السلام عليكم ورحمة الله وبركاته
كيف حالكم الله سبحانه وتعالى أسعى ياعبدي وأنا أسعى معاك والي خالقني وخالقكم وكون هالعرش أني اكلك وانا صايم
قدمت بشركات وأغلب الي يعملولي المقابله أجانب أما لبناني أو فلسطيني وصارت عندي عنصريه تجاه هالجنسيات لأنهم فعلا حطموني وكسروا مجاديفي أول حاجه يحددولي الراتب 1800ريال وغير كذا انا لمن فكرت أتوظف حطيت ببالي أدرس انتساب واسدد من الراتب بس حطموني أنه ظروف العمل عندهم ماتسمح أني ادرس انتساب واتوظف بنفس الوقت وأيام العمل من السبت الين الخميس من الساعه 7ونص الين الساعه 4ونص العصر وطبعا ماحسبلي الخميس أوفر تايم فقلت الله يغنيني عنها تعب وكرف بدون مقابل أنا حاط براسي أني اكون لي أسره بس هالحلم تلاشى وكل ماقدمت ع العسكريه انقبل مبدئي ويفرحوني ومن ثمن يطلع رقمي بالفرز الين صرت بمجرد ما أسمع طاري وظيفه والي يحفظلي أعز وأغلى ما أملك الي اهي أمي أني أتعب نفسيا وأكل أظافري وما أحب أجلس مع أحد خلاص أحس جتني فوبيا من العمل بسبب المرمطه الي ذقتها من الأجانب وببعض المرات للأسف تلاقي مسؤل سعودي من أبناء الوطن ينظرلك نظرة أستحقار وأنا ساكن بمحافظة أقرب مدينه لي تقريبا 80كيلو أو 70لاني ولافكرت أحسبها وغير كذا لا سياره ولا مصروف وظروف مايعلم فيها غير ربكم كل الي أبيه من الي يقراء موضوعي مابيه يشفق علي أبي الدعاء بظهر الغيب وقسم بالي رفع السموات والأرض أبي اعرض حاجتين بمقابل بسبب الوضع والظروف الدم الي يعرف أحد محتاج بمقابل أنا مستعد علما أني أخذ حافز بس أسدد ديون الغاليه أمي الله يطول بعمرها وصيتها ديونها لأن المرء يغفرله كل شئ الا الدين وأنا مانزلت موضوعي عشان ابي احد يسدد الديون الحمدلله حافز نسدد منه ونصرف على البيت بس حافز ماراح يدوم حتى لو لقيت عمل بمنطقه بعيده ماعندي فلوس السكن وفلوس المواصلات حلمي أصير أب قبل أموت وحتى لو توظفت مين هالغبيه الي بترضى بواحد مثلي لابيت ولاسياره ولاراتب مثل الناس انا أسف من الكل لأن أحس الموضوع تلخبط فوق تحت ومو مرتب لاني مستعجل كتبت الموضوع دعواتكم

انت اذا بجدة او حولها فية مدينة الملك طالبة حراس امن اتصل وشوف
والله يكون بعونك

الله يوفقك ويرزقك من حيث لاتحتسب وجميع المسلمين ..
تفائل بالخير وبما انك تبر باالوالده الله يطول بعمرها ويخليها لك فان شاء الله بتنفرج باذن الله

الله يجزاكم كل خير أخواني وأنا مثل ماقلتلكم ماطرحت القضيه لأجل ابي فلوس طرحت القضيه لأني حسيت أني بطق وأنا كاتم بقلبي والله العظيم أني حاولت أساعد ناس ماودي أشوف سعودي منهان بديرته بس طلعنا مهانين بديرتنا من الأجانب والحمدلله أنا للحين أحب أعين وأعاون اساعد المحتاج بالي تجود فيه النفس لأنه بيوم بحتاج احد الدنيا ماتدوم أنا قضيتي مع الوالد مو مع الفلوس صاير مثل الكشك المتنقل

ربي يرزقك من حيث لاتحتسب ويرزقك بالوظيفه اللي تفرح قلبك ويحفظلك والدتك

الله يرزقك ياااخوي بالوظيفه اللي ترتاااح فيهاااا

اخوي وصيتي لك ولي و لكل شخص يشوف كلامي
اعلم علم يقين ان اللي رزقك بحافز قادر يرزقك بالوظيفه.
عليك بصدقة السر لو بريال واحد لان الصدقة تطفي غضب الرب.
والدعاء بين الاذآن والاقامه.
وفي اخر الليل الدعاء مو شرط تقوم تجلس تدعي لو منسدح على السرير .
والالحاح بالدعاء واليقين بالاجابه هذا اهم شئ.
الدعاء في وقت الغفله والمقصود فيه: ذكر الله في غفلة الناس له من الاجور والمكانه الرفيعة,,,
فـشوف الاماكن والاحوال اللي الناس تغفل فيه عن الله وعن ذكر الله وعن عبادة الله مثلا في السوق الناس منشغله بالتسوق انت اجلس ادعي الله بينك وبين نفسك وكمان لمن تكون في مجلس الكل منشغل بالسوالف والضحك اجلس ادعي بينك وبين نفسك.
والمناجاة انا ساعات وانا جالسه على اللاب او قدام التلفزيون اجلس اناجي الله
ناجيه بكلامنا العامي الدين دين يسر
اكثر من الحمد لقوله(لئن شكرتم لأزيدنكم) والافضل على صيغة اللهم لك الحمد حمدا كثيرا طيبا مباركا فيه ملئ السموات وملئ الارض وملئ مابينهما وملئ مابعد من شئً بما شئت الى يوم الدين.

فيه معلومه مو الكل عارفها الله سبحانه وتعالى يحب الحامدين والشاكرين انت لو اكثرت الحمد والثناء عليه ومادعيت الله بحاجتك او نسيت ربي يسهلك امورك ويستجيبلك لانك ذكرته في وقت الرخاء وحمدته واثنتيت عليه.
هذي كها انا جربتها والحمدلله فيه اشياء تحققت صحيح اني الى الان ماتوظفت بس عندي امل كبير باان الله بيعوضني خير .



اسأل الله ان يرزقك ويرزقني ويرزق كل مسلم من حيث لانحتسب

الله يرزقك من واسع فضله هو القادر على كل شي سبحانه

مشكورين أخواني لكل من دعالي بس عندي نقطه مهمه لو تكرمتوا أبي أخصص مبلغ الي تجود فيه نفسي من حافز الي يعرفله يتيم ياريت يرسلي على الخاص ودعواتكم أنقبل بأمن المنشات

كثير منا كانت بدايتة براتب ضعيف ومع الوقت يزداد ..
امس لي زميل جلست معه راتب كان 2000 الان 15 الف ماشاء الله
الله عزوجل يرزق الي يتحرك وياخذ بالاسباب ويجتهد بعملة