طبيعة وظيفتي الحالية مافيها اي شغل انا مليت حيل ابي شيء اقضي وقت فراغي الدعيس لاسيما انو تخصصي ترجمة وما في اي شيء متعلق بالوظيفة تعطيني اي مهارات او خبرة وبعد اجلس بالمكتب لحالي قليل الموظفين اللي اشوفهم بحكم انها منطقة نائية فبتالي مافي اي احتكاك مع الموظفين بالنسبة للراتب جيدا جدا بس اخاف انو الفلوس اللي اخذها مالها بركة ع جلوسي اللي مامنه فايدة


اي اقتراحات او وصايا اكون شاكر لكم

بس الرجاء لا حد يقول انترنت لانو مافي اكسس مصرح لي وانا اعمل في منطقة نائية

ياراجال الله عطاك الوظيفه مشاء الله تبارك الله وقت الفراغ اقضيه فى قراءت القران الكريم والاستغفار وتعوذ من ابليس بس بالتوفيق لك يارب

مثل ماقال الوكع يا فارس احمد الله عز وجل على الوظيفه ووقت الفراغ اشغله بقراءة القران
وكذالك قراءة السيرة النبويه ...... وجيب معاك بعض الكتب المفيده والجريده وبكذا يكون انتهى دوامك وتكون استفدت من وقتك
اما بالنسبه للراتب والله ما ادري وانا اخوك العلم عند الله لكن اسئل المشايخ فيهم الخير والبركه

عندك بلاك بيري والا يفون ههههه

انا قد مريت بحاله مثلك والله يالدوام يصير ثقيل وكل شوي اعاين في الساعه واقول باقي ساعتين وباقي ثلاث

واللى جنبي مايرفع راسه من البلاك بيري والله سويت مثله هههههه


بس قلي انت وظيفتك حكوميه والا لا

السلام عليكم ورحمة الله وبركاته

ماشاء الله تبارك الله في شهر رمضان صومك وخروجك لعملك مكتوب لك ،، ويرفع بصلاتك بإذن الله

وما تدري مع مرور الأيام تحّصِل نفسك منصب في الشركة قريب من بيتك

بعد كذا تقدر تستقر وتعرف تنهي اموُرك وشغلاتك وأنت مرتاح

حاول تتعمق في أقسام الشركة قدِم إقتراحات وأفكار

تقدر تستثمر وقتك بعدة أمور مايحتاج اقولك.

ماشاء الله ،،

الله يوفقك اخووي
هذي نعمه من الله ،، انه رزقك هالوظيفه

غيرك دوامه يومياا 8 ساعات و 12 ساعه كلها شغل وكررف
يرجع البيت وراسه دايخ ومحتااسس

مايمديه يجلس مع اهله من التعب يبي يناام بسس

واذا صححى مافيه وقت الا ويتجهزز للدوام ،،


الله يوفقك ويستر عليك ،،

حاول تستفيد من وقتك وانا اخوك ،، واحمد واشكر

عن ابن عباس ـ رضي الله عنهما ـ قال: قال رسول الله صلى الله عليه وسلم: ( نعمتان مغبون فيهما كثير من الناس : الصحة والفراغ ) رواه البخاري

احمد ربك واشكرة
على الوظيفة غيرك يتمناها

من المعروف ان الراتب يعطى لشغل تشتغله لاكن الى طول دوامه مايسوي شي الله اعلم بحاله
الله يعينك انا مثل وضعك قاربت على الجتوت من الملل والغثى في الدوام طول الدوام قعده وشاهي وقهوة فقط لايوجد عمل تعمله من المستحيل اكتساب خبرات اومهارات في اشغال مثل كذاااا .....

انــا معــك نفس الحــال ونفس الشي لا شغله ولا مشغله
اذا طفح الكيل ولقيت شي افضل منه استقيل
او كلم مديرك المباشر وكرر عليه يوميا
حتى يعطيك شغل

[align=center]نزل القران على الايفون واقرأ
اسال نفسك متى اخر مره او كم مره ختمت القران في عمرك

وخذ لك مسبحه واستغفر ترا كثرة الاستغفار تزيد في الرزق والبركه
ما تدري يمكن يدخل عليك مديرك ويقول هذي زياده[/align]