اول شي كل عام وانتم بخير ورمضان كريم ..
والسلام عليكم ورحمه الله وبركاته ..
بصراحه ,, مافي مره في حياتي كتبت بمنتديات مواضيع وغيره واعذروني لاني ماعرف انسق ..

لكن بدخل بالموضوع على طول ,,
انا شاب طولي 183 وجسمي رياضي
طالب في الجامعه تخصصي فيزياء الحين بالمستوى الثاني ..
لكن ظروفي ماتسمح لي اكمل الدراسه

ابي افضل قطاع عسكري من ناحيه الراتب .. الراحه ماتعني لي كثير !
ابي افضل الرواتب وافضل القطاعات .. وبالنسبه لحمايه السفارات السعوديه بالخارج ابي كل العلومات عنها
وابي عن المعاهد العسكريه اي معلومات لان شهادتي الى الان ثانوي نسبتي 75
واتحدث الانجليزيه بطلاقه
ابي اسألكم..
عن المعاهد العسكريه -1
افضل قطاع حكومي من ناحيه الرواتب -2
امن السفارات السعوديه بالخارج -3
ومعهد القوات الجويه الملكيه -4
اي معهد عسكري ممكن يقبلني رواتبه عاليه-5
تعلن لجنة القبول والتسجيل والتجنيد المركزية بالقوات الجوية الملكية السعودية <~ وش يخرجون وكيل رقيب ؟ وكم رواتبهم بشكل عام -6
واخيرا تكلمت مع ناس كثير وكان البعض يثني على الدفاع المدني ! +معي شهاده سباحه

برغم من اني ودي اكمل دراستي بس ظروفي لا تسمح نهائيا ومحتاج كل واحد يقول لي خبرته ورايه الله يوفقه في ها اليوم الكريم ..
وايش افضل قطاع من ناحيه [الرواتب]
وايش المعاهد العسكريه الي تخرج وكيل رقيب ورواتب حلوه
الله يفرج على كل من شغلت منه اهتمام ..

بنتظاركم !

وييييييييييييييييييييييييينكم ...............................؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تكفون ردو

مااااااااااااااااحد رد

عليكم السسسسسسلآم ورحمة الله وبركآته


اخوي آذآ معك شهآدة كليه متوسطه يعطونك وكيل رقيب


لكل القطآعآت العسسسسسسسسكريه


وآذآ معك بس شهآدة الثآنويه يلزم انك تآخذ دوره حآسب الى اقل شي 6 اشهر هذي قوانينهم


وبآلنسبه وافضل القطآعآت



الآستخبآرآت


المبآحث

من نآحية الرآحه + الراتب



افضل قطاع حكومي من ناحيه الرواتب -2
امن السفارات السعوديه بالخارج -3
ومعهد القوات الجويه الملكيه -4
اي معهد عسكري ممكن يقبلني رواتبه عاليه-5

آتوقع امن المنشآت روآتبه حلوه



واستخير والله يوفقك

صراحةة لو تكمل افضلل لك .. : (

العسكرية بالثانوي = جندي

يمكن الااخووان يفيدووووك

اشكر الاخوان الي ردوو ..

اخوي انا جتني وظيفه العام الي راح بالاستخبارات وبعد الدفاع المدني .. لكن الوالده الله يطول بعمرها منعتني الا واكمل .. ودخلت الجامعه قسم فيزياء بالواسطه لكن لظروف خاصه ماقدر اكمل دراسه !
ابي افضل وظيفه من ناحيه الراتب وقلت لكم الراحه ماتهم كثير !
شفت الحرس الملكي بمنتدياتكم والي مسجلين فيه !
فيه ناس يقولون راتبه 5200 ريال !
وناس يقولون 7 الاف ريال !
عموما ما اعرف افضل القطاعات من ناحيه الرواتب استخبارات ولا دفاع مدني ولا حرس ملكي ولا امن سفارات ..
وارجع واقول ان لغتي الانقليزيه ممتازه تحدث وكتابه
ما ادري بصراحه ..
لكن ابي افضل قطاع من بين كل ها القطاعات من ناحيه الرواتب .. او اي قطاع عسكري !

الاستخبارات افضل قطاع من ناحية الرواتب بس مادري كم رواتبهم بس اعلى من المباحث بشوي

ثاني شي المباحث الجندي يأخذ فوق ال 8500

اذا تبي الكرف والترقيات ماشيه :::حرس الحدود::: يحطونك بأمكن نائيه بالجنوب او بالشمال

ورواتبهم 8500 تقريبا

الحرس الملكي 7500

ولا تنسى عندك دورات لو تأخذها يزيد راتبك

عندك مثلا دورة الصاعقه يزيدك راتبك 400 ودورة المضليين 400

والضفادع البشريه و تفكيك قنابل ودورة قنص ودورات كثيره وكلها لها صنف بس مادري كم بالضبط

ذا اللي اعرفه

لاتنساني من الدعاء

لا تنحسب من الجامعه حتى تحصل وظيفة

>> ادور جامعة لي سنه

اي قطاع تابعه لوزارة الداخلية حلو

ابعد عن شي تابعه للوزارة الدفاع

موفق

الاستخبارات ،، المباحث ،، الدفاع ،، الحدود ،، و غيرها رواتب تعتبر عاليه بس ترى الفروقات بشكل عام مو كبيرة يعني الفروقات تختلف بأختلافات القطاعات و بدلاتها ..

عموما لغتك الانحليزية ما راح تنفعك بدون شهادة و هذي خذها قاعدة بكل شيء ..
و لابد تاخذ شهادة حاسب 6 شهور عشان تحصل رتبة جندي أول بأغلب القطاعات
اذا ما معك الا الثانوي تحصل جندي فقط ..
و طولك و جسمك الرياضي هو راح يساعد بإغلب القطاعات المهمة مثل القوات الخاصة و الطوارئ و أمن السفارات يحبون مثل نوعيتك ..

و الله يوفقك ..