هذا العلم جاكم يا أخواني ومافي أحد مايعرف البدون
واللي تقول شمر قبل السعودية أقول لها ليه العنزي والعتيبي والخالدي يعرف ديره غير سعوديه
ونعم بشمر وبكل القبائل لكن وش نسوي يا اخوان
انولدنا بدو بالبر واهلينا الله يسامحهم ما ستوطنوا بحكم انهم رحل من بلد إلى آخر اصحاب حلال
ومشت الايام والسنين ولقينا نفسنا بدون جنسية ومافي دولة تعترف فينا
هذا انا ضرب عمري 35 مولود بالقريات شمال المملكة وللحيني بدون وابوي بدون وجدي بدون
وغيري كثير مثل حالتي لا وظايف ولا اي شيء
وغيرنا يجي من افريقيا وشرق اسيا ويصير سعودي وحنا لنا الله (الولاء وحب الوطن مو بورقه)
انا ما احب اشكي لحد ولا ابغى احد يتعاطف معي
ابغى اوصل رسالة للشركات ترى حنا سعوديين بالاصل والعرق والمنبع والدم واللون
وهذا السبب هو اللي طيح حظنا بزياده عندكم
لو اتجنس لبناني واعيش بديرتي ماكان هذا وضعي
مع السلامه اخواني ضيقتوا خلقي تسوون حالكم ماتعرفون البدون
حتى انتوا علينا

يا اخوي اذكر الله قل الا اله الا الله

امورك محلولة . وانت سعودي وندري انك سعودي اصل وفصل وشرحت الوضع بس لاتسكت عن حقك هذه انت رجال 35 سنة العمر كله روح الاحوال كلمتهم ؟ جيب خذ اي بطاقة تثبت الاسم طلع لاهلك كرت عايلة سوي اي شئ رحح للامارة لاتقعد كذا شئ يقهر واول مره ادري فيه بدون عندنا ؟؟

ياأخوي أنا فاهمة حالتكم ولكن أنت ضميت قبيلة عتيبة بالبدون وأبصحح لك قبيلة عتيبية الاكثرية معهم بطاقة أحوال ومعروفين ويوجد فئة قليلة جداً لا تذكر بالعراق ومتجنسين ومافيهم بدون بس حبيت أوضح لك لا أكثر ولا أقل وبعدين أغلب البدون هم من عنزة وشمر والسبب كما ذكرت هم بدو رحل ينتقلون من بقعة لبقعة ويسمون القبائل النازحة وأنصحك ياأخوي تدورون واسطة أو تدخلون على أمير قبيلتكم ويشوف وضعكم ويرفع خطاب وإن شاء الله ببتحصل على الجنسية

الأساعدة من عتيبة قبائل نازحة يسكن معظمهم حالياً بحفر الباطن ورفحاء
وعددهم بالآلاف وليس عندهم هويات وطنية
شكرا للجميع والله ولي التوفيق
حسبي الله ونعم الوكيل

ياأخوي الله يفرج كربتك هذا اللي أقدر أقوله وأعرف عنوز كثير تجنسوا بس اتوقع بواسطة

الاخت الكريمة همس الترحال
العنزي ابن الجزيرة العربية من عشرات آلاف السنين .
تحياتي لك

ياأخي الكريم أنا لم أقلل من شأن قبيلة عنزة القبيلة العريقة المعروفة منذ القدم
ولا تفسر كلامي بطريقة لم أقصدها ياأخوي أن أقترحت عليك وقلت بما معناه (((( أن موضوعك عند شيخ قبيلتك هو المسؤول عن المطالبة بأبسط حق من حقوقكم وهي الجنسية .... ))))
وآسف إذا كلامي ماأعجبك .. هالوقت كل أمورك تمشي بواسطة وخصوصا بالمعاملات الحكومية وأرجع وأكرر إذا تعرف أحد له مكانة أو سلطة بالدولة أرفع أوراقك له وإن شاء الله أمورك تتيسر ..

أخوي ...ماشاء الله كيف تعلمت الكتابة واضح عليك إنسان ذو علم
أخي لا أريد أن نسلك سلك التعاطف الذي مله الكثير
بس أكيد في حل غايب عن الذهن ...معقوله يكون فيهـ نسبة من الشعب وإن كانت صغيرة بدون هوية ؟؟؟؟
بالذات في الوقت هذا ؟؟
أنا متأكدة بأن بإذن الله الحل جآي ...أطرقو الأبواب أرسل برقية للملك ...
لو أعرف أحد في الأحوال صدقني بنحلهآ ...والدنيا صغيرة وربي بيفرجهآ عليك ...
إذا الجوالات بدون أسم سوف تُلغى كيف بالأشخاص ...
يعني الجوالات وقالوا لازم تسجل بأسم ,,والأفراد ؟

1- لم يتمكن اغلبهم من دخول الجامعات ألحكوميه بسبب عدم ألجنسيه كما نواجه كثيراُ من المتاعب أثناء تسجيل للطلاب بالمدارس..
2- لا يستطيعون العمل في جميع المجالات ألحكوميه ولا في القطاع الخاص بسبب عدم اعتبارهم مواطنين
3- لا يستطيعون الدخول وللعلاج بالمستشفيات ألحكوميه والإجراءات تتأخر في اغلب الأحيان.
4 - لا يستطيعون تملك العقار ولا يستطيعون ممارسة نشاطات تجاريه وبهذا الشكل مما يجعلهم عرضه للابتزاز وتضيع حقوقهم وممتلكاتهم.
5 –يعاني اغلبهم من فقر مدقع ويعيشون أوضاعا ماديه صعبه والبعض أدى إلى إمراض نفسيه لعدم سماح لهم بحياة كريمه وإعطاء حقوقهم الانسانيه وضعف فرص العمل لهم وعدم السماح لهم بمزاوله ألتجاره..
6- يعاني اغلبهم من ضغوطات نفسيه شديدة مزمنة قادت إلى الانتحار والجريمة في حالات فرديه وغطتها وسايل الإعلام..
7- عد استخراج عقود للزواج وهذي معضلة يجب استحداث حل سريع لمسالة الزواج ..
والذي اضطر بالكثير ألجوء إلى حلول بديله غير نظاميه..
والزواج على طريقه ألتقليديه دون عقد زواج عند الجهات ألحكوميه وهذا ما يوثر سلبا على القضية فتتفرع المشكلة لتصبح كثير التعقيدات.
8- يعانون عند إثناء الولادة للزوجة في المستشفيات ألحكوميه أوالخاصه وهذا فيكون الوضع منساوي خاصة في حالات الطواري ولأحول ولا قوه ألا بالله ..
9-يعاني الكثير منهم عدم التمكن من استخراج رخص لقياده لأبناء القبايل ألنازحه لغير المجددين المنتهية بطاقاتهم ولا يستفيدون من حافز ولا التأمينات وهذا ما يجعل الخيارات إمامهم محدودة ويعرضنا الكثير من المخالفات والمشاكل وهي ضرورية بالحياة..



<< أحد أبناء القبائل العائده لأن احس كلمه نازح مو بمكانها الصحيح
واللي يقوولون احوال ومدري ايش
الموضوووع كبير وبيده ولاه الامر فقط لان العدد مو هين عوائل بالالاف
وكل يوم تكبر المشكله اكثر واكثر واجيال تضيع


ما اقول الا


لا حول ولا قوة الا بالله