بسم الله الرحمن الرحيم

الموضوع باين من عنوانه..

من اول مادخلت المدرسة وكل الناس تقول لي شد حيلك ترا سلاح الزمن ذا الشهادة

درسنا وخلصنا الابتدائي وخلصت المتوسط والثانوي..

ودخلت جامعة تبوك كلية العلووم على امل ان اكون معلم رياضيات..ليس حبآ بالرياضيات ولاكن

للفرص الوظيفية المتاحة..والاحتياج المطلوب لتخصص الرياضيات في التعليم..

وخلصت الجامعة بعد اربع سنوات دراسه ..والحين انتظر التعين..

لاكن انصدمت باختبار كفايات معلمين الي يشرف عليه برنامج قياس

دخلت اول اختبار درجة التخصص 46.60 والمجموع الكلي 54
40 بالمية فقط اليس هذا ظلم..

على العموم لم يكتب لي التوفيق فيه..

انتظرت 9 شهور علشان اختبر ثاني مره وكانت الدرجة ك التالي
درجة التخصص 58 والمجموع الكلي 48

وكان الاختبار سهل بالسنة لي واسهل من الاختبار الاول بكثير

لاكن وقف لي التربوي انا انسان لم ادرس التربوي طوال حياتي..ليش تختبرني في شي انا بالاساس مادرسته...

حسبي الله ونعم الوكيل..

كل هذا علشان يعقدون الناس ويكرهونهم بالتدريس لانها افضل من ناحية الراتب والاجازات..

مدري حنا عايشين بدولة فقيره حنا ميزانية الدولة كل سنة اعلى من الي قبلها..

ولا عشان يوفروا ملاين يسرقونها بدال مايخذها الشعب المسكين إذا جاء وقت الميزانية حتى المرضان فيهم يتعافى..

ماقول غير الله(...)دولة ماتعز شعبها ولا توفر له سبل معيشية زي الناس..

والسسلام خير ختام

طيب حاول تأخذ دبلوم تربوي سمعت انه لطلاب مجانا.. وفعلا ماقلته انت صحيح .. حتى بحافز اهانة مابعدها اهانة..
الشكوى لله .. اتمنى يكتب لك تعين في اقرب فرصة بالذات انتم رجال وراح تعوولون اسر ووراكم مستقبل ومسؤليااااااات وزواج ... وقياس هذا ماحطوه الا تعقيدا ولهف فلوس الخريجين ولما يجمعوها يطلعون المليارات ,, وياليت الاختبار مافي شرط لنجاحه ،، المفترض وهم حاطين شرط القياس المفترض المهم انه يختبر الشخص ويكون قبوله بقياس بدون تحديد درجة احسسسسسن ، على الاقل لو لهفوا الفلوس وانقبلت الناس بقياس بدون درجة كان ماقلنا شئ ، وظلم اختبار قياس يحددون مصير الواحد في ساعتين محدوده ..ومع السرعة وتلاحق الوقت ماتدري انت تحل او تقرا السؤال اللي يطاردك الوقت وانت ماكملته ،، وبالاخر يقولون يقيس قدرات الشخص شلون يقيس قدرات الشخص وهو مايلحق يقرا السؤال؟؟؟ غير ازعاج المراقيبن وعدد الاسئلة الي مو على قد الوقت وغير الربكة وغير كلمة اقلب الورقة وكم باقي من الوقت وانتهى الوقت ,, ييييي خلوني ساكتة بس ،، مااقول غير ربي يوفقك وتتيسر لك ويكتب لك التعين

اخي الكريم

يعلم الله انني احس بمعاناه كل عاطل وعاطله في بلدنا السعوديه اعزها الله بالإسلام ولكن والله علي ما اقول شهيد ولله الحمد هناك التفاته ملموسه لحل مشكله البطاله بالسعوديه وصدقني نحن لانعلم ماذا سوف تخفي لنا الايام فقط تفائل وعش بسلام وسعاده

ها انا اكملت دراستي العليا ولم احظي بفرصه بوظيفيه مناسبه حتي الان تتناسب مع مؤهلاتي ولكن احمد الله ان رزقني وظيفه تعليميه رغم انها بعيده عن مدينتي ولكن شي افضل من شي اخر

ويعلم الله اني كنت غاسله يدي من وظيفه تبع الديوان ولكن بالفعل ذهلت حينما استلمت رساله علي الجوال للمطابقه

اخيرا اذكرك اخي الكريم ان كل شي في الدنيا مكتوب وارزاق وان الله رزاق كل عبد ثم ثق تماما رزقك سوف ياتيك فقط ثق بالله واحسن الظن به وسوف تلقي ماتريد وتذكر قول الله عز وجل ومامن دابه في الارض الا علي الله رزقها واعمل بالأسباب يعني مثلا فكر باكمال الدراسات العليا داخل المملكه او قدم في برنامج خادم الحرمين يعتبر فرصه عظيمه للشباب الطموح

اسأل الله بأسمائه الحسني وصفاته العلي ان يرزقك ماتتمني عاجلا غير اجل وتصدق ولو بالشي القليل بنيه طلب الرزق والوظيفه من الله عز وجل ولاتنسي دعاءك في تلك الايام الفضيله
امنياتي لك بالتوفيق والسعاده في الدراين

وعليكم السلام ورحمة الله وبركاته

العنوان يجذب الانتباه

والله يوفقك ويسعدك ويحقق مناك بحق هذا الشهر الفضيل

صدق والله تعبنا وبالآخر نجلس باالبيت والله قمة الظلم ...والمفروض الأودلاد من يتخرجون

يوظفونهم ع طول بدون لاقياس ولاشئ ثاني.

والله الخليج كله متقدم علينا بكل شئ . وعندي بنات خاله في الأمارات ماشاء الله عليهم من

ثالث ثانوي متوظفات.واعرضوا علي اتوظف عندهم بس أنا رفضت.قلت اجلس في بلادي أحسن

لي..

إلى متى وخير بلادنا للغير...اهتمو فينا نحن أعيال الوطن...

أختكم

أوراق الحب

ياخي تذكر ان الارزاق مقسمه بين العباد وحتى وانت في بطنك امك رزقك مكتوب ويمكن سبحان الله ربي كاتب لك وظيفه احسسن من التعليم ماتدري علشان كذا اكثر من الدعاء وحنا في ايام فضيله لعل الله يرزقك من اوسسع ابوابه قول اممين

اخي معاك حق بكل كلمه قلتها بس اهم حاجه انصحك لاتدعي على احد فقط قل حسبنا الله ونعم الوكيل
وحاول تحط اسمك بالحكومي وتتوظف مؤقت في اي مجال غير الحكومي لان المجال الحكومي يبيلك تحط اسمك عندهم وتردد ياليل ماطولك الا اذا عندك واسطه فهذي حاجه ثانيه
الله ييسر لنا ولك ويرزقك عاجلا غير اجل