انا مع الأخ اللي نصحك بالبكالوريوس



انا اشتغل بمعهد خاص ونصيحة مني أي شهادة يمر عليها خمس سنوات بعد التخرج تصبح لاغيه

هذا النظام معمول به في الخدمة المدنية


يعني الدبلوم حده خمس سنوات وتنلغي الشهادة

الحكومة ماتبي الا بكالوريوس

أنا الحمد لله حاصله على بكالوريوس ،،

والدبلوم اللي بدخله مدته سنتين ،، وخيروني بين شبكات او برمجه .. أبغى اعرف ايش الوظائف اللي تندرج تحت كل منهم ؟؟ واي تخصص مطلوب في الوزارات الحكوميه بالأخص الصحه ؟؟؟

عزيزتي

انا خريج الكلية التقنية برمجيات معدل 4.26 عام 1428 وكل شي قدمت عليه والفرص قليله بالتخصص هذا ..

انصحك بالشبكات او الدعم الفني أفضل لان الوظائف فيها فرصه اكبر والمسميات كثيره مثل ( مشغل حاسب آلي و ودعم فني وصيانه .. الخ )

وتحصليها في الوظائف الحكوميه بكثره ..

دبلوم شبكات او دعم فني أفضل فرص وظيفيه ( لكن ) خريجي الاقسام هذي بكثره ..

اذكر قدمت على جامعة الملك سعود كمساعد مبرمج واذكر الاختبار اختبرنا مع اللي متقمدين على مشغل حاسب آلي فكانو اللي يتخبرون مشغل حاسب عددهم فوق 600 شخص على وظيفه وحده .

لكن اللي متقدمين على وظيفه مساعد مبرمج كان عددهم ما يتعدى الخمسين شخص برضوه على وظيفة وحده

بالتوفيق لك

مثل ماقالوا لك الشباب ابعد عن الدبلوم وادخل بكالوريوس
الفرص الوظيفية للدبلوم قليلة حيل ...انتبه

هذا الشرط معروف للي سبق وتقدمت في جدارة الاعوام السابقة


وجتى مانروح بعيد انا احمل مؤهل دبلوم وتقدمت لوظيفة حكومية طرحت في شهر 2 تابعة للجهة اللي صدقت ع مؤهلي وهي المؤسسة العامة للتدريب التقني والمهني وكان من ضمن شروطهم / ( ألا يكون مضى على دبلوم الحاسب الآلي اكثر من خمس سنوات إلا اذا كان مصحوب بخبره إدارية معتمده)



يعني اللي ماعندها خبرة تترحم ع شهادتها



المبلغ فالدبلوم كبير والوظائف اللي ينطلب عليها هالمؤهل رواتبها متدنية



هذا رايي الشخصي خصوصا للي متخرجة ثانوي مامعاها بكالوريوس يدعمها

والله اخوي تبي نصيحتي انا متخرج من نفس المعهد فرع منطقة مكة المكرمة بصراحه استفدت ولله الحمد لان طموحي بالشبكات والحمدلله فهمت حاجات كثيره ماانكر لكن بصراحه بيني وبينك

والله مانفعتني شهادتهم ولا بشيييييييييييييييييييييي نهائيآ كل ماقدم بشي احسهم يتحسسون من نفس المعهد لانه اهلى مع ان موجود ختم المؤسسة العامة عليه لكن مايعترفون فيه كوظائف الا اذا ربي رزقك بوضيفة وييسر امورك

لكن عن تجربتي ماخليت ولا مكان ماقدمت فيه بشهادتى هذه لدرجة توضفت بشركة منقصين براتبي الأساسي بخصوص دبلوم الاهلى لكن اخوياى دبلوم من التقنية وراتبهم غير راتبي فلذالك انصحك تكمل بكالريوس تعليم عنبعد افضل لك تدفع فيه 25 الف لمدة 4 سنوات ويكون معك بكاااااااااااااالريووووووس معتممممممممممممد

هذه نصيحتي شوف شهادتى معى محنطه والان بكمل جامعة تعليم عن بعد

والأرزاق فوق كل شي بيد الله

موفق

جزاكم الله خير اخواني واعذروني عن تاخر الرد لاني كنت مشغول .. اخواني الي اقترحو علي اخذ بكالريوس انا ماعندي استطاعه اكمل بكالريوس لاني اكبر اخواني وماقدر ابتعد عن اهلي وبعدين ماعندنا جامعه في المحافظه الي انا فيها .. ولاكني بستخير الله وباخذ الشهاده واذا الله ميسر لي وظيفه باخذها