السلام عليكم ..


اخواني انا قبل كم سنه انحجزت ثلاث ايام بسبب هواش
وبصموني بعدين طلعت بكفاله بعد انتهاء التحقيقات ..
بعدين طلعت ولاعاد راجعتهم وهم مادقو علي ..
تعتبر سابقه او لا ؟؟
واذا لا ليش يبصموني ؟؟
وصوروني بعد !!
ليش التصوير اذا موب سابقه ؟؟

واخرتها قبل خمسه شهور سالفه هواش ونفس الحكايه بصموني وصوروني وتنازل الي كنت متهاوش معه
ولا اعرف اذا هذي تعتبر سوابق او لازم يحكمون علي بحكم شرعي عشان تعتبر سابقه !

الي عنده علم يقول لي تكفون !
ليش التصوير و التبصيم اذا موب سابقه !

الله يهديك ياخوي

بالنسبة انها تتسجل سابقة ماتوقع لانك ماقتلت ولا هربت مخدرات ولا شي ماغير هواش اذا استخدمت سلاح ابيض فاعتقد يسجل سابقة

و انت الله يهديك كل يوميا هواش؟ العن الشيطان و امسك اعصابك اليوم هواش بكره ضربة عصى و لا سكينة
و تصير قاتل ..

عموما السابقة لابد ان تكون تم فيها حكم شرعي

السابقه تختلف عن السابقه المخله بالشرف والهواش سابقه غير مخله بالشرف حتى وإن صدر فيها حكم شرعي
زميلي قبل لايدخل العسكريه تهاوش وثبت عليه أنه طعن خصيمه بسكين وحكم عليه الشيخ سجن شهر و60 جلده وشمله العفو ولا أنسجن وانجلد 30 جلده وهذا هو عسكري ولا أثرت فيه

عايدي ياخوي شفني مقبول نهائي في الحرس الملكي مضاربة وبصمت
عايدي لاتشيل هم

بصموو بك

عشاان يشووفو هل عليك سوووابق او لا ؟؟

وان شاء الله ماتسجلت سابقه

تصدق عاد لو اقطع اشاره يودوني القسم يخلوني ابصممم

ههههههههههههههههه

مثل ماقالوا الاخوان ماتعتبر سابقه هذا شئ روتيني

مره من المرات
كنت واقف عند اشاره المهم جنبي سياره سكرانين

نزلوا وقالوا افتح الباب قلت وش يبون هذولي

اخر هالليل المهم حنا 2 بس وهم 4

نزلوا وهم سكارى وننزل انا وخويي وجلد فيهم جلد

اخر شئ خويي جته طعنه في يده

وفجئه جت دوريه بالغلط السكرانين انحاشوا

وقفنا نزل العسكري قال وش فيكم سلامات قلنا سكرانين ومادري وش جوهم

قال الحقوني للقسم رحنا هناك وكتبنا السالفه في ورقه وقال تبصيم

قلت ليه نبصم مالنا دخل هم اللي انحاشوا قال عادي بس تبصيم

يعني شئ عادي

هههههههههههههههههههههههههههه

وانا الحين مقبول نهائي في الحرس ورحت للادله الجنائيه وطلعت البصمات

يعني لاتشيل هممم

اتمنى للجميع التووفيق

الله يعطيكم العافيه طيب موضوعي الثاني ليش ماحد شيك عليه استفساراتي كثير ادري بس ابي مساعدتكم تكفوووووووووووووووووووووووووووووون ي عيال ديرتي