السلام عليكم

انا جاء تعييني في حفر الباطن وانا في الشرقيه وابي اعرف اذا اعتذرت عن الوظيفه ماذا سيحدث ..!

هل اخسر من نقاطي في جداره ؟؟

وهل لي فرصه وظيفيه اخرى في برنامج جداره ؟

أرجو ممن يملك معلومه ان يفيدني بها

هلا حبيبتي انا زيك وظيفتي بعيدة عن مكان سكني ومترددة اقبل فيها والا لا
وكنت متخوفة من موضوع اني اتركها
بس سمعت انه اذا تركتيها يحرمونك من التقديم سنة او سنتين قدام
بس ماني متأكدة من هالشي

ياليت احد يفيدنا

الموظفه بالديوان قالت عادي تدخلي المفاضله الي بعدها بس مافي اعتذار بس مدري اذ يغيروا رايهم

يابنت الحلال رزق جاء الين عندك لا تتخلين عنه
حاولي تعيدي تفكيرك بالموضوع لا تستعجلين
وصلي استخارة وربي ييسرلك كل خير

ما اتوقع انك بتقدمين مره ثانيه .. على ما اظن انه على طول يجيبون بدالك وحده

وليه يالغاليه تتخلين عن رزقك .. كثير من البنات جاهم تعين بغير منطقتهم .. وانتي كتبتي رغبتك اكيد حفر الباطن..

تبين نصيحتي لاتفكرين تتخلين عنها .. وماتدرين وش ربي كاتب لك .. هذي فرصه ومكرمه

ممكن ماتتكرر مره ثانيه .. والله كثر سكن المعلمات اكيد فيه ..

هذه رزقك لاتخلينه سالت الموظفة قالت تحرمين تقريبا سنة

اختي استخيري بارك الله فيك وعسى الله يوفقك ويسهل امرك

ولو يصعب عليك اي شي من اي ناحية

اخوك من حفرالباطن ارسلي رساله خاصه اذا تحبين تستفسرين ب شي

وعلى فكره حفرالباطن منطقة حلوة يعني مو شينه وخدمااتها جداَ ممتازهـ

موفقه خير

ياحبيبتي عالاقل انتي بالحفر فيه سكن للمغتربات..
وش اقول انا جا تعييني بالحدود الشمالية تخيلي منطقة كبيرة ولا مدينة منها فيها سكن للمغتربات..
لاتفوتين الفرصة فيها .. اذا ماودك تشتغلين بالمدارس قدمي على كلية الحفر توهم هالسنة فتحوا قسم الحاسب ومحتاجين مرو وبعد سنة تطلعي بعثة برا


موفقه عزيزتي