السلام عليكم ورحمه الله وبركاته
كل عام وانتم بخير
انا بقول لكم قصتي اللي سببت لي الهم والله العالم بحالي وابي منكم النصيحه
انا بنت جميله ومتخرجه من الجامعه عمر24ي سنه كنت مخطوبه لولد عمي لمده ثلاث سنوات وهو نفس عمري انتظرته سنتين الين توظف وفي السنه اللي فاتت توظف ودخل الدوره وطبعا كنت فرحانه انه حدد زواجي لبعد رمضان فقال اذا تخرج من الدوره بعد تسعه اشهر بنملك انا بصراحه كنت اسعد انسانه فهالدنيا لاني باخذ الشخص اللي تمنيته وتعلقت فيه وكان مايغيب عن بالي لحظه كنت اعشقه لدرجه الجنون احب اسمع اخباره من ابوي وانتظر لحظه تخرجه فتخرج بشهر اربعه وتعبن بالشرقيه وكنت فرحانه لاني بسكن قريب عند اهلي من بعد التعيين باسبوعين اخذ قرض واتفق مع ابوي ع الملكه و ع المهر بس بعد كم يوم كنت احلم باحلام غريبه فتفجات وجاتني صدمه ماتحملتها ابدا كلم ابوي وقال بكل بساطه ياعمي انا مااقدر اتزوج بنتك فسالوه عن السسب قال ان اخوي اللي اكبر مني عارض ع الزواج والسبب ان اخوه الكبير كان يبي اختي الكبيره بس اختي كانت رافضته لانه ماكان موظف فجاها نصيبها وزوجها ابوي !!!!
فقال اخوه الكبير مثل مازوجوني ماابيك تاخذها اللي هي انا!!!! والله اني جلست يومين بدون اكل انقهرت وتحطمت خلاص راح من يدي بكل بساطه بكل سهوله يتركني انا وش ذنبي اللي علقني 3 سنوات والله رفضت حوالي 5 رجال خطبوني احسن منه كله علشانه وانتظرته الين توظف واخر شي يقول اخوي ابي افهم هو ضعيف شخصيه مايقدر يواجه اخوه والله مو فاهمه قصده
وسمعت انه خطب من خواله وتملك بيتزوج وحده اكبر منه بخمس سنوات ماهي احسن مني بشي والله اني بنجن الى الان متعلقه فيه اتخيله اسرح بخيالي افكر فيه صرت اوسوس مقهوره مااتخيل يزفونه ع وحده غيري صابني الياس ومااتخيل نفسي اتزوج غيره ماقدرت انساه والله حاولت بس مااقدرت اذا سمعت اسمه تخنقني العبره احب اجلس لوحدي وابكي عذبت نفسي س افهموووووني غصبن عني
اعذروني كلامي متلخبط لاني مقهوره وحزينه حييييييييييل ابي منكم النصيحه جزاكم الله خير
لاتنسوني من دعائكم’’’’’’’’’’

انا حاسه فيك لا تضغطين على نفسك ولاتكتمين بخاطرك عبري عن الي بداخلك وتكلمي مع اهلك ادري الموضوع حساس لاكن صدقيني فتره وتعدي والاكيد ان هالانسان ماهو نصيبك انشالله ربك بيعوضك احسن منه من ناحيه الحب انتي بنيتي قصه من خيالك وحبيتي انسان من طرف واحد بحكم انك بنت سرحتي بعالم الخيال المهم انو خلاص تقنعي نفسك بالي صار وان الدنيا ماهي موقفه عليه ادعي ربك كثيييييير بسجودك وصدقيني بترتاحين وتنسين

اهلين وسهلين اختي الغاليه

بالعكس انا حدي مبسوط تعرفين ليش لان هالشخص اللي انتظرتيه طول هالفتره وفي الاخير يسحب عليكي فلابد ان تعرفين انو مالو شخصيه الشي الثاني ممكن لو تزوجتيه وتجيبي منو بزوره تصير مشكله بينك وبين اهله ويقولو طلقها شوفي ياماما الرجل لو كان عندو اللي عندو من هالدنيا بس اذا ماعندو شخصيه فمن الافضل ماتتزوجينه وحتي يمكن في الفتره القادمه يتزوج عليكي وتقولي نسي العشره وتقعدين تبكين وبقولك حكمه ولو اني اصغر منك بكثير بس هالدنيا علمتني شي اللي يبيعك برخيص بيعيه بتراب ومالو داعي تزعلين لان الشخص اللي مافكر فيكي حرام تفكرين فيه ولو دقيقه وحده انا اعرف انك زعلانه ويحقلك بس وربي اني فرحان لان هالرجل مو رجل للاسف ولا فين شخصيته وبالنسبه انو اخوه رفض لانكم قد رفضتو من عندهم فهولاء ناس مايؤمنو بالنصيب عقولهم متحجره......... ومن اليوم ورايح انسيه ولاتفكرين فيه لان كثره التفكير تجيب مرض السكر والسكر دمار وقتل للانسان بسم الله عليكي وع اللي يقرو كلامي فأقدملك نصيحه لوجه الله تعالي لاعاد تفكرين فيه لانو رمه وبعدين اذا هو عسكري جندي فالحمدلله بعتي عنو والله يرزق بواحد مثل مستواكي الدراسي والتعليمي فقهر تتزوجي من واحد اقل منك دراسيا واعرفي انك افضل منه بمليون مره وربي انا كونت بخطب قريبتي فسبحان الله راحت مني صح زعلت بس انا عندي إيمان بالقسمه والنصيب والمثل يقول اللي مكتوب ع الجبين لازم تشوفه العين وخطبت تانيه وراحت مني ههههههه حظي مقرود بس حاط احتياط بنتين والله هههههه

الحياه هذي يبغاله 5 اشياء فقط ( ضحك + وناسه + ولعب + فله + عباده )

وتراها ماتسوى والله تخيلي قبل اسبوع صاحبي علي صار عليه حادث وربي يأختي ( جاه شلل نصفي + عينه وحده راحت لان القزاز دخل فيها + غيبوبه الي حد الان + فقد الذاكره ) من شاف مصيبه اخوه المسلم هانت عليه مصيبته وقولتلك قصه صاحبي بس عشان ابين لك ان هالدنيا ورب الكعبه ماتسوي شي وابغاكي تعرفين 3 اشياء :

1- اللي يبيعك برخيص بيعيه بخرا

2- خلي دنيتك ضحك ووناسه وعباده لله

3-اخر شي واهم شي واقوي شي وافضل شي ( انسيه واذا انخطبتي ان شاء الله قريب استخيري لان من استخار ربي واخذ مشورته وكان الشي مو زين له يبعده عنه واذا كان زين له سخره له وخلاه في طريق... ولو تجري جري الوحوش غير رزقك مابتحوش... ولاتندمين ع ناس متخلفه مثلهم )

بليز الكل يدعي لصاحبي علي وعسى الله سبحانه وتعالي بأن يشفيه عاجلا غير اجل ويرجعه لاهله سالم غانم ياااااااااااااارب العالمين يأخوان لاتنسونه في صلاتكم وخصوصا سجودكم

واسف ع الاطاله بس انقهرت منهم مرررررره

وفي امان الله

نسيت اقولك اهم شي ياليت انك ماتتسمعي اغاني او خففي منها لانها هي اللي تذكر الانسان بالماضي

واسمعي بداله قران ترى يشفي القلوب ويريحها وانا قريت انك متخرجه طبعا من مشاركاتك الفراغ مو زين وقد حذر عنه النبي محمد صلي الله عليه وسلم يعني اذا تبغين نصيحتي حاولي تكملي ماجستير واذا نسبتك ماتسمح حاولي تدخلين تعلم لغه انجليزيه او ماجستير ع حسابك الخاص وااذا ظروفك ماتسمح... شوفيلك اي مدرسه منها تاخذي خبره+ راتب+ وقتك بيروح بشي حلو لو راتبك خايص وافقي عشان الخبره

واسف ع الخثرته الزايده

وتقبلو تحياتي : اخوكم .. مزون

احب اختصر كلامي بكلمتين بس
اختي ثقي تمام الثقه بانك ماتاخذي غير نصيبك
وليس كل مايتمناه المرء يدركه
والحمدلله على كل حال

لعلها خيره لك من الله

فالله خير المختارين وانصحك انك تقولي

( اللهم اجرني في مصيبتي واخلف لي هير منها ))

ومثل ماقال الاخ الفاضل انك لاتسمعي اغاني لانها تقسي

القلب وترجعك للماضي ،،

واحمدي الله واشكريه ماتدري يمكن لو تزوجك ح يطلقك من ثاني يوم

وانا ادعي لك من كل قلبي ان الله يوفقك ويرزقك باللي احسن منه

تحياتي ''

هلا وغلا
شوفي اول شي هذا النصيب
والله العظيم انه لو كان هذا الشخص مكتوب لك عند ربي انه محد ياخذه غيرك طال الزمن و الا قصر
لكن هذا نصيب و مكتووووووب
بعدين الحمدالله ربي فكك منه لانه مبين ان ماعنده شخصيه و الدليل انه فسخ خطوبتكم بعد كم سنه عشان سبب تااااااافه و عذر اقبح من ذنب
حلوه ذي اجل باترك بنتك يا عم عشان اخوي زعلان! !!!
هذي خيره لك و ان شاالله ربي يعوضك باللي احسن منه
و صدقيني ما بتاخذين غير نصيييييبك و لا بتموتين الا وانتي مستوفيه رزقك و هذا كلام الرسول صلى الله عليه و سلم
بعدين انتي باقي صغيره وش لك وش لوجع القلب لا تستعجلين على رزقك
و خليه هو بقلعته اصلا ماهوب كفو لك و لاهوب كفو لابوك اللي فتح له باب بيته و صبر عليه سنين
لا تزعلين من كلامي بس وسسسعي خاطرك و هو الندمان

يااختي الله يوفقك والله لو فيه خير ماسمع راي اخوه وصدقيني امرك خيره الحمدالله اكثري من الدعاء والاستغفار وربك كرمه لامنتهى له بيرزقك احسن منه دعواتي لك

يا أختي الكريمة


الله ما كتب لك هالرجل يكون زوجك
ارضي بما قسمه الله لك ولا تحزني


معك حق انك انتظرتيه ....ووإلخ. بس معليش ما توصل لهالدرجة إنك توسوسين وغيره


احمدي ربك


وثقي ثقة تامة إن الله بيرزقك الرجل الطيب دام نيتك طيبة

إن شاء الله