السلام عليكم ورحمة الله وبركاته

انا رحت قبل سنتين وطردوني مع العلم اني مريضه ومحتاجه كثير

عندي مرض سكري وغدة درقية والم مفاصل وقصر نظر

رحت اخذت تقارير عن نقص النظر والم المفاصل وارسلو تقرير نقص النظر للتاهيل والتقرير الثاني معي حق المفاصل ورحت وعطوني موعد انتهى الموعد من زمان له تقريب سنه

تقريري اللي عندهم كيف اقدر اخذه منهم اخاف ضيعوه تاعبه عليه

ارشدوني جزاكم الله خير

منطقتي المدينة المنوره

روحي اسالي عندهم واشرحي موضوعك هم عندهم امراض معينة بموجبها يسجلوك
تقدمي اوراقك ويحولوك على الدكتور عندهم يحدد المرض والحالة ثم يعطيك خطاب لمستشفى حكومي تروحي يعطوك موعد للعيادة وبعد الموعد يكشف الدكتور مرة ثانية بلمستشفى الحكومي وتاخذي التقرير الى التاهيل او هم يرسلوه مااذكر ويعطوك موعد بعد كم شهر الى ان تجي الموافقة واذا جات الوافقة تراجعيهم الى ان تصدر البطاقة بس حسافة مايعالجوا بس يعطوكي قيمة العلاج انا ولدي عنده مشكلة بلنطق ويعطوه بلشهر 200 ريال اي 2000 ريال كل 6 اشهر يتعالج بها بس والله ماتكفي لان جلسات علاج النطق ب 800 ريال الجلسة واكثر
واسال الله يشفيك ويعافيك وينزل عليك دواء من عنده وان يفرح قلبي بشفاء ولدي واشوفه وقد اذهب الله بقدرته مابه

الله يجزاك خير ماقصرتي والله يشفي ولدك شفاء عاجلا ولايحوجه لهم

انا سئلتهم قالوا مرض السكري مالهم شيء والغدة الدرقية مالهم شيء إلا اذا كانت مسرطنه الله يكفينا وياكم الشر بس قصر النظر وامراض العظام لها

اختي بسئلك ايش هي جلسات النطق اللي يسووها لابنك لان ولد اخوي عمره 8ولايتكلم

ههههههههههه فعلا انتي صرتي طبيبة ابنك وعندك خبره لتفيدي غيرك من خلال الخبرة التي اكتسبتيها من خلال علاج أبنك الله يحفظه لك ويشفيه

المشكلة الولد اللي عندنا انعقد لسانه بسبب الصرع يوم اصابه والصرع خف وقريب بيقطعون علاجه عنه
لكن النطق ماتحسن ودوه لمراكز تعليميه لكن الولد حركته كثيره ويتابع المصارعه ويصارع كل واحد يشوفه خخخخ حتى انا ماسلمت منه عليه ضربات قاضيه خخخخ

لكن بخلي امه تقراء الكلام اللي ذكرتيه وان شاءء الله خير

شوفي يااختي انا اقلك الكلام الزين من وصفك لحالة الولد
الولد هذا يحتاج رقية اي راقي مو طبيب واذا رحتوا الدكتور راح يقلكم نفسي لانهم مايعترفوا بلامراض هذه
ثقي بكلام امراءة كبيرة لها خبرتها ودوه يتعالج لكن علاج مع رقية من ماذكرتيه عرفت كذا