بسم الله الرحمن الرحيم
لا أدري من اين ابدأ , من بعد وفاة الوالد يرحمه الله وانا في هم وضيق لا يعلم به الا الله
طال عمركم .... والدي توفى قبل شهر في حادث مروري , وخلف وراءه موؤسسه بها اكثر من 50 عامل ومحال تجاريه وعقارات تقدر قيمتها بـ ( مبلغ وقدره ) وعدد اولاد (20 فرد ) قولو ماشاء الله .
مشكلتي العويصه من فين ابدأ في تصحيح اوضاع الاسره و اوضاع المؤوسسه ( العمال ورخص المحال وووو )
وهل المؤوسسه يجب ان تغير من اسم والدي الى اس من يوكل عنه , وهل يجب ان تكون الوكاله خاصه ام عامه , وهل استطيع ان اسجل المووسسه باسمي خصوصا وانا متخرج من الجامعه واحتمال اتوظف وظيفه حكوميه ام اتركها لاخي الاخر ( موظف قطاع خاص )
وايضا احد الاخوان ماقصر معاي واشار لي بتحويل المؤوسسه الى شركة( ابناء فلان بن فلان واولاده ) ...... كيف استطيع ذلك وهل هي مكلفه ؟
ياليت يا اخوان تشيرون علي .......... لأنني خلاص تعبت وانهد حيلي من كثر التفكير

بسم الله الرحمن ارحيم

السلام عليكم ورحمة الله وبركاته


أخي الفاضل

ما شاء الله تبارك الله ... أهم شيء تراقب الله في إخوانك لإنهم أيتام

بالنسبة لأمور الإرث ... والأموال بإمكانك توكيل محامي يقوم بجميع الإجراءات اللازمة وبشكل قانوني ومرضي

وبالنسبة لأسم الشركة ما أشار إلية صديقك جميل وهي ... شركة أبناء فلان ...


وبالنسبة للوظيفة الله يوفقك... لا تتركها فهي شيء ثابت لك بما أنه قطاع حكومي

وبالتوفيق إن شاء الله

الله يرحمه ويرحم اموات المسلمين

الله يرحم ابوك ويرحم اموات المسلمين

بختصار..

هذي وانا اخوك مسئولية مو سهله والله يكون بعونك


وانا اشوف الي يفيدك بهالخصوص ممكن يكون صديق والدك او احد اعمامك

او خالك لانهم يكونون في محل الوالد


والله يكون في عونك اولا واخيرااا

اخي الكريم , مثل هذا الموضوع لن يتم حله بكلام يكتب هنا , لأنها شغله طويله عريضه ولها نقاط مهمه وهي حسب الأولويه :
ــ يجب عمل حصر ورثه وتسجيله في صك لدى المحكمه .
ــ بعد كذا لازم الورثه يوكلون شخص ( مثلاُ انت ) ويكون في الوكالة فقرة ( أن يكون لك الحق في توكيل الغير .
ــ بعد كذا توكل انت من تجد فيه الثقه لترتيب امور المؤسسه من الناحيه الاداريه بأن يكون دوره ( الاشراف والمتابعة ) على سير العمل مع الموظفين والمحلات وغيره .
ــ ويجب ان تعمل حصر لأملاك ابيك والأصول الثابته والمنقوله منذ البداية عشان جميع الورثه يكون لديهم علم من البداية عن مقدار ورث الوالد كاملاً .
ــ بخصوص انك بتتوظف ( نصيحتي لك , خل الوظيفه وكمل شغل الوالد الله يرحمه ) ومن حقك ان تطلب مرتب شهري مقابل ادارتك للأملاك , يعني كأنك موظف في حلالك .

المعذره حاولة اكتب بإختصار ولكن فيه نقاط كثيره مهمه بس صعب سردها هنا , ونصيحتي اللجوء لمحامي ويرتب الوضع ويحول المؤسسه الى ( ش.ذ.م.م ) شركة ذات مسؤلية محدودة ويكون الشركاء فيها هم الورثه كلاً حسب نصابه الشرعي ..

والله يرحمه ويغمد روحه الجنه ..

اولا نسأل الله ان يتغمد فقيدكم بواسع رحمته وان يجبر مصابكم ثانيا الامرليس بالصعب رح المحكمة وسوصك حصر ورثه وتوكلون منكم الرجل الي تختارونه قد هذه المهمه وكيل شرعي والمحكمة بدورها بيحصون جميع ما ترك مورثكم ويتوزع على من بداخل الصك من ورثه والشركه يستلمها واحد منكم ثقه ويكون دخلها ايضا يوزع على ورثة الهالك وتطلبون من القاضي تخصيص مبلغ بموافقة الجميع طبعا وتبنون مسجد علي نية ابوكم لان ما بقي له بالدنيا شي والقاضي بيوجهك التوجيه الصحيح وتقبل مروري واحسن الله عزاك

الله يرحمه ويرحم اموات المسلمين