تجربتي في المشاريع واستشارتكم في مشروع جديد

ريان الشمري · #1 (**permalink**) 03-08-2012, 11:44 PM

السلام عليكم ورحمة الله وبركاته

كيكم اعضاء منتديات البطاله

بدخل معاكم بدون مقدمات

انا جربت ثلاث مشاريع والحمدلله على كل شي خسرت مره واحده فقط في الثلاث مشاريع
المشروع الأول
مشروع محل ملابس رجاليه وتقريبا اكثر الناس اخسرو فيه اللي هو مشروع ( المان ديفان ) ما اتوقع احد ربح من وراه ( وطلعت منه خسران )

المشروع الثاني
استأجرت مقهى أنترنت جاهز من كل شي
وأول سنه كان يجني ارباح خياليه بعدين انتشر الأنترنت في البيوت وبدا يقل الدخل تدريجيا بعدها سكرت المقهى ( بس طلعت منه بأرباح ولله الحمد

المشروع الثالث

كان فيه مشروع لشركة الراجحي للمقاولات مشروع بناء واخذت منهم تقريبا اكثر من 2000 متر بناء + لياسه + بويه وجبت عمال بناء ولياسه وبويه واشتغلت 2000 متر المتفق عليها
( والحمدلله طلعت بأرباح كبيره جدا ) ولاكن ما كملت في هذا المشروع لأسباب احتفظ بها لنفسي

^^
هذا تقريبا نبذه عن المشاريع اللي اشتغلتها على السريع

الحين حبايبي
انا جاء في راسي مشروع بس ما اعرف كيف ابدا ولاكن اعرف كيف استمر فيها بأذن الله .! العقبه هي البدايه

انا عندي خبره في التسويق وخبره عاليه جدا والحمدلله

المشروع تقريبا انا ابغى اكون قروب من بنات ورجال ونبغى نسوق للشركات
مثلا شركه عندها منتج حنا ناخذ المنتج هذا ونسوقه لهم ولاكن !!
كيف نبدا ..

مثلا انا كونت قروب تسويق من بنات ورجال وصار عندنا مكتب وضبطنا وضعنا من كل شي
كيف نتعامل مع الشركات عشان نسوق برامجهم ...............

المطلوب منكم حبايبي
1- اللي عنده طريقه ناخذ فيها منتجات من الشركات ونسوقها يفيدنا ويعطيه الف عافيه
2- اللي يبغى يشاركني يراسلني خاص او يبغى يحجز كرسي في القروب اللي بكونه ان شاءلله.
3- تدخل وتدعلينا بالتوفيق والنجاح

واعذروني على الأطاله

تحياتي لكم

هيبة اسد · #2 (**permalink**) 04-08-2012, 12:31 AM

اول شي اتمنى لك التوفيق ويجي من الاعضاء من يفيدك على تساؤولاتك لكن عندي استفسار لو سمحت الحين ابغى اعرف اناعندي مؤسسةمقاولات جديده وصغيره كل العمال 5 بس مو بعارف كيف اطيح على مشاريع حكوميه او اني اسوي مثلك واتعاقد بشغله معينه ممكن تفيدني ماذا افعل ؟؟

حرام تظلموني · #3 (**permalink**) 04-08-2012, 12:38 AM

والله فكره حلوه لكن اشوف من وجهه نظري تاجر لك محطه ارباحها حلوه صحيح في البدايه اتكون مصاريف للعمال

لكن لا تجيب كثير على الاقل 10 عمال يكفون 2 جوه المحطه و4 حق البانزين و2 حق الغسيل و2 حق الكفر والمواد

اللي معاه اشوفها مناسبه ومربحه بنفس الوقت خيوووو
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,
طريقتك حلوه صراحه لكن يبي لها عروض بالشركات من ناحيه الاسعار والترويج السماسر واهم من كذا

تكثيف الجهد واعتقد اغلب الشركات تفقد لشي هذا

ريان الشمري · #4 (**permalink**) 04-08-2012, 01:14 AM

اقتباس:

المشاركة الأصلية كتبت بواسطة هيبة اسد

اول شي اتمنى لك التوفيق ويجي من الاعضاء من يفيدك على تساؤولاتك لكن عندي استفسار لو سمحت الحين ابغى اعرف اناعندي مؤسسةمقاولات جديده وصغيره كل العمال 5 بس مو بعارف كيف اطيح على مشاريع حكوميه او اني اسوي مثلك واتعاقد بشغله معينه ممكن تفيدني ماذا افعل ؟؟

منووور اخوي هيبة اسد
اذا عندك مؤسسه وعمالك جاهزين اتجه للمشاريع الكبيره ..مثلا .الجامعات اللتي تحت الأنشاء الحين واسئل عن الشركه المستلمه المشروع وراح تحصل لهم مكتب عند المشروع واعرض عليهم
انا كانت كذا طريقتي

ريان الشمري · #5 (**permalink**) 04-08-2012, 01:24 AM

اقتباس:

المشاركة الأصلية كتبت بواسطة حرام تظلموني

والله فكره حلوه لكن اشوف من وجهه نظري تاجر لك محطه ارباحها حلوه صحيح في البدايه اتكون مصاريف للعمال

لكن لا تجيب كثير على الاقل 10 عمال يكفون 2 جوه المحطه و4 حق البانزين و2 حق الغسيل و2 حق الكفر والمواد

اللي معاه اشوفها مناسبه ومربحه بنفس الوقت خيوووو
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,
طريقتك حلوه صراحه لكن يبي لها عروض بالشركات من ناحيه الاسعار والترويج السماسر واهم من كذا

تكثيف الجهد واعتقد اغلب الشركات تفقد لشي هذا

منوور اخوي ويعطيك العافيه على الأفاده