تجمع المقبولين مبدأيا بالقوات البحرية لعدد من الدورات

روحي فداك · #**361** (**permalink**) 12-09-2012, 12:02 AM

حفيد هتلر الله يعافيك كيف نظام دورة البحرية وهل تختلف عن دورة الامن العام ؟ وكيف سكنهم

وعيشتهم ؟ وياليت اللي عنده معلومات يفيدنا أكثر عشان الكل يستفيد .. وسؤال بعد لو كنت

أهرول وعطشت ابغى موية او تعبت بأخذ بريك خمس دقايق كيف الطريقة

ماني بقاطع وصالك · #**362** (**permalink**) 12-09-2012, 12:06 AM

السلام عليكم .. كيفكم يا شباب أولاً هذي اول مشاركة لي ,, وانا انقبلت ولله الحمد والمنه,,
في دورة البرامج الخاصة (تمريض) اليوم جاني الاتصال الظهر وانا مقدم من شهر 4 وطال الانتظار وقلنا راحت علينا لكن الله جابها انا ما أقول غير اصبروا ولا تتعبوا روسكم بالتفكير ترى ان كان الله كاتبها لك بتجيك (ورزقكم في السماء وما توعدون) والله يوفق الجميع. أحب أشكر صاحب الموضوع (سفينة الاحلام) الله يوفقك ويكتب لك الاجر على هالموضوع ,,وشكراً
]

دار المحبة · #**363** (**permalink**) 12-09-2012, 12:16 AM

الله يوفق الجميع يارب

وعدي وفاء · #**364** (**permalink**) 12-09-2012, 12:23 AM

الف الف الف مبروك لي دقو عليهم انا مخلص الورقي كلها باقي مادقو مقدم من شهر 4 لالحين مادقو وش الحل تخصص الكترونيات ..........

حفيد هتلر · #**365** (**permalink**) 12-09-2012, 01:28 AM

اقتباس:

المشاركة الأصلية كتبت بواسطة روحي فداك

حفيد هتلر الله يعافيك كيف نظام دورة البحرية وهل تختلف عن دورة الامن العام ؟ وكيف سكنهم

وعيشتهم ؟ وياليت اللي عنده معلومات يفيدنا أكثر عشان الكل يستفيد .. وسؤال بعد لو كنت

أهرول وعطشت ابغى موية

او تعبت بأخذ بريك خمس دقايق

كيف الطريقة

كل العسكرية نفس بعض بطريقة التدريب والبعض منها متشددين بالتدريب بس البحرية اخف مو زي اي قطاع هي في البداية متعبه بس مع الوقت تتعود عليها وسهالات انت خلاص انقبلت وجاء رزقك لاتتركة لو يكدووونك 24 ساعة هذا رزقك تحمله واحمد ربك مادخلت دورة قوات خاصة كان من اول اسبوع وانت ضارب الباب وخصوصآ دورة ظفادع بشرية عندهم اختبار سباحة 9 كيلو تقطعها الله لايهينك واسبوع الجحيم اسبوع كااامل ماتنام فيه والاكل وجبة اعتقد كل يومين وغير كذا يكرفووك بالميدان كررررررررف ومافي راااحة طووول الاسبوع يروح مدرب يجي غيره يستلمك كرف عشان كذا احمدوا ربكم مادخلتوها هههههههههه
بالنسبة للسكن بالدورة هي بركسات (سكن)عاااتيه كل اخوياك فيها اسره ودواليب مشتركة كل دولا فيه اثنين وكل سرير اثنين واحد تحت والثاني فوق
اما انك تقول تعبت بالهرولة وبتشرب موية ماتقدر تشرب موية اصلن ممنوع تنزل الميدان ومعاك علبة موية اما انك تاخذ 5 دقائق رااحة والله خويي اللي خالة قاىد القوات ماسواها انت بتسويها هههههه مكروووف زينا مافي فرق
الهرولة بعد صلاة الفجر مباشرة كلها 3 لفات او 4 او 2 حسب مدرب الرياضة وحسب هرولتكم اذا تهرولوا زي الناس لاتخافون من شيء كل شيء راح تتعلموه بالدورة من اول اسبوع عن كل شيء
الدورة في جدة سهالات اذا عندك صبر وللياقة وتتحمل الظغط من كل شيء اهم شيء كلام المدربين هم يسبوا ويعطيك كلام ماتتحمله بس انت لاتاخذه جد هذا عملهم لازم يسووا كذا يعلموكوا الصبر وانك ماتنفعل .
والله يوفقكم ياااارب.
بكره لنا للقاء الان بطلع من المنتدى .

دار المحبة · #**366** (**permalink**) 12-09-2012, 01:52 AM

يعطيك الف عافيه على هذي النصائح

والله يكتب اللي فيه خيررر

حاسب دبلوم · #**367** (**permalink**) 12-09-2012, 01:53 AM

اللهم لك الحمد يارب اليوم دقو علي البحريه من الرياض طبعا انا مقدم في الرياض دوره فني طيران قدمت شهر ثمانيه وراح يتصلون ياشباب اليوم وبكره كل واحد ينتبه لجوله ويارب وفق الجميع

بقآيآ عآطل · #**368** (**permalink**) 12-09-2012, 04:39 AM

شبآب مبروووووووووووووووووك للي أتصلوو عليكم

وعقبآلنــآ يَآرب

بس شبآب ملآحظة (( مــــــآ تــلآحظون أنهم يتصلون على إلي مخلص أورآقه ))
يعني إلي مسوي الفحص والكشوفآت وكل شي وسلم الدفتر هم إلي يتصلون عليهم ..
اما البآقي بعدين يتصلون عليهم وبتكون لهم دوره خآص (( طبعآ مجرد توقع وملآحظة ))

المهم شبآب بسسآلكم

الحين البحريه هذي مافي دوام الا بجده والجبيل .. يعني بالرياض مافي دوام
او مثلا بالقصيم او غيره ..؟

وبعدين روآتبهم كيف حلووه ولا عأديه ..؟

وووش يعطوون للدبلوووم .. من نآحية الرتبه ..؟

ربان السفينه · #**369** (**permalink**) 12-09-2012, 07:23 AM

اخوي حفيد هتلر لو سمحت بسئلك سوال واذا احد يعرف الجواب مايقصر يعلمني
انا دورتي بأذن الله السبت وانا من الشرقيه رايح لجده فبسئل كيف على الجوال انا ادري انه ممنوع يدخل معي بس هل فيه امانات اقدر احط فيها الجوال والبووك والاوراق الثبوتيه او كيف خاصه اني بحتاج اكيد الجوال كل لحظه قبل ما ادخل المركز