ياشباب من طبق بفرع القصيم

كيف الوضع هناك انا من الرياض وارغب اطابق هناك
بحكم اشغالي هالاسبوع بالقصيم

السلام عليكم
اليوم الحمد لله طابقت
الأمور كانت ماشيه تمام وبسرعه
دخلنا قاعه الأحتفالات الساعه 10 تقريباً

رحب بنا أحد الموظفين عبر المايك
وشرح أمور كثيره منها
أن عناصر المفاضله المؤهل والأقدميه فقط
وأن كل سنه أقدميه بنقطتين بحد أقصى عشر سنين
وأن المطابقه هي للتأكد فقط من أن البيانات المسجله في جداره صحيحه
وأن أي أحد عنده خطأ بسيط أما في تأريخ التخرج وألا المعدل لا يشيل هم أبد
الخطأ اللي يستبعد هو نوع المؤهل فقط
مثل شخص أتاهم بمؤهل ثانوي وهو مسجل بكالريوس
وأنهم لم يصادفوا أخطاء كثيره لأن أغلب المتقدمين حريصين على التسجيل بدقه

الترشيح:
يقول : لا تقلقون ما راح تطول
إذا ما صار تمديد لفتره المطابقه
مع أنه مافي تمديد لكن قد يكون هناك تمديد لأي سبب كان بأحتمال ضعيف جداً
سيكون أن شاء الله الترشيح الخميس أو الجمعه أو السبت أو الأحد

أو بعد العيد مباشره <<< حطمني <<::::::::::::::::<< يمكن يقصد إذا صار تمديد
والترشيح معتمد على النقاط
وقد يتساوون أكثر من مرشح في النقاط
لذلك يحسبها الكمبيوتر ونأخذ حتى خانه الواحد من ألف


ورقه المطابقه:
يقول سوف يعطيك الموظف ورقه
الرجاء المحافظه على هذه الورقه وعدم تركها مع زميلك أو على المكتب
لأن هذه الورقه هي من تحفظ حقك
إذا حدث شي لاسمح الله
.........................................
هذا اللي اتذكره من كلمته
جزاه الله خير على الشرح
وعلى أخلاقه الرائعه
......................................
مطابقتي
اول ما وصلت قال :
لو سمحت صوره من الهويه وصوره من الوثيقه
قال اخر رقمين من جوالك 83 قلت نعم
طبع لي ورقتين
وحده دبسها لي مع اوراقي ووحده اعطاني اياها
ولا طالع في الاصل ولا شئ
وتوكلت على الله
الوقت اللي استغرقته عند الموظف لا يتعدى الدقيقتين

وصل الله على نبينا محمد

[align=center]آلله يوفقك ي ربٌ .. وشكل المبآشره في شهر 12 آلله يرزقنآ آلتعين ي ربُ [/align]

[align=center]آلله يسمع منك ويرزقك ويرزقنآ في آلتعين [/align]

فيه واحد من الاخوان إلي في المنتدى نزل مشاركته قبل يومين يقو إن الخنين سوف ينزل الترشيح قبل العيد

انا طابقت في فرع الوزارة بالرياض ولا عطاني ورقة وبعض الاخوان حصلوا على الورقه .. هل الورقه ضروريه او لا ؟