08-10-2012, 01:43 AM
|
عضو نشيط
|
|
تاريخ التسجيل: Aug 2012
المشاركات: 114
معدل تقييم المستوى: 26
|
|
اقتباس:
المشاركة الأصلية كتبت بواسطة سامر الصبحي
ياعبوووووووود وينك نبي معلومات عن المقابله الشخصيه الله يرحم والديك ...... وهل دخلت المقابله الشخصيه على موعدك ولا اخروك شوي ؟؟
|
اسف اخوي سامر تأخرت عليكم كنت مواصل ونمت ماصحيت الا قبل شوي هههههه
بالنسبه للمقابله الشخصيه كان موعدي الساعه 8 الصبح بس اكيد لازم في تاخير
المهم سويت المقابله الساعه 12 
اول ما دخلت عليهم مبتسم وسلمت وقعدت طبعا كانوا 3 اشخاص اهم شي ي شباب
لحد يكون متوتر مثلي انا كنت بالبدايه متوتر شويه قعدوا يكلموني كلام عادي عشان يخف
التوتر بعدين بدينا الجد
اول سؤال ليه ما كملت او درست بالجامعه
ثاني سؤال كلمنا عن نفسك
ثالث سؤال ايش هواياتك
رابع سؤال من وقت ماتصحى لين تنام ايش تسوي يعني كيف تقضي يومك
خامس سؤال كيف حياتك الاجتماعيه بالنت في الفيس بوك او شي زي كذا<<مني متذكر السؤال بالضبط
سادس سؤال عندك سيارة
سابع سؤال ابوك ايش يشتغل ووين
ثامن سؤال الوالده ايش جنسيتها سعوديه او لا
تاسع سؤال ايش سويت بعد ماخلصت ثانويه لين الحين
بالنسبه للسؤال ذا خلاهم يسألوا اسئله زياده كمان لاني جاوبت وقلتلهم اشتغل مع ابويه في المحل حقه والحين اقلكم الاسئله
عاشر سؤال من متى لين متى تشتغل ومتى اجازتك وكم تستلم
السؤال الاحدى عشر اغلب الزباين حريم ولا رجال <<< قلتله حريم قلي عشان كذا شايفك مضبط
نفسك وحاط جل بشعرك عشان الحريم صح قلتله لا انا بحكم اني بائع في محل لازم يكون شكلي
مرتب ومهتم فيه عشان اجذب الزباين مو عشان الحريم 
السؤال الاثنى عشر لمن تقضي الوقت مع اصحابك وين تروحوا ووين تجوا وعن ايش تتكلموا
السؤال الثالث عشر اصحابك هل هم اصحاب دراسه او ايش
السؤال الرابع عشر ليه قدمت ع الوظيفه ذي او ليش تبغا تشتغل في الخطوط
وسلامتكم......
عندي استفسار بسيط لمن سالني ع السيارة قلتله لا ماعندي هل تكون السيارة سبب او عائق في قبولي ي شباب اتمنى احد يجاوبني ويريحني  
ملاحظه مهمه: يا شباب وقت المقابله لازم يكون معاكم صورة من الشهاده والهويه وصورة شخصيه
تراها مرة مهمه رجعوا متقدمين كثير عشانها اجبروهم يروحوا يصوروا ويرجعوا وكمان وقت المقابله لحد يكون متوتر ويكون واثق من نفسه ومبتسم وترا واحد منهم بيطالع فيك بنظرات استفزازيه انت خليك عادي وطالع في بابتسامه بسيطه
بالنسبه للنتايج راح تجي قبل اجازة الحج وراح يكون الكشف الطبي بعد الحج والمقبولين راح يبدا دوامهم في بدايه السنه الجديده
وبالتوفيق لي ولكم .....
التعديل الأخير تم بواسطة عببوووووووووووود ; 08-10-2012 الساعة 01:48 AM
|
انا اهنيك شخصيا الله يكتبلنا هالوظيفه انشاءالله
العرض العادي
