[align=center]مبارك عليكم الشهر جميع ..
وجعلنا الله واياكم من صوامه وقوامه وعتقائـه من النار


وكل عام وانتم بخير ..

/


اخـوني هنا مساحه لـ للتواصل لمن وصلت لهم رسائل من الخدمه المدنيه في تاريــخ 5/7/1433 بالترشيح على الواحدات الصحيه المدرسيه ..

وعددهم 179 على حسب علمي ..

بدون عاميه خلونا قلبها هرجـه بدويه بحته .. ماودي اصير رسمي اخاف اخبصها

فـي بداية مراجعتنا لهم قالــوا لنا وزارة التربيه والتعليم بالحرف الواحـد ( الخدمه المدنيه ارسلت لنا كشف باسماءك وماارسلت بياناتكم وانتظروا اسبوعين ثلاثه ونرسل لكم رسايل ولا نتصل عليكم تجون تكملون اوراقكم او تدخلون الرغبه عن طريق الموقع

انا شخصياً راجعة الخدمه المدنيه بتاريخ 7/7 وقالي مدير الترشيح وزارة التربيه تبي تماطل بكم اوراقكم ارسلنا لها كامله مكمله ولاباقي لكم شي عندنا خلاص راجعو وزارتكم وكملوا اوراقكم

اللي اتضح لي ان وزارة التربيه والتعليم هداهم الله اللي في اجازه واللي ماوده يمشي امورنا مع اني اسمع بـ ان فهد العنزي مدير الوحدات الصحيه رجال محترم وخلوق ولاهوب معقد مثل بعض الناس ( اقصد بها وزارة الصـحه مافيها دس ) ..

بعدها راجعتهم قبل شهر بداية شهر 8 وقالوا لـي في بداية رمضان او بداية العيد نرسل لكم رسائل او نتصل عليكم تدخلون الرغبات قلت وش السالفه قالوا ارسلنا لكم استحداث لبعض الارقام لا ان الارقام اللي عندنا قليله وجاء بالرد بالموافقه وخلاص ماعاد باقي الا ادخال رغباتكم ومباشرتكم

هنا حسيت بلعبه تشبه للمونوبولــ

اولاً الخدمه المدنيه ماتنزل ترشيح الا والارقـام مستحدثه وجاهزه ثانياً وزارة التربيه والتعليم هي من ترسل للخدمه المدنيه بالارقام الشاغره

اليوم يكمل لنا شهرين ويوم .. من تاريخ خطابنا الصادر بـــ 1/7

ياشباب يالمرشحين لوزارة التربيه والتعليم لـ ( الوحدات الصحيه ) ..

التليفون ومايرودن عليه وزارة التربيه والتعليم لهم فتره واخوكــم من الغربيه بشرونا بالجديد ياحقين الريــاض او حددو لنا يوم نتجمع فيه ونروح لهم ونحل موضوعـنا ..
السالفه طالت وحنا مرشحين من الخدمه المدنيه عاد لو انا مقدمين على مسابقه وظيفيه كم ناخذ سنتين مثلاُ ( صايم وبلت ريزي الكتابه مير عسى الله يكتب لنا الاجر ) .. [/align]




..