السلام عليكم ورحمة الله وبركاته

انا معلمه واريد ان استثمر راتبي وانميه , ولقد بحثت في النت عن مواضيع عن الأدخار ووجدت هذا


(يتفق العميل مع البنك على أن يكون مبلغ الادخار مثلا 500 ريال شهريا .
أكثر أو اقل .. حسب قدرة العميل ..
لمدة 10 سنوات " أكثر أو أقل حسب رغبة العميل " ..
هنا البنك سيعطي نسبة معينة .. كإستثمار ..
(((( يعني العملية عكسية للقروض .. كأن يقوم العميل بإقراض البنك ..))

ويستطيع العميل تحديد مدة الإدخار من 5 سنوات الى 20 سنة .. أو اكثر .
ويكون هناك إتفاقية .. متذبذبه على النسبة .. )

أريد ان اعرف ماهو هذا النظام ؟ وهل يوجد في بنك الراجحي ؟ لان حسابي في الراجحي .

أرجو افادتي

ضعي ال ٥٠٠ ريال الشهرية في سهم وليكن بنك الإنماء مثلا ستجدين بعد ١٠ أعوام قيمة سوقية للسهم أرتفعت أرباح وزعت لك منح أسهم أعطيت لك
من يملك الاسمنتات ب١٠ ريال الان يستلم أرباح تقارب ال٩٠./.
وايضا مصرف الراجحي أرباح وتفريخ للسهم أي منح أسهم للملاك
بالتوفيق

اختي انا كنت موظف قبل سنه في شركه مختصه بالأدخار الشركات اللي تشتغل الشغله هذي كلها نصب بنصب لو تجلسين تدخرين 10 سنوات عندهم بتطلعين خسرانه اقل شي 30% من راس المال بحجة رسوم اداريه وخرابيط كثيره .

العمليه كا التالي

مثلا تدخرين مبلغ 500 ريال شهريا
المبلغ هذا يستثمرونه ويدخرونه
وراح يكون فيه مبلغ حمايه
ما هوا مبلغ الحمايه ؟.
اي عميل يشترك بالبرامج هذي اذا حصله لسمح الله حالة عجز كلي عن العمل او حالة وفاة راح ياخذ مبلغ حمايه مبرم في العقد مثلا اذا سوا حادث وصار عاجز عن العمل راح ياخذ مبلغ الحمايه واذا توفى راح ياخذون المبلغ الورثه الشرعيون
مبلغ الحمايه هذا راح تكون عليه رسوم مسحوبه من مبلغ الأدخار الشهري مثلا
500 ريال راح ياخذون منها ما يقل عن 50 ريال رسوم مبلغ الحمايه شهريا وممكن اكثر على حسب مبلغ الحمايه
ثانيا
راح تكون فيه رسوم اداريه مثلا
500 ريال شهريا خلال سنه بيكون المبلغ 6000 ريال
بعد ما يسحبون رسوم مبلغ الحمايه و الرسوم الأداريه راح يتبقى من المبلغ تقريبا 3800 ريال مع الأستثمار راح يكون الربح 2%

فا انا انصحك يا اختي قبل ما توقعين عقد مع اي بنك وتدفعين الدفعه الأولى
انا انصحك انك تاخذين صوره من عقودهم او عرض مقدم منهم وتعرضينه علينا هنا او ترسلينه لي عشان اعطيك دراسه كامله عن العقد واعلمك اللي لك واللي عليك

انا كنت موظف في شركه نسوق برامج الأدخار وهيا برامج البنك السعودي الفرنسي
والبنوك برامجهم كلها قريبه من بعضها ..

بالتوفيق


تحياتي

نصصصصيحة فكي نفسسك من البنوك وشغل البنوك

لان مافيها خير .. وي ما ناس جربوا وجربوا ..

اذا تبين العلم .. خذي لك بيت بأسمك نفس طريقة اكثر الناس حالياً

دفعة اولى مثلا 300 ألف والباقي اقساط شهرية مثلا 4000 ألآف
طبعا الطريقة انك تروحين للبنك وتقولين ابي اشتري البيت هذا
وهم يشترونه لك ويحطونه بأسم البنك .. ويصير تتعاملين مع البنك
تعطينهم دفعة اولى ثم الباقي اقساط
ابرك لك واريح لك ..

لو خذيتي لك بيت دور ارضي و شقتين فوق وملحق بالسطح
واجرتيها كلها
أقل شيء يجيك سنوي 80 ألف طبعا اقل شيء



لك وللزمن ولعيالك ..

بتووفيق انشالله

رأيي اختي انك تبتعدي عنها لانها بجميع الحالات خسرانه اصلا العقود اللي هم يكتبونها لو تدققون فيها شوي راح تعرفون ان فلوسكم كلها بتروح رسوم أداريه ومبالغ حمايه...... أألخ وبالاخير خساره انا كنت شغال فيها سنتين وعارفها صح واعرف ان ما وراها الا الخساره

تحياتي

نفس وضعك بالضبط واحتاج لاحد يدلنا على طريق نستفيد منه

ريان الشمري الله يهديك قفلتها بوجيهنا عطنا حل دامك عارف البير وغطاه ههههههههه

انا بعض الاخوان نصحوني بالاسهم وخاصه اسهم الانماء

والحين قاعده افكر قبل اخطي خطوة اندم عليها