تم إعلان القبول (مبدئى/1)وعليك الحضور باللباس الرياضى لمركز تدريب القوات بالدمام( طريق الرياض- الدمام كيلو 50 ) يوم الخميس الموافق 14/9/1433 من الساعة 9:00مساءً وحتى الساعة 1:00صباحا مع إحضار الأوراق المطلوبة الموضحه على صفحة التسجيل والقبول وحلاقة شعر الرأس على رقم (4)

تم قبولي


محتار بصراحة مكان المراجعة طريق الرياض الدمام بعيد

عندي استفسارات

ان محتار بالعسكرية التدريب سمعت يقولوا هو صعب وبعد ما تتوظف الوظيفة بسيطة وسهلة
بس كيف طبيعة عمل امن المنشات بس قاعد داخل المباني الحكومية تحرسه وفيها خطر او لا ؟؟؟؟

وين التدريب في طريق الرياض الدمام ؟؟؟؟ وين توظيف ؟؟؟؟؟؟؟؟

ان واخوي سجلنا كم راتب الجندي ومتى يزيدوها ؟؟؟ وكم راتب رتبة العريف ؟؟؟

اعرف واحد من شباب سجل بوظيفة عسكرية بس الي خله يتركها بعيد مكان العمل ساعتين رايح وساعتين جاي يعني مشوار الطريق يروح عليك اربع ساعات ما بقى من الوقت شي

بصراحة الموعد ومكان المراجعة نكبة طريق الرياض الدمام 50 كيلوا كم يبيلي اشان اوصل كم ساعة ؟؟؟

ااسف على الاطاالة

لو عندي معلومات كان افدتك


بكن للاسف واستخير الله واتوكل علي الله

اذا تقدر يالغالي تكمل دراسه كمل


ترى الوظيفه المدنيه افضل من العسكريه


واذا والله تبي تدخل العسكريه استحمل كل شئ وانا اخوك


التعب يبدأ معاك من التقديم حتى التقااااعد

ولا في وظيفه مافيها تعب

والله يوفقك يارب لكل خير

والله إذا لك نفس تكمل دراستك كمل وإذا مالك نفس أدخل العسكريه

اتفق مع كلام اخوي عاطل / والله يوفقك ياغالي

مادادم ماتبغها ومترر وخايف ليش ياخويتقدم من البدايه يمكن أخذت مكان ورقم واحد غيرك محتاجه وعنده استعداد لحمل العسكرية خذها ياخوي من البدايه ترى العسكرية عامه كرف ولعنة والدين وخاصة أمن المنشئات والمدربين في الدوره باكستانيين يعني ماجوا هنا يلعبوا ولا يدربوا اي تدريب وربي لو تشوف الواحد منهم كأنه بطل كمال أجسام يعني ناوي يفطس كل من في الدوره الا من يصبر ويشد على نفسه ويتحمل هاذي هي العسكريه وترى أول ماتخش تنسى شئ اسمه مدنيه ونوم وراحه وأكل على كيفك وأنا والله ماقلت الكلام ذا إلا من تجربة خضتها في دورة أمن امنشئات العام وطلعت لضروف ولا قلت ذا الكلام تخويف لا والله ولكن هذا واقع من تجربه شخصية فلا بعدين تتفاجؤون وتقررون الانسحااب ناس كثيرين سووها ولاقدروا يتحملوا من اللي عاشوه وعندهم على فكره اسبوع مسمينه اسبوع الرجوله هذا الاسبوع اوووووووف انواع العذاااب والتعب والنفسيه فتذكروا ان كل شئ بنظااااااام قاااااسي جدا والله العظيم لايرحم من ناحية النوم بالدقيقة والثانيه ومحسوبه عليك بعد الاكل له وقت محدد بعد الحمام الله يكرمكم له وقت محدد بعد ومن اساليبهم اللي عشتها خاصة في الحمام وأنتم بكرامه يقفلوان عليك المويه إذا أنتهى وقتك لأن فيه غيرك جالس ينتظر برى يعنى أفهمها من بدري بدري غير الثبات في وسط الشمس بال6و7ساعات متواصله واقف على رجولك ولاتتحرك خطوه وأنا والله ماقلت الكلام ذا تخويفا لكم ولكن من باب الاستعداد للمصير والحياه اللي أنت مقبل عليها وأخترتها وأعتذر بارك الله فيكم وسامحوني
وأخيرا اسأ الله تعالى التوفيق لي ولكم منتظر القبول في الدفعه الثانية