السلام عليكممم

كيفكم ياحلووووات وحشتوني


اخبااااركممم

هاه كيف مدارسكم واعمالكم ان شاء اللهع مبسوطين

سوري انقطعت عنكم لان كنت عند اهلي والاب توب ببيتي ماخذته لما جيت افتح عالموقع من الجوال رفض الباس وورد

المهم بشروني عنكم ان شاء الله متوفقين بوظايفكم ومرتاحين

كل وحده تعلمنا وش مسكت من اعمال

انا عني اول ماتوظفت مسكت مراقبة مع وحده قديمه وعلمتني شغل المراقبه ودخلت جو العمل صحيح متعب بس قا
لوا لي ضغط العمل بس بالبدايه بعدين خلاص وفعلا انسجمت بالعمل وكنت دايم اقول الحمد لله اهم شي اني ابتععدت عن شغل الكمبيوتر ونظام نور

بعدين جت المديره كانت اجازة وقالت لا انتي راح تمسكين برنامج نوورر لان فيه مراقبه منقوله عندنا وهي خبررره بالمراقبه

ومسكت برنامج نوور كامل .. والوارد

بس عيوني

عيوني
تعبت من الكمبيوتررر وانا مسويه عمليه تشطيب لعيوني مرتين يالله نجحت العمليه

بس الحمد لله على كل حال

فيه احد مسك برنامج نوور .؟؟ وهل عطوه عمل اضافي ؟؟ ولا بس برنامج نور ؟؟

وش رايكم بهالبرنامج سهل او لا ؟؟؟ بصراحه لاقيت بعض الصعوبه فيه اسوي الشغل واتعب واخرتها مدري وين يروح


تحياتي للجميع ودعووواتي لكن جميعااا بالتوفيق ,, الله عشنا ايام مع بعض وشاركنا بعض بمشاعر التوتر والفرح والانتظار

تحياتي لكم جميعا

بنات غلطت وحطيت موضوعي بقسم جداره العام

المهم ياليت تردون علي هنا
https://www.btalah.com/t461814.html

هلا خلود

وين هالغيبة

الله يعينا جميعاً

شوفي أنا مسكت عدة أعمال و مسكت جزء من برنامج نور يعني مو كله علي

نور متوزع بيني و بين الوكيلة و بين مدخلة البيانات اللي عندها إجازة أمومة هالفترة

و مسكت متابعة التأخير الصباحي للطالبات >>> هذا سهل ما فيه شي

و حطتني مشرفة النقل المدرسي و هالشي ما حبيته بس بديت أتأقلم

و ماسكة الصندوق المدرسي و هذا بعد صعب بس رغم ذلك حبيته

و من ناحية تعب العيون صج تعب

حتى لو ما اشتغلتي على نور

أنا مثلاً عندي لكل شغلة لازم أثبتها بملف فلازم أسوي نماذج لشغلي بالكومبيوتر فأول شهر شغلي كله عالكومبيوتر لحد ما نستقر

و أنا قالوا لي مثلج بس بالبداية ضغط بعدين يخف الشغل و يرجع يزيد بالاختبارات

احنا ثنتين جدد بالمدرسة كمساعد إداري و الثانية مسكت شغل المراقبة

و أنا على قولتها مساعدة الوكيلة خخخخخ

و الحمد لله على كل حال


ياااااه

تدرون اليوم كملنا 3 شهور بالضبط من طلعت أسمائنا للمطابقة للحين محتفظة بالمسجات

يا رب لك الحمد و الشكر

السلام عليكم ورحمة الله وبكاته
أخباركم بنات وكيفكم مع الوظيفة
بالنسبة لي أنا تعبت شغل المرشدة الطلابية جدا متعب وتحسفت أني وافقت عليه
بأختصار ضحكوا علي قالوا بنفرغك للإرشاد ويوم وافقت ورفعوا اسمي للتوجيه أني أمسك ارشاد
رجعوا وقالوا لازم مع الإرشاد تمسكين أعمال إدارية عشان الموجهه الإدارية لما تجي تشوف شغلك وتقيمك عليه
وفعلا عطوني سجلات الانتظار وسجل متابعة دفاتر التحضير وسجل متابعة دفاتر الطالبات وسجل لمتابعة أعمال المراقبة
واللي يقهر في الموضوع أنهم ما يخلوني أرتاح ابد المدرسة كبيرة وثلاث طوابق ومكلفيني بعد كل حصة أطلع اشرف على عمل المعلمات والمراقبات
المشكلة أنا تعبت من كثر الطلعة والنزلة والفرفرة في المدرسة وهم ولا همهم المراقبات ماعاد يقومون بأعمالهم ولا مرة شفت مراقبة طالعة تشوف البنات وتشيك عليهم والمعلمات بطلعة الروح يروحون حصصهم هذا غير المناوبة وهمها ومشاكل البنات
استغفر الله ما أدري وش أسوي من جد تعبت

السلام عليكم ورحمة الله وبركاته

صبآح الجمعة والنفوس المطمئنة برضى الرحمن وذكره ...

اشتقت لهالتجمع كثير والله انكم مثل اخواتي واحب اتطمن عليكم بين حين وحين حتى لو ما نزلت ردود ..

بالنسبة لنا يمكن حاليا كملنا شهر تقريبا في دواماتنا

أنا بقولكم عن نفسي : بصراحة عشت التخبط في توزيع مهام المساعدة الإدارية.. بكل ماتعنيه كلمة التخبط

تخيلوا لي شهر الآن ولم أستقر نفسياً لم أثبت على وظيفة معينة ولا حتى مكتب واحد
مدرسة بلا مديرة..
ومساعدتها اخذت توزع المهام عشوائيا ولا تلبث أن تتراجع وتبدل حسب مايحلو لها !!
مابين مراقبة وكاتبة ومدخلة ومساعدة وكيلة لست أدري؟؟ إلى الآن بلا هوية !!
والتنقل من غرفة لغرفة ومن دور لدور أرهقني وعدم الأستقرار أرهقني !! لدرجة كرهت هذه المدرسة وفكرت في النقل رغم انها قريبة من بيتي جدا.

بالنسبة لكم يابنات لما اطلعت على اوضاعكم بصراحة هانت علي مصيبتي و قلت احتسب الأجر واصبر الين الله يفرجها...

ام فارس / الله يعينك حبيبتي .. بس حبيت اوضح نقطة : المرشدة الطلابية على كادر المعلمات وليس الاداريات
وااذا حطوك مرشدة مفروض يتعدل وضعك بالنسبة للمسمى الوظيفي والراتب والمستوى والترقية وغيره.

اتوقع ماتفوتك هالنقطة بس للاحتياط ذكرتها ، وترى المديرات ماهمهم والله كل وحدة تبي شغلها يمشي وتترقع قدام مشرفتها وبسسسسس !!
شوفوا حنا مستجدات حتى ماخدمونا في رفع اوراقنا ولاحتى تعاونوا معانا بتوضيح ماهية الاوراق المطلوبة حنا اعتمدنا ع انفسنا واجتهدنا وسألنا هنا وهناك وركضنا لين تمت بحمد الله
اجل فيه مديرة تقولك مااعرف وشو ورقة بدل التعيين!! وهذي صارت كثيييييير معاي ومع غيري!!

الاخوات اللي مسكوا برنامج نور ياليت نتعاون مع بعض لأني لسه ماسكته جديدة.. وهل من مهامكم ادخال درجات الطالبات ؟ والا على المعلمة ان تدخل درجات طالباتها بنفسها ؟؟

اتمنى القى ردودكم عن قريب
وبالله التوفيق

هلا نوران و ملاك

بالنسبة لنظام نور

طبعاً هو مو من مهامي الأساسية

بس إني بشترك في الشغل عليه

سألت الوكيلة قالت لي هو المفروض كل معلمة تدخل درجات بناتها

بس يعني ما تدرين ممكن يحصل تغيير أو شي

فالأسلم تكون معاج المعلمة و تنقلج الدرجات و تراجعينها معاها و تتأكدين

علشان ما تقول لج أنا قلت لج حطي كذا و إنتي اللي غلطتي

و هذا الشي فعلاً ممكن يصير و أنا شفت مثل هالموقف لما كنت أشتغل بالأهلية

بنات سؤال الله يسعدكم

كيف تعرفون رقمكم الوظيفي

[QUOTE=غداًاجمل;6843735]بنات سؤال الله يسعدكم

كيف تعرفون رقمكم الوظيفي[/QUOT

أنا حصلته في قرار التعيين سبق وأخذته من الإدارة

مسآآآء الخير
ام فارس انا بعد ابي الرقم الوظيفي
طيب هم ماعطونا قرار تعيين
عطونا خطاب مباشرة ويحتوي على رقم القرار فقط وليس الرقم الوظيفي؟
هل هو نفسه؟؟

سؤال ثاني اللي تعرف تفيدنا: بالنسبة لبدل التعيين قلتوا لي بس راتب واحد فقط !!
بس لما رجعت لنموذج 101 ب من مسوغات التعيين واللي عبيناه عند الديوان
كان في اخر الصفحة الثانية من النموذج جزء يملأ من قبل الموظف المختص ويحتوي على اسئلة تجاب بنعم او لا
من ضمنها هذا السؤال حرفياً:
هل منح راتب شهرين حسب المادة ( 27/10) اذا لم يسبق له العمل؟ نعم / لا

اترك لكم التعليق .. وشكرا