السلام عليكم ورحمه الله وبركاته،،

اخواني ممن يدرسون في معاهد حالياً او متخرجين أو من يملك المعلومة..

هل المعاهد الصحية الخاصة تقبل حامل شهادة الثانوية التي مضى عليها مدة أكثر من 5 سنوات مثلا؟ اتذكر قبل فترة تصفحت موقع معهد صحي وكان من شرط القبول ان شهادة الثانوية لازم تكون خلال الخمس سنوات السابقة للتسجيل.

واستفسار اخر ربما يكون عجيب غريب.. هل الي متخرج جامعي يقدر يسجل دبلوم في معهد صحي؟

شكراً..

أي معلومات يا شباب؟

عليكم السلام

بالنسبه للمعاهد الخاصه الصحية تقبل مافيه مشكلة في تاريخ الشهادة لكن الظاهر قفلوها المعاهد حولوها كليات .. وبالنسبة لسؤالك الثاني تقدر مالها اي علاقة لان اذكر يوم كنت ادرس في الاكاديمية كان معي ناس موظفين كثير يدرسون مسائي واذكر كثير كان معهم بكالوريوس

عموما قبل لا تدخل دبلوم فكر كثير واستخير لأن خلاص ما فيه تعيين ابد

اتمنى اكون افدتك

أخي الكريم عاطل من قدي

افدتني كثيراً وشكراً لك على ردك..

حبيت اسأل أكثر.. سواء كانت معاهد او كليات.. مازالت تدرس دبلوم، صحيح؟

وبالنسبة للمكان الي درست فيه، وش كان اسمه وفي اي منطقة؟ بصراحة ما كنت ادري انه فيه ممكن دراسة مسائية واذا كانت موجودة فهذا راح يكون شي ممتاز جداً..

وبالنسبة للتعيين.. فالله المستعان!