بنات قرار التوجيه يصدر من المكتب نفسه الي موجهين عليه وهم الي يوزعونا على المدارس
بس هذي تصريفه منهم عشان يشتفلون على مهل ونصيحه لاتستعجلون عليهم لان عندهم زحمه مره مره من متعينات ومثبتات (معلمات ) ومنقولات واجازات واذا استعجلتوا عليهم اخاف يحطونكم بعيد من بيوتكم ولاينتبهون لرغباتكم واماكن سكنكم الي عبيتوها اثناء التوقيع لان مكان السكن الي حطيتوه هو الي بيحدد مدرستك ...ولاتخافون راح يحسبون لكم تاريخ المباشرة من تاريخ توقيعك الي وقعتيه عندهم ..
لاحقين على الشقى والهم كبروا المخاااااااااااااااد وخلوا المدارس تنتهي من تنظيم الفصول والطالبات الجدد عشان تداومون وهم مخلصين شغلهم وموزعين جداولهم وخالصين لان اعمالنا على حسب مايسند من قبل المديرة مافي مهام معينه قول ايمين يمين يسار يسار ...........
كلامي هذا عن ثقه ومتأكدة منه ميه ميه

الله يكتب مافيه الخير
حنا أكيد مو مستعجلين ع الشقى
بس ورانا امور كلها مترتبة ع مكان الوظيفة
اللي تدور سواق واللي بتنقل عيالها واللي بتسجل اطفالها حضانة او روضة
لازم نعرف مدارسنا وين صايرة

وبالنسبة لتاريخ المباشر حيرونا ؟؟

ناس حاسبين لهم من 18رمضان
وناس من 7 شوال

ليش هالتفرقة ؟؟؟

مساء الخير يا عسولات ، ما شاء الله عليكن ( خلود وأم فارس ) ما صبرتن

والله بالأول كنت مستعجلة مثلكن عشان ودي انقل بنتي من مدرستها ومنبهره بترتيب

الرياض ,,, ( في توزيعهم بدون شحططة لمكاتب الاشراف )

بس يوم شفت الحوسه اللي عايشين فيها اداريات الرياض بعد التوجية اللي قطوها بشرق

وهي غرب واللي شمال حطوها جنوب وقريبتي تقول تأخذ في المشوار من بيتها ساعة

ونص قلت لا والله خليهم يرتبونا على راحتهم أهم شيء النتيجة وأنتم الخبر صغيرة

بالنسبه للدمام أهم شي يعرفون سكنكم وين ويرتبونكم إن شاء الله أما حنا الدمام كبيرة

وأحياءها كثيرة عشان كذا أتوقع خلونا نحط ثلاث رغبات....



بالتوفيق للجميع ، والله يسخر لنا الوجوة الطيبة ويعطينا خير الوظيفة ويكافينا شرها .

أنا بعد دقيت اليوم على مكتب غرب تقريباً الساعة وحده وردت وقالت ماجاء شيء هم يكلمونكم أو يرسلون لكم رسايل
وش قصدها يعني التوزيع مو من عندهم؟؟؟
الظاهر الشغل كله بيد قسم الرجال ؟؟
يعني بالاداره العامه!!

صادقة اختي خلود الله يرزقنا واياكم المديرة اللي فيها خير ونرتاح في التعامل معها لان طبيعة مهامنا مش واضحه وما ودنا أحد يستغلنا.

[QUOTE=خلود عمر;6722234]سؤال الله يعافيكم الحين وش معنى رفعوا مباشرتنا ؟؟؟ يعني من وقعنا يمشي راتبنا ..؟؟ ولا شالسالفه ؟





نعم أخت خلود تعتبر مباشرة وينرفع بتاريخ 7 / 10 لان يوم رحنا يوم السبت قالوا ماوصلنا عنكم شي راجعوا قسم الرجال ويوم رحنا قسم الرجال قالوا أجل ليه حنا مرسلين رسالتين للاداريات لانها تعتبر مباشرة ورجعونا للقسم النسائي وخلونا نوقع وأكدوا يوم الاحد على اللي ما وقعت يوم السبت في مكتب شرق الدمام انها تروح توقع
والموضوع كان أغلبهم ما يدرون عنه لأن قسم شؤون الموظفين ( رجال ) هم اللي مداومين بالعيد أما باقي الأقسام ماتدري عن شيء وعشان كذا تفاجأوا فينا ووحدة من الموجهات قالت لي هالسنه ضغط ماتتصورين على شؤون المعلمات من توجيه معلمات جدد وإخلاء طرف ونقل وتثبيت إداريات وتثبيت عقود وجيتوا أنتن بعد وهذا كله لازم يكون بخطابات وتصديق وتوقيع وتصوير أوراق وحوسه ، الله يعينهم ...

مساء الخير

يعني فعلا نكبر المخدة

عاد زميلاتي بالمدرسة الأهلية اللي كنت أشتغل فيها يقولون لي تعالي السبت زورينا


لما كنا بمكتب شرق ما سألت الكل عن الأحياء و صارت تكتب بخط إيدها عند كل اسم

سألت البعض على كيفها و قالت وين ساكنة

ما عبينا ورقة