بسم الله الرحمن الرحيم

السلام عليكم ورحمة الله وبركاته


اخواني انا حاب ادخل مجال النقل الثقيل فكرت كثير في افضل المشاريع من ناحية الدخل الشهري و وجدت ان الافضل هو هذا المجال بالتحديد , و حاليا يوجد هناك مشاريع كبيره و كثيره ع مستوى المملكة قبل فتره بسيطه تم ترسية احد المشاريع ع احد الشركات و مححتاجين عدد كبير من الشاحنات للعمل هناك بعقد سنوي و لمده من 3 الى 5 سنوات , و الارقام مغريه اضافه الى تحملهم الصيانات الخفيفه و الدوريه طول فترة العقد عدا المحرك و القير اما السائق له سكن و 3 وجبات يومياً ..

طبعاً انا ما عندي خبره في الشاحنات حاولت ابحث عن الاسعار و وجدت الاكتروس الاغلى سعرا و اكثر من ميزانيتي المقدره بـ 125 الف ريال , لكن اخبرني احد الاشخاص عن شاحنات المان و هي رخيصه و قويه حسب شهادة أغلب مجربينها رحت اشوف الاسعار وجدتها أرخص بكثير و موديلات حديثه من 2003 و فوق لكن ما راح اقدر اشتري تيدر قلاب معها ..

لكن وجدت انه يوجد هناك من يأجر التيدر فقط بأسعار 4000 ريال في الغالب اقول في نفسي مو مشكله لو استأجرتها بعقد سنوي حتى لو بمقدم لانه الشركة محدده مبلغ معين و ثابت للايجار و لو خصم منه 4000 و راتب العامل راح يبقى لي مبلغ حلو ..


الاستفسارات لاصحاب الخبره فقط :

رأيك بالمشروع ؟؟

هل أي شاحنه يركب عليها تيدر القلاب ؟؟ او فيه انواع خاصه للقلابات 24 و 26 متر ؟؟ اللي اعرف ان الم*** ماينفع الا للخلاط او لصهريج 16 طن مثلا لكن هل فيه شيء غيره ؟؟

كم هو راتب السواق بالعاده ؟؟ وهل من الصعب العثور على سائق ؟؟ و كيف لو استقدمه ماهي الشرط مع العلم اني موظف ؟؟

هل يوجد اي نصيحه او تنبيه حاب تقدمها لي ؟؟

..

و اللي حاب يضيف اي شيء مفيد يتفضل مابي زيادة مشاركات ع الفاضي حتى لو بيدعي لي ..

الموضوع مهم جدا بالنسبه لي راس مالي كنت بأشتري فيه سيارة لكن هونت من الغباء ان الواحد يطلع قرض ويشتري سيارة و يشتري اشياء للاستهلاك في حين لو شغل هالفلوس وصبر راح يستفيد و يمكن بدل ما كان راح يطلع سوناتا بيطلع لكزس ..

بانتظاركم ..