’

,


صبآحـ الإنتظار ~ وأمل متجدد =)



وكم لله من لطفٍ خفيٍّ
يَدِقّ خَفَاهُ عَنْ فَهْمِ الذَّكِيِّ
وكم أمرٍ تساءُ به صباحاً
وَتَأْتِيْكَ المَسَرَّة ُ بالعَشِيِّ
وَكَمْ يُسْرٍ أَتَى مِنْ بَعْدِ عُسْرٍ
فَفَرَّجَ كُرْبَة َ القَلْبِ الشَّجِيِّ
إذا ضاقت بك الأحوال يوماً
فَثِقْ بالواحِدِ الفَرْدِ العَلِيِّ




ونعمـ بالله ~

يا اخوات حنا ماننزه احد ولا نذمه
حنا موجايين نعاقب الناس ونتصيد الاخطاء التجمع لكي نفيد ونستفيد
انتو لوشايفين انه في خطأ لاتسكتون اشتكوا على نزاهه يمكن يفيدونكم لكن تتكلمون واسطة وما واسطة كذا
تثيرون الخوف بين المتقدمات
اللي وفقت واتصلوا عليها الله يوفقها ويسهل لها الخير واللي ماوفقت الله يبدلك باحسن منها بإذن الكريم
عندك اعتراض اشتكي وماخاب طالب الحق
وفي نقطة حابه اوضحها
لوالجامعة حبت توظف بالخفاء بتقدر بدون ماتعلن وبدون اي شوشرة ولاحد درى عنهم جامعات كثيرة تستخدم هالنظام عالعموم حنا البنات نخرب على نفسنا اتوقع لوبيجي احتياج لوظائف نسائية مرة ثانية ماعتقد يعلنون عنها بسبب البلبة والهرج والمرج اللي صار

مافي أحد يتوظف بواسطه ويجي يعترف

ولو فعلا كان الأغلب بدون واسطه كان شفناهم هنا أول مادقت عليهم الجامعه

مو كل يوم وحده داخله تقول بنت جيراانا دقوا عليها ولا صديقتي ولا صديقة أختي ومدري ايش
كان شفناهم يتابعون معنا الموضوع من الأول ووقت ماتأهلوا وجاهم اتصالات جو هنا وبشرونا


ايش اللي أثار الشك فينا ؟؟
أنه الموضوع خمد وقت طوووويل وفجأة بدأ يطلع كلام أنه جارتي وصديقتي واختي اتصلوا فيهم
طيب وينهم عنا وليه ماتكلموا هنا ؟

معناته نايمين بالعسل ولا سألوا عن شي لأنهم متأكدين من الترشيح


لاتجي وحده ألحين وتقولي أنا اتصلوا فيني بدون واسطة !!
يمكن أنتي و 3- 4 معك كانوا بدون واسطة لقوا لهم شاغر والبقية كراسي محجوزة لفيتامين واو

العذر والسموحة أختي أمواج البحر توني أنتبه لكلامك ..

قريبتي تخصصها خدمة اجتماعية ومتخرجة من عشر سنين تقريبا

بس عندها دبلوم حاسب وخبرات بمدارس أهلية ودورات إنجليزي وحاسب وشغلات ثانية ..

وتراهم يعدون شهاداتك حسب المدة مو حسب عددها .. يعني مثلا عندك عشر دورات مدة كل وحدة يوم .. ودورة وحدة مدتها شهر .. هذي أفضل عندهم ..

وبالنسبة للي تقول واسطة ..

ما ندخل في ذمة أحد بس أنا مقدمة على وظيفة حكومية في جامعة بالرياض من كم سنة

ولما نزلت الوظايف .. كلن قال واسطات ومدري أيش ..

وطلعت إشاعات واحنا ننتظر إن البنات خلاص داوموا واحنا المساكين نستنا ..

آخر شي طلع اسمي بالنت وتوظفت والحمد لله .. واللي معي كلهم يحلفون بالله ما معهم وسايط .. وكنا حول 200 موظفة

عشان كذا لا تسيؤون النية .. واللي مكتوب لكم بيحصل..

وطول ما انتوا تنتظرون سووا أي شي .. توظفوا حتى لو الراتب ألف .. بس اسم انه يكون عندكم خبرة ..

.......

وبالنسبة للي تقول ليش ما يحكون ..

عادي .. كثير ناس طبعها تتصفح بدون ما تكتب اللي بخاطرها ..

مو لازم ترد وتتحسب وتنقهر ..

أحسنوا الظن وبلاش تخلون للشيطان طريق ..

أنا ما أقول إن مافيه مجال للواسطة .. بس مستحيل تكون بالشكل اللي البعض يشوفه ..


الله يهدينا وياكم لما يحبه ويرضاه .. ويرزق كل من تمنى الوظيفة اللي تسرّه وتسعده وتغنيه ..

بنات المدققات احد اتصل عليكم ؟

طال صبرنا والله بيعوضنا خير

وعلى فكرة جامعة شقراء واضحه في خطوات التوظيف تعالوا شوفو جامعة ام القرى اللي كل يومين موظفه جديده من غير حتى مسابقة وظيفته ولا يوم نزل اعلان لوظائف بها