بسم الله الرحمن الرحيم

السلام عليكم ورحمة الله وبركآته


أخوآني أنا الحمد لله مقبول نهآئي في الدفاع المدني برتبه جندي ومادري متى الدوره يمكن بعد العيد او مادري با الضبط



سؤالي

إن شاءالله بعد التخرج كيف طبيعه العمل معى الافراد والضباط


يعني هل صدق ادق تحيه للفراد؟؟؟ لآن على حد علمي بس الظباط..

وهل اي واحد اعلى من الجندي رتبه يكون عليه صلطه مثل جندي اول عريف وكيل رقيب رقيب رقيب اول؟؟؟

او بس الظابط الي يأمر؟؟؟؟


الله يجعل الي يجاوب يدخل جنة الفردوس الاعلى ويرزقه الوظيفه الي براسه يارب.
لأني جاهل بأمور العسكريه..

وعليكم السلام ورحمة الله وبركاته

الف الف الف الف الف الف الف مبرووووووووووووك القبول النهائي


يجي من يفيدك العسكر هنا واجد

باختصر عليك الموضوع سريع ..

كل هالاسئله راح يخبرونك فيها بوقت الدوره فالحصص التعليمية
وترى الامور سهالات وانا اخوك توكل على الله

اسأل الله لك التوفيق

على حسب علمي والي اسمع ان التحية للضباط فقط والدفاع المدني حلو وراحة قول الحمد الله انت احسن من الي في مكافحة المخدرات ولا في حرس الحدود
اما موضوع الصلطه الي اكبر منك رتبه يأمرك وعادت اذا ماكان فيه ضابط يكون رئيس رقباء بس بأخلاقك تخلي الكل يحترمك
وسالفة ضابط ذا شديد وماادري وشو ماعليك انت ادي عملك لوجه الله وراح تشوف التوفيق والضابط ترا بشر مثلي ومثلك وكان فيه يوم من الايام طالب في الدوره يكرف ويتلقى الاوامر
وع قول المثل يد اعلى من يد ويد الله فوقها
الله يوفقك لكل خير واتمنى لك الحياه السعيده واخره اسعد في جنة الفردوس
تقبــــل مروري

الف مبروك أخوي عاطل وعقبال التخرج ان شاء الله

ال45 يوم مشكلتها النفسيات يعني توقع اي أحد يتأمر عليك ويلعب في نفسيتك

وهذا شغلهم يا غالي حتى الضباط فيه اللي يتأمر عليهم ويلعب في حسبتهم وقت الدوره

هم فالنهايه يبونك تطلع عسكري مطيع طاعه عمياء اذا أفتهمتها من البدايه ومشيت معهم مضبوط راح ترتاح

لاكن اللي مسوي زاحف قدام خويانه ومسوي انه بيتعبهم أعرف انه أول شي بيخرب على نفسه وعلى مجموعته

وراح يفتح على نفسه باب وكل المدربين بيحطونه فراسهم وفوق هذا كله راح يمشي على كلامهم مثله مثل غيره

شاء ام أبى

وهذي هي العسكريه كلها أوامر على الصغير والكبير على الجندي المنتف وعلى الفريق ركن كلهم مجبورين على الطاعة

وكل واحد تجيه أوامر من اللي فوقه وينفذ وهو يضحك

وبالنسبه للتحية العسكريه للضباط فقط

انت داوم وجيب دلتك وتمرتك وبس لا تحيه ولا غيره ههههههه ومبرووك

للرفع.......

الضابط بس الي تدق له تحيه

بالنسبة للاوامر مثلا انت جندي اول طبعا جندي تحتك مايامر عليك بس جندي اول اقدميه عنك يامر عليك وطبعا مع الرتب الي فوقوك يامرون عليك لاكن سهالات ولا تشيل هم ابد