مرحبا
لكل الاعضاء المنتدى بدخل بالموضوع على طول وابي المشورة منكم

وظائف قطاع الخاص تجيب الهم وتتلف الاعصاب لكن قال وش حدك على المر قال اللي أمر منه

اتصلو علي شركة الحماية اللي بميناء الدمام كنت بالبداية متشجعه قلت ابي خبرة وثانيا ابي

استفيد من مؤهلي طبعا سويت سيرج بقوقل ولقيت ياكثر الشباب يشكون وبعض البنات بعد يذمونها بشكل عام

المهم استخرت صلاه الاستخارة وتوكلت على الله يالطيف اول مادخلت انقبض قلبي وحسيت بضيق قلت بنفسي بصبر سبحان الله مع ان المبنى جديد بس مايريح
ودخلت المقابله خذو وهاتو من الاسئله استغفر الله العظيم
واحد عنزي بين انه محترم وكان ذوق لاباس لكن واحد ثاني جالس على المكتب اذا ماخاب ظني يااجنبي ويتكلم سعودي او سعودي لكن شوفه نفس وينافخ ويضرب بالقلم على الطاولة ولابعد يقول بصوت الدوام من ثمان الى اربع ونص وكانه يهدد ياربي هذا مو اسلوب اكيد لو في رقابه ماصار كذا وش هالحركات والتصرفات الله لايحوجنا لهم
لاحول وقسما كاني اطر منهم طراره عاد من زين هالشركة لاهي معروفه ولامشهورة زي باقي الشركات خلاص خرجت من عندهم وانا انتهيت مابي اقول مابيهم احمدك يارب اني بنعمة هذولا لو محتاجتهم بقوة وش بيسون فيني طبعا في اخت في منتدى سنابس تقول الراتب تتفاجئين يخمون 300 لاتستغربين ومايجي الراتب الا بعد شهرين ويعاملونك زي العبدة خدامة ولافي احترام وكل يوم مشكله ولو غبتي وتاخرتي وجيبتي عذر مافي اخصم مائة انا بصراحة بغيت اموت
لان اخواني كلهم واخواتي ربي رزقهم بقطاع حكومي ومرتاحين فدائما محبطيني جتني وظيفه خاص قامو يصارخون فكيك من الهم وانا سبحان الله قطاع خاص ماحبيته وخصوصا هالشركات اللي جايبتها طاقات اقلكم وش رايكم في هالشركة ودي اسمع ارائكم اااااااااااااااااخ تكفون ردو علي زهقت من كثر ماسمع من اهانات القطاع الخاص الزفت)

خمس مشاهدات ولااحد رد

وين الناس وين المساعده للهدرجة المسأله صعب حلها
اتوقع ان هالشركة مو معترف فيها
ردوووووووووووو علي يااهل الخير

الا الحين على راس العمل ولا سويتي استقالة لو انا مكانك اقدم على حافز ازين لي ...

غاليتي اذا تبين نصيحتي ماعليك من كلام الناس مهما قالو انتي جربي بنفسك وقرري

وصدقني الخبرة مهمه وحطي ببالك ان الوظيفة بتكون موقته لاحد ماتلاقي احسن منها

لكن نصيحة من اخت تحبك في الله لا تضلين كذا جالسة وتنتظرين تجيب وظيفة زينه

شوي وشوي لين توصلين لمبتغاك

هذا كلام من تجربة

والله يوفقك

كون الله في عووووووونك

انا كلموني اليوم وسويت بحث ابي اعرف مكانها وتفاجأت بموضوعك !!
المشكله يبون اروح بكره للمقابله وانا ماحب الرجال يسوون لي مقابله بصراحه يجيني خوووف
حيرتيني!!

قارني ساعات العمل بالراتب

قارني راحتك بساعات العمل

قارني راحتك بالراتب


اذا يستاهل استمري واذا م يستاهل اسحبي بكرامتك