المقبولين في الراجحي قبل رمضان بيومين هااااام

ॢఝ قلب الأسد ॢఝ · #**591** (**permalink**) 13-01-2013, 07:01 PM

بالنسبة للاحتياج على حسب المنطقة اللي مقدم عليها انت وتبي النصيحة اذا انت مستعجل قل لهم اي منطقة حطوني وانا مستعد انا من سكان الشرقية وتعييني جاء بالجوف 1250 كم .!

بالنسبة للدورة ابــد فلــة حجـآج وونــآسة بس اللي بيستانس اللي هم من خارج الرياض يحجزون لك فندق 5 نجوم .! وبوفية كامل فطور وغدا وعشا والدورة تكون بنفس الفندق ,,

جدول الدورة من السبت الى الخميس اسبوعين ,,

اول اربع ايـآم بيدربك مدرب اسمه صالح الصالح لبى قلبه انا اشهد فلاوي بيبدربك على اللي لك واللي عليك بالوظيفة وشوية معلومات عن مؤسسة النقد ,,

وبيدربك مدرب مصري يومين عن كيف تقدم الخدمة المميزة للعميل ,,

وبيدربك صالح السحيباني عن غسل الاموال فلآآووووووي ,,

وتطلع لادارة التدريب بالرياض يومين يدربك على السستم ,,

وبيدربك اخر يومين مصري عن التزوير ,,

وطبعا العقد ماشي من اول يوم بالدورة ويسلمونك ثاني يوم او ثالث يوم بالدورة ,,,

بالنسبة للرواتب والله ماعرفت احسبها الى الحين بس كويسة يعني تقريبا للدبلوم 7000 اول اقل بشوي البكالوريس تقريبا 8400 ,,,

واي استفسار باللي اقدر عليه حــآضررر ,,

حااسب الي · #**592** (**permalink**) 13-01-2013, 07:56 PM

يعطيك العافيه اخوي قلب الاسد والله يوفقك يا رب ومشكور ما قصرت يالغالي

دبلوم كلية تقنيه · #**593** (**permalink**) 13-01-2013, 09:17 PM

مشكووور وما قصرت كفيت ووفيت

طيب واللي يبي يغير المنطقة فيه رقم ندق عليه والا لازم نمر الادارة الاقليمية

ॢఝ قلب الأسد ॢఝ · #**594** (**permalink**) 13-01-2013, 10:18 PM

ادارة الرياض طالبين واجد اذا تقدر تروح للادارة اللي بمدينتك وتقول ابي الرياض افضل ,,

معآآآذير · #**595** (**permalink**) 14-01-2013, 04:02 AM

موفقين يارب.... الى الان ننتظر وربك كريم

ॢఝ قلب الأسد ॢఝ · #**596** (**permalink**) 14-01-2013, 07:41 PM

فيه امر غريب شفته اليوم رواتب الدبلوم اللي موظفين قبل رواتبهم الاساسي 5800 اما الجديدين الاساسي 5000

على كذا راتب الدبلوم يساوي راتب البكالوريس بس بفرق بسيط ..!!

اليوم وصلتني رسالة انا تم تسجيلي بالتأمينات براتب وقدرهـ 8125 قبل الخصم بعد الخصم تقريبا 7825 .! بكالوريس

وهذا يؤكد نصب المصرف قبل توقيع العقد ..!

يالله ناخذها طقطقة ,,

كورونووس · #**597** (**permalink**) 15-01-2013, 03:07 PM

موفق بخير ياقلب الاسد وعقبالنا ان شالله ،، انا رحت للادارة قبل فترة قالي مافي احتياج في شاغر في تثليث 250 كم عن ابها قلت ماعندي مشكلة :D قال لا خلك في ابها احسن ..! من مصلحة الادارة انها توظفك في منطقتك عشان ماتطلب نقل بعدين،،
بالنسبة للرواتب التأمينات لازم تاخذ من راتبك بنسبة 9% يعني راتب الدبلوم تقريبا 6600 او اقل يعني مافي نصب : )
الله يكتب اللي فيه الخير والفرج قريب ان شالله

كب بو · #**598** (**permalink**) 15-01-2013, 04:37 PM

السلام عليكم
انا تقدمت على الراجحي قل شهرين تقريبا
وبعد اسبوع اتصلوا علي ورحتلهم سويت مقابلتين شخصية بينها مدة يومين تقريبا
وبعدين اعطوني اوراق الكشف الطبي والكفالة وفتحولي حساب وكملت كامل مستنداتي والاوراق اللي طلبوها مني من شهادات خبرة وووو الخ
المهم متى الدورة تقريبا ؟؟؟
على العلم اني تبع المنطقة الغربية

معآآآذير · #**599** (**permalink**) 15-01-2013, 10:19 PM

اقتباس:

المشاركة الأصلية كتبت بواسطة كب بو

السلام عليكم
انا تقدمت على الراجحي قل شهرين تقريبا
وبعد اسبوع اتصلوا علي ورحتلهم سويت مقابلتين شخصية بينها مدة يومين تقريبا
وبعدين اعطوني اوراق الكشف الطبي والكفالة وفتحولي حساب وكملت كامل مستنداتي والاوراق اللي طلبوها مني من شهادات خبرة وووو الخ
المهم متى الدورة تقريبا ؟؟؟
على العلم اني تبع المنطقة الغربية

قبل كل شي الله يكتب لكم التوفيق يارب وللجميع...

اخوي كب بو.... انا ابي الغربيه وللحين ماتصلوا علي .... ولي تقريبا 3 شهور من يوم سويت المقابله

والله يصبرنا ... انا جالس ادور على وظيفه ... اطقطق فيها الى ان يتصل البنك... وانت انصحك اذا

بوظيفه لاتتركها الا اذا اتصلوا عليك .... موفقين يارب..... واخوي قلب الاسد الله يجزاك الف خير ع

المعلومات.... والله يطرح بوظيفتك البركه ...