الله يسعدك يارب

[align=right]

تذكرون الحامل اللي جاها الطلق وبغت تولد في الشهر الثامن

ربي يسر امري وباشرت قبل مااولد والله كنت خايفه بس الحمد الله باشرت اول يوم وعلى عطيتهم الاجازة مرضيه وان شاء الله يسر امري واولد بالسلامه علشان اجازة الوضع والله المدرسه الى حاطوني فيها كثير بعيد يارب يسر لي وانقل منها على السنه الجايه

طبعا الإشاعات ما إنتهت بعد المباشرة، وظهر خبر في موقع إلكتروني أخباره غير موثوقه، إن اللي تسكن بدون محرم بيفصلونها<<يدورون يطقون على الأبواب

الرياض (صدى) :أبلغت وزارة التربية والتعليم المعلمات المعينات أخيرا أنها ستضطر إلى إلغاء قرار التعيين واعتباره عدم نجاح في سنة التجربة في حالة ثبوت إقامة المعلمة في المنطقة التي عينت بها بدون محرم شرعي.
وتضمن القرار أيضا «متى ثبت عدم الإقامة في مقر الوظيفة أو عدم المباشرة خلال المدة النظامية والتي حددت بـ 15 يوما سيتم إلغاء التعيين».

البنات صدقوا الخبر

وعلى فكره يابنات بخصوص هذا الخبر اللي ساكنه دون محرم كتمو على حالكم داخل المدرسه اي احد يسال ساكنه مع خالي مع عمي مع اخوي لاتجيبين طاري انكم مدرسات مع بعض ساكنات ترى المقرد واللي مايخافون الله واجد

عقب توتر شهور الترقب والخوف والارتباك من الإشاعات، البنات من الغلقة ما تحملوا اليوم الأول، بالأحرى الأسبوع الأول كان صعب على الجميع
حتى الأخطاء الاملائية رحمناهم فيها

- انا امس اشتأذنت من المديره ماقدرت اتحمل وربي طول امس ابكي ياربي متى بس اتأقلم ، اعطوني من اول الين سادس ابتدائي تحفيظ قرآن علوم وانا مااعرف شي بالمناهج المطوره تكفووون ساعدوني

- بنااااااااااااااااات نفسيتي زي الزفت كل مااتذكر هالمنطقه والسكن مع احد غير اهلي وربي احس اني بترك هالوظيفه ومن امس خواتي يهدوني بس مافي فائده

ومن الغلقة، خطاب التوجيه اللي قعدوا شهور ينتظرونه ما يدرون وين يودونه

-مرحبا ابي اسألكم الحين خطاب التوجيه الأصل وديته للشوؤن الموظفين وصورت نسختين اعطي وحده منها المديره بس والا اعطي نسخه لشوؤن المعلمات

-حنا بس ودينا الخطاب للشؤون الموظفين الاصل والصوره نسخه بالمدرسه ونسخه معنا عشان اثبات عندنا بس

- حنا بإدارتنا ماعطونا خطاب توجية على طول قالوا لنا روحوا للمدارس ... وخطاب التوجية يجي الكترونيا ؟ تتوقعين كل ادارة تختلف

ووصلت الغلقة ببعضهم للتنازل عن الوظيفة

ياخوفي يا بنات إنكم تنصدمون مثل ما إنصدمت المنطقة اللي إتعينت فيها ما أقدر أنقل منها لمدينتي إلا بنقل خااااااااااااااااااارجي يعني لازم أكمل ثلاث سنين عشان أقدر أنقل بينهم حول 360كيلو مع إنهم كلهم تابعين لنفس الإدارة وأنا ما إخترتها هم أجبروني عليها ولا نبهونا على هالشي ولا جابو سيرة عرفت بالصدفة وأنا اقرى في منتداهم لكن الحمد لله إني ما باشرت إلى الآن ولا كان متوهقه معهم خلاااااااااااااااااااااااااااا اص ماعاد ابي هالوظيفة حلال عليهم جابتلي الجنان

طبعا البنات قاموا ينصحونها

- من جدك انتي هذي وظيفه مو لعب لاتفرطين فيها جاك نقل ولا ماجاك لاتفرطين انتبهي والنقل الداخلي يعني تنقلين من داخل المنطقه اللي قدمتي عليها هي ومحافظتها يعني مثلا انتي من الرياض تابع لها شقرا المزاحميه تنقلين من الرياض لشقرا زي كذا هذا ندخل فيه اكيد مليون ان شاء الله انا سائله اخوي وهو مدرس واكدلي هالشي لكن النقل الخارجي اللي هو زي مثلا انك تنقلين من الرياض لجده هذا لا ماندخل فيه > ماعندي معلومه مؤكده عن الخارجي لكن التعهد دام موقع عليه يسري

- انتبهي تتركين الوظيفه شوفي انا المنطقه بعيده عن اهلي اتخيلي 450 كيلو وليوومك وربي اني جالسه ابكي كل مااتذكر اني بروووح بكره وبعيش مع بنات غريبات عني ولا اصلا شفتهم بكره بشوفهم بالليل وربي خايفه وربي مو مستوعبه اروح عن امي وخواتي وقسم بالله العظيم بس عاد نتحمل وش بنسوي وان شاء الله تتسهل امورنا وشكلي ماراح اعطي الاسبوع الجاي لأني مافهمت ولا شي بالمناهج المطوره حقتهم انا كنت ادرس ثانوي من قبل بمنطقتي على الطريقه القديمه والحين متوهقه بالابتدائي الله ييسر الامور ان شاء الله

البنات نسوا هموهم مع الدخول في دوامة العمل وظهور هموم جديدة، تأخر المناهج، تغيرها على الخريجات القدامى، تشييلهم اللي مو لهم
يعني بعد كل هالمرمطة، صارت مرمطة ثانية، بعاملونهم كشغالات مو معلمات، كلش يقطونه عليهم

- يابنات انا داومت من يوم الاثنين وبدأت ادرس يوم الثلاثاء ومسكت منهج اول ثانوي رياضيات مطور مره صعبه والبنات ياقلبي عليهم مره عليهم ضغط من كثرة المواد وتطور المواد ونفسيتي من الماده زي الزفت كلها براهين حتى انا اضيع كيف الطالباتوعليها متأخرين في المنهج حق اسبوعين يعني الوزاره تغلط واحنا نتحمل الغلط الله يعننا

- بنات دخلت المدرسه لقيت المنهج واقف ...تخيلوا شهر ونص ومنهج الرياضيات واقف ..حرام عليهم منهج مطور ما نستغني ولا عن *** , فما بالك عن حصص شهر ونص ...صراحه مادري وش اسوي ..المنهج طويييل مره ولا يكفي ..وبعد متوسط ..وحصص اضافيه ماقدر اخذ .. لانه منهج واحد ل 3 فصول , يعني اذا اخذت اضافي بيكون 6 حصص بيوم واحد ,,صعب جدا + وضعي الصحي ما يسمح عادي أحذف من المنهج ؟؟؟

- والله احنا لحد الان ما استقرينا على جدول انا تخصصي علوم ورياضيات ومسكوني دين وكل مره يمسكوني فصل غير مرررره لخبطه والحين مسكوني علوم من اول الى سادس وشايله هم اول وثاني مررره مفهين ما يدرون وين ربي حاطهم المشكله اول اجلس نص ال*** وانا اسكت فيهم الله يعين بس وكمان تقول المديره بتمسكين حصتين دين علشان حصص العلوم 8 مره قليله والله اول مره اسمع فيها والمشكله المدرسه الي تعطي المتوسط علوم بس عندها 6 حصص ولا مسكتها مواد ثانيه والله بغيت اتكلم قلت اخاف يصير حزازيات بينا وانا ما ابغى هذا الشئ

- بناااات اليوم رحت باشرت بمدرستي، ومسكوني انقلش رابع وسادس و3 حصص ديين سادس وتربية اسرية وفنية اولى نصابي 11في المدرس الاساسية والندب حصتين كييييف حلو كانت بتمسكني رياضيات اول ورفضت واخترت الفنية، وبعضهم قالوا لي فنية صعب مطووور وبعضهم قالي لا حلو وسهل ابي شوركم

عاد أنا خفت الحين لأني انجليزي ولا أفهم لا رياضيات ولا فنية ولا عربي، ياربي تستر.
وهذه خوفتني أكثر، مستعدين بملابس ماركات وعطورات وكشخة، وتاليتها زريبة

- ماني مرتاحه كأننا في زريبة غنم ناس ماتعرف الهدوء والانضباط ,, تخيلي سمعت اصوات بنات طالعه من الفصل وعلى بالي ان مدرستهم غايبة وأتفاجئ ان مدرستهم جالسة والبنات قالبين الفصل فوق تحت لااحترام ولا اخلاق ولا نظافه ,, الحمد لله اني ما ادرسهم والا كان تركت الوظيفة ومسكت الباب اقصد المتوسط ولا لنا مكان نجلس فيه ,, غرفة المعلمات مليانه عالاخر , نجلس مكان الي عندها حصة الين تخلص حصتها ونقوم مرررررة احراج والمقصف ما فيه غير موية ,, فقط لاغير والمدرسات الظاهر انهم يسوون ريجيم شاهي وقهوة سادة بدون شئ ,, اذا بيخربون الريجيم غمسوا شابورة في الشاهي اه ياقلبي من الهم والغم ,, المديرة الى الان ما مسكتنا غير الاحتياط كارفينا فيه كرف توجيهي ثانوي وامسك احتياط عند الابتدائي ,, وتقول يمكن انتدبكم مدارس محتاجتكم انا ماني بحاجة ,, يارب يجيني انتداب وماتطلعنا الا الساعه وحده الا ربع وعلى مانوصل البيت تكون اثنين وشوي

النصب والكذب ما يتركونه بعضهم الله يهديهم، هذه يمكن معلمة من فئة (السوبرمان) اللي يبيها الوزير، يومين بس وسوت ملف انجاز الطالبة وأبهرت الحضور

المشرفة حضرت لي وانا توني ملي مباشرة الا يومين عند رابع انجليزي واعجبتها الحصـــة مرة مع اني مو شارحة درس الي قبلي الله يهديها مو مكمله قسم النشاط فجلست اكمل فيه وهي حضرت لي فيه وقلت لها تمنيتك تحضريلي درس بس قالت لا مررررة اعجبتيني بس بجد مرة طيوووبة وتقل ما شا الله ما كانك توك باشرتي حسستني اني معلمة لي خبراعجبها دفتري التحضير واعمالي من سبورات لطالباتي واوراق العمل وخذت ملف انجاز الطالبة واعجبها واخذته تعرضه للملعمات اوقات الاجتماع والدورات وتعرف قريييبة لي تقوووول جالسة تمدح فيك وبمستواك وبادائك بالحصة وتقووول كان مستوى الحصة ممتــــــاز

وحدة ما همها من هذا كله، تسألهم

- بنات متى تتوقعوا ينزل اول راتب ؟؟؟ناس يقولوا بعد شهرين او ثلاثه مع بدل التعيين كلها دفعه وحده...وناس يقولوا ينزلك راتب عادي بعد المباشره بعشرين يوم وبدل التعيين يتأخر...ياليت اللي عندها علم تفيدنا...

-الراتب ينزل بعد شهر من المباشرة يعني الشهر الي باشرتي فيه لا الي بعده

الغريبة إن البنات مع إنهم صاروا موظفات وفي مدرسة عندهم إدارة يستفسرون منها وزميلات معلمات من زمان، إلا إنهم تعودوا يسألون في المنتدى من ناس ما يعرفونهم، يمكن حياء!!!

-بنات يحق لنا ناخذ اضطراراي ولا لا ؟

-ايوة عندنا اضطراري خمس ايام لو مااخدذتيها قبل محرم بتروح عليك لأنها تنتهي بنهاية السنه الميلاديه وبعد محرم تنزل لنا كمان خمسه ايام بداية السنه هدا كلام المديره لي يابنات خدوها لاتروح عليكم

- بنات ودي اخذ اضطراري قبل يروح علي بس مستحيه


ومسلسل الأوراق والخطابات والإجراءات ما إنتهى

- بنااات بسألكم وشو تعهد التعيين ارسلوا لي اليوم شئئون المعلمات وانا بالمدرسة وقالوا بالر سالة الرجاء الحضور لتوقيع تعهد التعيين وش قصته ذا ماخلصنا ؟اظاهر بنخلص المناهج وحنا ماخلصنا اجراءات ذا التعيين

- بتجيني جلطه اليوم ارسلو شوؤن المعلمات نروح لهم ورحت قالو وقعي على تعهد عدم النقل لمده 3 سنوات؟ طيب انا وقعت عليه قبل !!!!سشالفه اخاف انهم لاعبين علينا وخلونا نوقع وهو انلغى اساسا زي ماسمعت الله يخليكم خبروني وش اسوي مررة ضايقه فيني

- الخطاب هذا اللي هو ماخذت بدل تعييين اعطتني اياة المديرة وقالت ودية البنك والبنك قالي مالي علاقة فية قمت رجعته لشؤون المعلمات في الدمام وقالولي خلية معك ؟؟انتم مثلي كذا

-لا حنا وديناه شؤون الموظفين

- خوذي اوراقك وارفعيها اذا وقعتها الخطاب صورة الوثيقه وكرت العائله وملف علاق ورقم الايبان هذولي لازم ترفعينهن مع بعض خلي اوراقك مره وحده واستعجلي برفعهن عشان الراتب

تألمت كثير لوحدة ما قدرت تتأقلم حتى في سكن المعلمات، وتألمت أكثر من اللي ردت عليها

-انا دوبني جايه من منطقتي الله يعين اسكتو وربي من يوم الجمعه الين اليوم بالطريق كله بكاااااااااااااااااااااااااااا اااء مافي امل شكلي اتأقلم من جد كل شي غريب علي سواء بالسكن مع المعلمات او المدرسه ماقدرت اتأقلم والله العظيم طول الاسبوع اللي راح وانا بغرفتي مااطلع لهم هم يعرفون بعض وانا الوحيده بيناتهم قسم بالله ضيقة صدر ولا فيه لا نت ولا شي وش اسوي يابنات نفسيتي دمااااااار وربي

- لاتبكين ولا اشكيلك انا اروح كل يوم ابكي وابكي لين احس خدي تفطر من الدموع مااعرف احد والمعلمات الي في مدرستي غثيثات والطالبات ماكانهم في قريه قليلات ادب شويه ويضربوني بس الله يعين

بس بعدين اللي تبكي تحسن وضعها، تجاوزت صدمة الأسبوع الأول وبدأت تتأقلم

انا الحمد لله كأنني بديت اخذ على اجواء المنطقه مع اني مااروح ولا اجي ماغير بسكن المعلمات بس جالسه اونس حالي الين ماربي يفرجها واتأقلم يييييييييارب

والله يفرجها علينا جميع ونتجاوز صدمة الأسبوع الأول
تمت القصة الله يتمم لنا على خير[/align]

تابعي يا قمر فعلا مشوق و الله اني قرات الموضوع اكثر من مره الله يوفقك

احنا شكلو بنداوم على دفعات اخر دفعه السنه الجايه في مثل هذا اليوم
ههههههههههههههههههههههههههههه

فتاة الشرقية

الكاتبة القصصية الواقعية

ماهذا يافتاة..أدهشتني بحق << مسكت خط

سردك رائع.. لواقع مؤلم

والله يستر..وبصراحة من الاساس انا خايفة من سالفة اكمال النصاب

يعني اتخيل مرات نفسي ادرس علوم والا رياضيات والا لغتي والا اي مادة ثانية

ياناس انا زين استوعب اني بدرس سادس انجليزي...فكيف امسك مواد ثانية

وخايفة من سالفة الانتداب لو حذفوني بقرية بعيدة

لكن توكلت على الله الذي لا إله إلا هو...فوضت أمري إليه..هو حسبي ونعم الوكيل

نرجع لموضوعنا...ماقصرتي ياعسل ربي يسعدك

استمتعت بالقراءة...تركت التعليق واكتفيت بالمتابعة

والله يجيرنا ... حنا مابتطلع علينا قصة

حنا بيصير بحالتنا روايااااااااااااات

بس مين الروائية..؟؟؟

الله أعلم ^ـ^

كلماتي أقل من روعة اسلوبك


أما التعميم..تو أعرف به

حلو عطيتينا خبر حتى مانتوهق

ومثل ماقلتي كل شيء بالمعروف...بدون جدال وكذا

الله ييسر لنا ولكم الخير وين ماكان

شكراً لك

مسلسل رائع بالأسلوب والطرح
لكنه مأساويا

الله يعين