عندي مشروع صغير لكن فيه حاجة محيرتني ابي مساعدتكم

راجيه خير · #1 (**permalink**) 12-04-2008, 07:54 PM

بسم الله الرحمن الرحيم

انا عندي خبرة في العمل على الانترنت والكمبيوتر واقدر اقدم خدمات مثل بحوث وغيره عن طريق النت يعني ابغى يكون تعاملي بالنت بس لكن محتاره كيف ممكن استلم المبلغ ابي طريقه تكون سهله بالنسبه لي وبالنسبه للي يتعامل معي

فكرت بفكره وهي سهله بالنسبه للشخص الي بيتعامل معي وهو انه مثلا عملت خدمه بقيمه 50 ريال انه يرسلي بطاقه سوا 50 ريال وارسله البحث لكن انا كيف اصرف هذه البطاقه هل يوجد شخص يشتري رصيد جوالات لما اجمع مبلغ من البطائق ارسله له باقل من قيمتها بقليل ثم يرسلي المبلغ؟؟

بوفادي · #2 (**permalink**) 12-04-2008, 08:25 PM

تقدر تتعامل عن طريق التحويل البنكي! .. انك تفتح لك في جميع البنوك بالسعودية حساب ..
عشان تسهل ع المستفيد من خدماتك التحويل بدون رسوم تحويل!

او عن طريق الفيزا ويتحول إلى حسابك الجاري .. طبعاً حسب رغبتك .. لاكني انصحك في الأولة لانها اسهل وافضل واأمن لك وسهله كلها اتصل بالتلفون يحط رقم حسابك ضغطه زر حووووووول المبلغ .. شويه تجيك رساله بالجوال " ترن ترن " .. تم ايداع مبلـغ ××× بالحساب رقم

*_^

راجيه خير · #3 (**permalink**) 12-04-2008, 08:41 PM

بوفادي مشكور على النصيحه وانا فكرت فيها بس مشكله الحساب البنكي ماقدر اسويه لظروف خاصه ابغى شي اسهل واسهل فكره جتني هي البطاقاات

طموحي أكبر مني · #4 (**permalink**) 13-04-2008, 05:07 AM

رايي تعملين مثل ماقال اخوي حساب بنكي وحواله

لانه افضل واسهل لك وكل التاجرات عن طريق النت يعملون ها الشي

وموفقه يارب

تحياتي اختك طموحي

فتى نجد · #5 (**permalink**) 13-04-2008, 06:57 AM

ممكن تسوين فكرة بطاقات السوا وتتفقين مع صاحب بقاله جمبكم وتبيعين له الرصيد بسعر منافس واتوقع بيقبل منك , اذا حصل سعر اقل من اللي يشتري فيه ..

هـمـة مـواطــن · #6 (**permalink**) 13-04-2008, 09:57 AM

حساب في اي بنك الطريقة الأفضل ولكن بما انك ما تقدري

ترا فكرت اخوي فتى نجد ممتازة اتفقى مع البقالة وربي يوفقك

تحياتي

محلل حسابات · #7 (**permalink**) 13-04-2008, 03:54 PM

بالتوفيق اولا لمشروعك

وثانيأ ليه ما تستخدمين الشيك

ترسلك الشيكات وانتي تصرفينها

او عن طريق البريد

راجيه خير · #8 (**permalink**) 13-04-2008, 07:20 PM

مشكورين على نصائحكم ربي يسعدكم

لكن انا سمعت ان فيه بعض محلات الجوالات عندهم جهاز لتعبئه الرصيد يعني بدل مايشتري بطاقه تعطيه فلوس ويحولك رصيد فممكن يشتري مني هل هذا صحيح؟

محلل حسابات · #9 (**permalink**) 13-04-2008, 08:27 PM

لقيت اعلان على بعض مجمعات بيع الجوالات مكتوب تحويل رصيد
وهذي الحركه يستفيدون منها هم اذا الأتصالات حطة عروض ويكسبون منها بشكل حلو
ويمكن يشتري منك اذا بيكون له فائده

لكن ما فيه مثل فتح الحساب
شوفي احد لو قريب منك وبكذا بترتاحين

بالتوفيق