السلام عليكم
اخواني انا مسجل بجامعه الحدود قسم رياضيات مالكم بالطويلة درسة الترم الاوول وماتوفقت بالدراسه وسقطت في مادة الرياضيات صراحه تخصص صعب وابغى اترك الجامعه واذا تركتها نسبتي مادخلني جامعه ثانيه وطفشت عسكريه ماتقبلنا لامن طول ولا من نظر مدري وش اسوي احيانا افكر اترك كل شي واجلس على حافز كم شهر ومتوهق القسم صعب واتورطت فيهافيدوني الله يجزاكم خير

يُنقل إلى الاستفسارات التدريبية والدراسية



وبالتوفيق

الله يعينك شد حيلك وتمسك في قسمك لان اصلا مافي شي سهل بالزمن هذا واذا تركت الجامعه صعبه تقبل فيها من جديد
اذا مستواك ضعيف ادرس عند مدرس خصوصي وشد حيلك وربي ما يضيع تعب احد مافي شي يجي بسهاله لازم كرف وتعب

اهلا بك اخي الكريم

انت ما دخلت وانقبلت في قسم الرياضيات الا انك مؤهل له وطموحك في العلالي

وهذا شئ طيب وان شاء الله انه مناسب لقدراتك

وانصحك تكمل طريقك اللي بدأت فيه ولا توقف عند اول عثرة

واعتبر كل عثرة تعتبر لك كخطوة من خطوات السلم تصعد بها الى القمة بأذن الله

وبالنسبة لحافز فأنت بتضيع مستقبلك الى شئ نهايته مضمونة وانا اقصد حافز

لانه فترة وبعدها ممكن تفصل وممكن تجيك وظيفة في القطاع الخاص وكل شهر خصم ووجع راس

وكله على مبلغ بسيط


وتأكد انه الاصعب دائما يكون في البداية

وخذ الفائدة من حل المسائل في الرياضيات

الحل دائما يكون خطوة بخطوة وهناك وسائل مساعدة كثيرة

الى ان تصل الى المطلوب

وانت ركز بتفكيرك على دراستك فقط ولا يشغلك اي امر اخر

وبعدها تتعود ان شاء الله

وتذكر ان المستقبل امامك اما شهادة جامعية بتخصص ممتاز

وقليل من هم خريجي هذا التخصص

لذلك نشاهد مدارسنا الحكومية لازالت معتمدة على مدرس الرياضيات الاجنبي

هذا غير المدارس الاهلية اللي تبحث عن مدرسين تخصص رياضيات بالهبل

واما غير ذلك

هذه كلمات بسيطة مني لك

اتمنى انك تقبلها مني بصدر رحب

واستمر فيما بدات وياجبل ما يهزك ريح

والله يوفقك