عليك السلام

لاجديد

أنا رحت الأدآرة الأقلمية بالمدينة يوم الأربعآء

قالو لي أي شخص خلص اورآقة

ينتظر اتصال هالأسبوع اللي هو الأسبوع اللي رآح أول الأسبوع هذآ

وأن شآء الله خير

خير ان شاءالله نتظر الاسبوع هذا وربك كريم

موفقين يا جماعه

ياليت اللي خلصو الدوره بعد رمضان او قبل رمضان

يرسلون لي رساله كم الراتب الاساسي وشكرا

^^^

الراتب للجامعي

7300 صافي له بالصرافه

والدبلوم 6000 الا شي بسيط 10 او 20

من غير 500 ريال تضاف بعد اربع اشهر (على الراتب)

و2000 بعد الدوره

و500 ريال بعد الدوره ايضا
(تصرف بخصوص التذاكر ....)

جميع ماذكر اعلاه من اشخاص كانو بدورة رمضان

والاسبوع هذا ننتظر والله ولي التوفيق

شباب ...... فديتكم.........

واخواتي المتقدمات ... اسال الله لكم التوفيق

والله يجيب الخير عساكم مقبولين كل من قدم

والي بيقدم عسا فاله التوفيق

احبتي والله

وياليت بعد الجامعي تووضح بالتفصيل لو تقدر اسفين كثرنا عليك

اذا اتصلت علئ الاداره النسائيه وش اقول لهم

^^^^

الجامعي يستلم يااخوان 8200 ريال راتبه ..... الاساسي 6000 ... الباقي بدلات (نقل ومواصلات )
(ترجع له 300 بعد ثلاث اشهر كاتجربه )

الدبلوم ياخذ 6750 ريال راتبه ... الاساسي 5000 ... الباقي بدلات (نقل وموصلات )
(ترجع له 300 ريال بعد ثلاث اشهر كاتجربه "طبعا الصرافين يصرف لهم فوق كذا 400 ريال بدل")

الجامعي يخصم منه 500 ريال حق التامينات ... والدبلوم نفس الشي ....اقل من 500

يصفى للجامعي بالحساب 7300 -- الدبلوم 6000 الا شي بسيط اتوقع 5960 ريال بالضبط ..



والمميزات (بونصات - ثلاث رواتب اساسيه موقعه بالعقد بدل سكن )

راتب كل عيد اضافي ....


والله يوفقكم لما يحب ويرضا هذا الكلام من شخصين اعرفهم بدورة رمضان

واحد جامعي (حاسب الي "مدير مبيعات + خدمة عملاء ايضا يستطيع " )

واحد دبلوم .. (تقنيه حاسب الي " خدمة عملاء + صرافين " )

طبعا العمل يكوk حسب مديرك في مدراء يهبطك مثل البعير لركب فوقه دب

وفي مدراء ماشاء الله يرفعك فوق فوق

يعني النبوك قروبات ياتبدع .... ياتجيب العيد


لن كل فرع ملزوم يدخل بالشهر مبلغ وقدره من العملاء

عرفتو

مثااال ..

يعني لو فرع مكلف عليه 9 مليون بالشهر ومادخلها

بيكون عليهم ملاحظات موب زينه مستقبلا ..

لكن شوفو البونصات الي بتجي لو يدخل البنك فوق ال9 ميلون

ابد زغرط يامعلم هههههههههه


ياخوان والله من قلبي واعماق جوفه يارب يوفقكم

والله يسعدكم

ويزوجكم

والي متزوج الله يصلح ذريته

والي مهموم الله يفرج همه

والي ينتظر الله يبشره بالاخبار الزينه

والله يسعدكم يااحبتي

.......

بالنسبه لاختي لما عبدالرحمن

اتصالك لهم

اسالي عن مكان وطريقة تقديم النساء ...

يعني حاولي تحسسي المتلقي انك باغيه الوظيفه ويهمك تعرفي كيف تبحثي عن التقديم

والله مو عارف انتي مقدمه قبل كذا اختي ؟؟؟؟..


الله يوفقك يااختي

انا سويت مقابله من شعبان بس مو عارفه شقول لهم

السلام عليكم
كيفكم جميعا ً
حبيت استشيركم في موضوع أنا اجريت مقابلة في مصرف الراجحي بتاريخ 28-8 في ابها وابلغوني باجتياز المقابلة والى اليوم ماردو قالو اوراقكم ارسلناها الرياض وما ردو علينا , جاتني وظيفة بشركة بالرياض براتب 7440 . اخر موعد لتوقيع العقد الاسبوع هذا
تتوقعون المصرف بيردون علينا لاني عندي ظروف تجبرني على البقاء في المنطقة في ابها
او وش رائيكم واخر واحد راجع الفرع في ابها او اي مدينه وش قالوا
شاكر لكم و الله يعطيكم العافية