31-07-2012, 10:13 AM
|
عضو متواصل
|
|
تاريخ التسجيل: Jul 2012
المشاركات: 49
معدل تقييم المستوى: 210953
|
|
1. قسّم بضاعتك الحالية إلى صنفين:
الأول: بضاعة دارجة (يعني هـ تمشي).
الثانية: بضاعة صعبة ( سوقها ضعيف و قليل اللي يشتريها).
2. خلال تقسيمك لبضاعتك.. حاول تغير و تجدد مكتبتك من الداخل. ليه؟ لأنك كسبت زبون و لازم إذا جاء مرة ثانية يشوف فيه تجديد و يختلف عليه المنظر من الداخل.
3. بعد ما صنفت بضاعتك.. ابدأ بالصنف الثاني.. وشف وربحك فيه.. و ابدأ نقص منه/سو عليه خصم..(نقص من الربح مو من قيمته). و أربطه بالصنف الأول.. بمعنى هـ الخصم ما يتم إلا إذا شرى العميل من الصنف الأول... و الأفضل أن تصمم المزيج أنت بنفسك و تجهزه و ترتب له مكان بحيث يكون قريب من طاولة المحاسب يشوف العميل في دخوله و قبل ما يطلع.
المزيج ( خذلك مثلا تيب و أجمع منتجين أو ثلاثة..سوا و حط عليهم السعر بعد الخصم).
4. جدد بضاعتك.. اشتر كمية جديدة من البضاعة.. لكن خلك تركيزك على (التنويع) مو الكميات.. و طبعا بتركز على التنويع في أدوات المدرسة.. ابدأ برضو بنفس الخطو الأولى صنفها... إلى صنفين.. لكن هالمرة بطريقة ثانية:
أ. الصنف الأولى.. ( البضاعة اللي تروح بالكميات مثل الدفاتر المراسم)....و صلح لها مزيج بيع ( و جهزهم لعميلك(أجمعهم سوا بتيب)...و نقص من سعر ربح شيء بسيط..).. سو لك أكثر من مزيج.. مثلا مزيج للدفاتر (3 دفاتر جامعية).. مزيج الأقلام (درزنين مراسم سوا) مزيج خليط (درزن دفاتر مثلا و درزن مراسم و درزن برايات)... في المزيح الخليط حاول دائما تزود عدد الأشياء اللي سعرها قليل أو مقبول و ممشاها في السوق أقل..مثل البرايات أو المساحات أو المساطر.. المهم تزود فوق حاجة عميلك.. مثل تعرف أن حاجة عميلك مسطرتين—خلهم ثلاث.. هدفك: تزيد مبيعاتك..
ب. الصنف الثاني.. (اللي ما تشترى بالكميات مثل الحقائب).. ذي الله يسلمك تجمعها مع البضائع اللي موسمها مو الآن ( مثل الصحائف و غيره)... و تحطها في مزيج... و تقلل سعرك في البضاعة الإضافية... و تكتب خصم...و الأفضل ( تشتري بضاعة ترويجية- من اللي يحبوها الأطفال) و تحطها مع الحقائب في مزيج..
5. طبعاً أنت الآن جهزت ل حملة تنشيط مبيعات... و منافسك صدقني بيسوي مثلك لأنه موسم ف بيكثر من البضاعة و يحاول يبيع بأعلى قدر ممكن لأنه ما يبي يفوت الموسم... يعني لا تخاف ما راح يسوي تخفيضات.أو يتنافس معك بالأسعار... لكن برضو باقي يتفوق عليك بحاجتين ( أنها مكتبة جديدة و الناس تحب تشوف الجديد و خصوصا عند شراء المواد الاستهلاكية).. و الثانية ( أن موعد الافتتاح مع بداية الموسم).
كيف تتغلب على هالنقطتين:
أ. أبدأ السباق قبله.. جهز إعلاناتك ( على واجهة المكتبة- و خلها مميزة و واضحة)...( أهم شيء في الإعلان يكون عن ( بضاعة جديدة) و ( عروضنا الأفضل)...ليه عروضك الأفضل... لأن بداية الموسم ما راح تكون مع الرواتب.. فاحتمال كبير أن الناس تشترين أغراض المدرسة على دفعتين... اللي بيروح لمنافسك عشانه جديد...في المرة الأولى أحتمال بيجي عندك في المرة الثانية...حتى يشوف عروضك الأفضل.
ب. لا تفرط في عمليك... قبل ما يطلع من باب مكتبتك خله يقتنع أن اشترى الأفضل من عندك.. حتى لك إعلان على المخرج من الداخل.. بعبارة ودية لطيفة.. تشكر عميلك.. و تمدح في عرض بطريقة غير مباشرة.
6. في المنافسة... هناك حصص يتقاسمها الطرفين... أنت لابد يكون لك حصة... ف دورك الآن تدور عليها... خذ لك فرة في الحارة شف البيوت و المنازل اللي قريبة و احتمال 90% سكانها بيكون عملائك مو عملاء منافسك أما بسبب إشارة أو دوار أو شيء يحول بينهم و بين منافسك... لأبد تحدد حصتك الجغرافية.. هالمنازل بيكون عملائك الدائمين منها... ف جهز لك بروشورات- و لا تكثر- و وزعها عليهم... قبل منافسك... و أترك كمية.. توزعها بعدها.... و الكمية الثانية لا توزعها إلا في حالة وحدة إذا كنت متأكد أن عروضك أفضل منه و بروشوراتك أفضل منه.
التعديل الأخير تم بواسطة أمان وافي ; 31-07-2012 الساعة 10:16 AM
|
العرض العادي
