب يسبه كلن يمدحه , ان جيته بالمكتب وطلبته بشي ماراح يردك ابداً , واعذروه اذا شد عليكم شوي , هذي لمصلحتكم
قائد الفصيل الثالث : محمد بن دهش الدهش , انسان دنفوس , تصير دبوس عنده يمشي وضعك فتره ثم يقلب عليك , واخر السنه يخلي اخوياك يقلبون عليك يطلعك قدامهم ويقول هذا تراه كان يدبس عليكم , ونصيحتي لكم , لو سوا فيك ماسوا لاتدبس على خويك
مدربين السرية , محمد سمر العنزي < ابو الطلاب بالسرية , انسان اخلاق ومحترم رتبته رقيب اول , سمعنا انه بيطلع من السرية , ان طلع الله يعينكم  , وان بقى ترى اهلكم داعين لكم , يفزع مع الطلاب لو جابوا الطامه الكبرى , اهم شي تشد حيلك معه واي شي يقوله ترد بكلمة [ ابشر ]
بندر الحميدي الحربي , انسان ماينوصف , صح انه مرات يشد عليكم , لكن ماعنده نظام خسخسه ودنفسه , اذا دربكم وشافوا الطلاب تعبوا وملوا يبدا ينتف ويستهبل ويضحك وثم يكمل تدريب
متعب طلق السهلي , انسان ونعععم والله , كان يدرب الفصيل الثالث ومخاوي الفصيل , اذا طلعوا خميس وجمعه وتواعدوا باستراحه يطلع معهم ويسمرون مع بعض
^
باختصار المحظوظ اللي يكون اسمه بهالسرية
سرية الملك عبدالله :
قائد السرية , سعد ذعار الشلوي , انسان يهين الطالب ولا له كلمه , حتى لو كان على الفرد او ضابط الغلط , ياكلها الطالب , لانه بكل اختصار يمشي على مثل مريض [ الطالب شي حقير ] تكرمون ..
قائد الفصيل الاول : الرائد بن سعيدان < ماعرف وش نظامه لانه جديد
قائد الفصيل الثاني : رعد المالكي , ضابط مهبول جزاء , اذا شفته فاتح رجوله زي كريستيانو رونالدو اذا جااء يشوت فاول , اعرف ان وراك جزاء خرافي , اذا جيت بتحضر عنده بالمكتب , سد خشمك من ريحة الدخان ههههه
قائد الفصيل الثالث : تركي العمرو , متعصصب لاهل القصيم , ويكره اهل القبايل كره الويل , ولايحبهم , واذا جازاك اعرف انك منت برايح منه الا من 12 وورى
مدربين السرية , سعد السبيعي < ماينعرف له , مره مع الطالب مره يقلب عليه
محمد الشنه , نظام دنفسهه اقوى شي , لدرجة انه تلاقط مع طالب السنه الي راحت حاقد عليه , يفتش بغرفة الطالب ولا لقى شي عليه , راح لقى بكت بالحمام تكرمون , مسكه وحطه بالغرفه ويوم جاء يعقب الضابط على الغرف دخل غرفة الطالب قبل الضابط وطلع البكت يقول شوف شوف لقيت دخان على انه مطوع , لكن شكله حاطها ديكور !!!
تركي جزاء العتيبي , مسمينه سعادة الفريق ركن , مهايطي كبيييير , اذا جاء يتكلم مع الفصيل لازم لازم تفقع ضحك عليه , الدفعه اللي تخرجت زبدوا له كل مايجي يتكلم يقولون له : يارجال توكل , واللي يقول : للوراء در وتقلع
هذولي اللي اعرفهم من الطقم اللي بالسرايا ..
طبعاً زي ماهو موضح بالصورة
الاستاد الرياضي , الهرولة بالصباح
ميدان التخرج + الميدان الاسود , لتدريب المشاه العسكرية
ميزة هذي الدفعه انها قريبه لميدان التخرج والميز والتعليم والمسجد
هذا هو اللي يخص دفعتكم , واعذرونا اذا قصرنا , اي سؤال حاظرين ..
|
العرض العادي
