تحتاج الى الصبر ياخوي
التجارة فن

شوف انت تقول اول ما فتحت كان فيه اقبال وشغل ممتاز
ومع الايم قلت الحركة
معناته عندك خلل

يا الخلل بالازعاج
يعني مو معقوله واحد يشرب كوفي وجمبه واحد يلعب بلياردو ازعاج ولا احد يرضاه

شوف ميول البزون عندك عالكوفي ولا الالعاب ولا وش

اذا على الكوفي حاول انك تزيد من الاهتمام فيهم
جيب انترنت واي فاي ما يكلفك شي

وسامحني اذا فيه قصور
وهذا اجتهاد شخصي لاني راعي محل ولا شي حبيت افيدك باللي عندي بس

والله يرزقك ويرزق المسلمين يا رب

و لا اعلم عن حكمها و لكن في رايي

الحل تسوي مسابقات و جوائز

مسابقة دوري الياباني
مسابقة دوري البليارد

طبعا كل مشترك يدفع رسوم قيمة مثلا 50 ريال و اذا اشترك 10 عشرة لاعبين يكون الجوايز 250 ريال للفائز الاول و 150 الفائز الثاني و 50 الفائز الثالث

ايضا تحويل قسم الكوفي شوب الى بوفيه لبيع الاكلات اللذيذة مثل البرجر و الاومليت و الاهتمام بالسعر الرخيص

هل فكرت تعمل اعلانات

وين بالضبط مشروعك اي مدينة اي شارع

عندي فكرة يمكن تنفعك

الكوفي شوب كمحل مستقل دايم فيه زباين وشغال ومربح

غير نشاط المحل لكوفي شوب .. والبلايستيشن والبلياردو تكون على جنب .. يعني النشاط الاصلي مقهى

لأن كثير ما يجون المحل يمكن لأن كله لعب وازعاج .. والمقهى صار ماشي سوقه الحين والكل يجيه ومربح

شوف اهم شي ارضاء الزبون يعين انصحك تحط صندوق اي احد يدخل المحل يشوفه وهو صندوق اقتراحات شكاوي استفسرات وهتم في العب الشبك مثل battlefield 3وووو MW3 ولاتنسا عشاق السيارت حط لهم pc حرامي السرات معدل وتعرف انت اطفالن وحتى شباب يحبون التفحيط اسال الله ان يرزقك من واسع فضله والمسلمين اجمعين


ولاتنسا سو تخفيضات كل فتره وثانيه سو مسابقات مثل الدوري وغيره تراه يجذب

أولاً: المناخ.
وفر مناخ مناسب لدراسة مشكلتك.
1.مكان و وقت مناسبان.
2.نفسيتك مهيئة. بعد صلاة الفجر، تكون نشيط و ذهنك متفتح.
3.حضر أدوات الدراسة. التدوين أهم أداة.

ثانياً: التشخيص.
أدرس مشكلتك.
1.وصفّ مشكلتك بدقة و اختصار. في حالتك-مثال- تدني الدخل.
2.حدد الأسباب. لماذا الدخل متدني.
أ. هل لأنك تبيع أقل من التكلفة (راجع سياسات التسعير عندك).
ب.هل لأن عملائك أقل من القدر اللازم (راجع سياسات الترويج عندك)
ج.هل لأن تكاليف التشغيل عندك أعلى من معدلات إنتاجك ( راجع مصاريف التشغيل عندك و اختبر قدراتك الإنتاجية)..
د.هل لأنك غير منضبط في إدارة النقدية (راجع نظام بيعك و نظام الرقابة على البائعين- يمكن يسرقك البائع..مثلا).
ع. أدرس جميع الاحتمالات اللي تكون سبب مرجح لتدني الدخل؟
3. رتب الأسباب.. إذا كان هناك أكثر من سبب لتدني المبيعات.. و رتبها بناء على:
أ. صعوبة أو سهولة معالجة أسباب المشكلة. ابدأ فوراً بالسهل. و حط لك خطة لدراسة الأسباب الصعبة ( تقسمها لأعمال صغيرة و مقدور عليها تجدولها في خطة زمنية معروف متى تبدأ و متى تنتهي و من يقوم فيها).
ب.خطورة أو بساطة عواقب أسباب المشكلة. أبدأ بالخطر فوراً، حتى إذا كان صعب. و قم بتأجيل اللي خطورته متوسطة أو متدنية.. لكن تأجيل حكيم.. تعرف متى بتبدأ بمعالجته و متى تنتهي و كيف بتعالجه.

رابعاً: أدرس العلاقات.
ما فيه أي مشكلة بدون ما تكون لها علاقة بمشكلة أو خطأ آخر. مهتمك الآن تتعمق في دراسة مشكلتك و علاقاتها مع المشاكل اللي مخفية عنك و يمكن تكون أكثر خطورة.
مثال- تصاب بانفلونزا-لا سمح الله- ذي مشكلة.. المشكلة ذات العلاقة و يمكن تكون المسبب دائماً ( أنك ما تهتم بإجراءات الوقاية). دراسة العلاقات بمثابة البحث عن المشاكل الأساسية لمشكلتك الحالية. المسالة متعبة ذهنياً، لكن صدقني ممتعة لأنك تمرن خلايا مخك+ تعيد لنفسك الطمأنينة بأن المشاكل ما راح تتكرر.
1.ابدأ أولاً ب أسباب مشكلتك اللي حددتها في الخطوة (ثالثاً). حتى لا تحبط خذ لك كل يوم سبب واحد و أدرسه بتعمق. ( ماذا/ما- كيف-لماذا).. من الأدوات الجيدة للدراسة. مثلاً ( ما مستوى الأسعار المناسبة لي و للعميل- كيف أستطيع وضع أسعار مربحة لي و تجذب العملاء- لماذا ألتزم بهذه السعر- هل من الضروري أن التزم بهذه السعر- هل أستطيع رفعه...الخ)... أدرس مشكلتك بأسئلة.. و مو شرط تحصل لها إجابات فوراً.. عقل الإنسان جبار لكن له حدوده.. إذا ما لقيت إجابة لأي سؤال بتحصله إذا سألت خبير أو صفا ذهنك.. أهم شيء لا تستسلم، لا تحبط، و واصل دراسة مشكلتك بتعمق.
2.افرز الأسئلة اللي لها إجابات. و الأسئلة اللي ما لقيت لها إجابات.. و جدولها فوراً.. في جدول أعمالك.
3. حدد المشكلة الأساسية- مثلاً حصلت أن تدني الأرباح بسبب العامل يده خفيفة.. ( و اكتشفت أن المشكلة الأساسية نظام عملك ما حطيت نظام مكافات لموظف.. فوراً ابدأ بمعالجة المشكلة الأساسية لأنك لو ما عالجتها بترجع تتكرر).
4. ابدأ بالسبب اللي بعده.. حتى تنتهي من جميع الأسباب المتعلقة بمشكلتك (تدني الدخل).

خامساً: غيّر قبعتك.
في برنامج تفكير (القبعات الست).. مناسب جداً للي يحاولون معالجة مشكلة ما.. راح يساعدك.. المهم تغيير القبعة مقصدها تغيير نمط تفكيرك.. في الخطوات السابقة كنت عملي... و في الخطوة الثانية لازم تكون (طفل) ما عنده قيود يفكر بتلقائية و بخيال.
1.خذ ورقة و سجل أي فكرة تطرأ عليك كـ جواب التالي (كيف أقدر أزيد دخلي). لا تحكم على أي فكرة مهما كانت سخيفة.. ما عليك في هالمرحلة إلا تسجل الأفكار حتى لو كانت من نمونة: (بشتري حجر من المريخ و أبيعه).
2.بعدها بساعات أو في اليوم الثاني خذ السؤال التالي: ( ماذا لو؟).. و خذ أفكار اللي دونتها.. و ابدأ اطرح السؤال: ماذا لو... مثلاً الفكرة (بشتري حجر من المريخ و أبيعه)- ( ماذا لو شريت حجر من المشتري!)- (ماذا لو تركت الحجر و اشتريت عظام ديناصورات؟)... برضو خلك طفل. لا تحاكم أفكار- و فكر بتلقائية و بخيال. و صدقني بتطلع بفكرة جهنمية.. بضرب لك مثال.. سيرك الشمس.. يجمع ملايين الدولارات مع أن السيركات الثانية قفلت أبوابها.. ليه لأنه نفذ أفكار غريبة و جديدة ( ابتكر )..
3. بعدها خلك (قاضي).. اقرأ الأفكار و شف وش يناسب وش ممكن يطبق و ش مقبول منها.. و بعدها أدرسها مرة ثانية وشف وش اللي يربحك و تقدر تسويه.


سادساً: كن رجل أعمال فعلاً.
رجل الأعمال قوته في ثلاث:
1. يأخذ قرار.
2. يتحمل عواقب قرارته.
3. يسيطر على محيطه.
أ‌. صدقني حتى تأخذ قرار يلزمك معلومة.. لا تأخذ قرار عشوائي.. ابدأ من الآن قابل زبائنك تكلم معهم، اسمعهم... اترك عنك صندوق الاقتراحات.. ما فيه عميل رايق يكتب لك إلا قليل. و خله هالعادة مستمرة فيك... رزقك من عميلك.. إذا ما عرفت وش يبي وش ناقصك من قادر تأخذ قرار سليم بتوفير اللي يبيه.
ب‌. خذ قراراتك فقط إذا توفرت المعلومات.. و مو لازم تكون تامة.. لأن رجل الأعمال مثل قائد الحرب يأخذ قراراته مع عدم التيقن من صحتها.. خل جريء و حكيم. و تحمل عواقب هالقرارات إذا كانت خاطئة.
ت‌. تحكم و سيطر على محيطك.. و منت بقادر تسوي شيء من ذا إلا ب 1.رؤية 2.أهداف.3. وخطة.
أخيراً:
1.نقطة مهمة. ناس يقولوا تخلص من العاب البلاستيشن و ناس يقولوا من غيره.. كلامهم سليم... لكن إذا فكرت تركّز و تخصص أنشطتك.. فلا تسوي شيء قبل ما تدرس عملاء محلك... من هم اللي يردون ربح أكثر عليك.

2. لا تخلي نظرتك قاصرة و ساذجة... حدد اقتصاديات أعمالك (وش تقدم و كيف تقدم و لمن تقدم).
الكوفي شوب فيه نوعين ( كوفي شوب يبيعك قهوة!) و ذا درب الفاشلين حتى و إن ظهر لك أنهم ناجحين.
و (كوفي شوب يبيعك: وقت ممتع).. مركز على (رغبة-حاجة العميل)... و شف ستاربوكس كيف وصلت للعالمية... السبب لأنها مركزة على حاجة العميل بالضبط... يكيفك تقرأ المانفيستو حقها ( لحظات فريدة كل يوم)... ما قالوا ( كابتشينو لذيذ)... هنا الفرق.. يمكن تشوفه بسيط لكن هالفرق يدر ملايين على ستاربوكس في حين اللي بدوا قبلها ما قدرا يوصلوا مواصيلها.


00 إذا أنت من الرياض مستعد أساعدك فعليا في هالأمور..

بالإضافة إلى اللي قالوه أخواني انا نصيحتي لك وهي نصيحة أخت كبيرة استغل هذا الشهر الفضيل في الاستغفار والدعاء كثر من الاستغفار وانت تمشي وانت تسوق السيارة وانت تفكر وادعي في السجود بين الىذان والإقامة قبل الافطار لحظة الجمعة آخر الليل استغل الشهر لاتدعه يخرج اللا وإن شاءالله تكون مشكلتك قد حلت بإذن الواحد الأحد ..

مادام المشروع في بدايته ناجح فمعناه فيه الخير حتى ان أصابه بعض الركود فاصبر وأسعى لبذل الأسباب .
تحرى إذا فيه شي يغضب الله حاول ان تبتعد عنه ونمي الأشياء الاخرى .

اللي فهمته من التجار الكبار هنا في المنتدى مثل والي ودماغ وغيرهم ان التجارة تحتاج صبر وانهم واجهوا مشاكل مثل مشكلتك بس مااستسلموا صبروا واستمروا وسعوا وبذلوا الأسباب ..

أسأل الله أن يستر عليك ويسهل امرورك ويفرج همك ..