السلام عليكم ورحمة الله وبركاته

كيف الحال ياشباب ان شاء الله كلش تمام...والشهر عليكم مبارك..

انا عندي كم استفسار واتمنى انكم تفيدوني ..
ولكم مني خالص الدعاء والشكر..

اسستفساري لكم ياطويلين العمر ..
ان في مخبز بحارتنا وهو الوحيد الموجود في الحاره ..والشغل فيه تعبان ..لعدم نظافته.. ولعدم تسويقه الجيد ..وبضاعته الغير لذيذه !!
ففكرت اني امسك المخبز واعيد ترميمه والبدء فيه من جديد ..
اسالتي هي ..
وش الطريقه المناسبه عشان اكلم راعي المحل واخليه يوافق انه يعطيني اياه واشتغل فيه ؟يعني استاجره بالكامل وهو يطلع منه خلاص

واقدر اخليه باسمي علما باني طالب في كلية الملك فيصل الجويه ؟

وذا فتحت المحل ان شاء الله وش اقدر ابيع غير الفطاير يعني اقدر ابيع مشروبات غازيه ومويه وابيع جميع انواع الخبز واقدر ابيع بعدين شاورما ولا موب مسموح ؟*

وعندي اساله كثيره عن المحل لكن مابي اثقل عليكم مره وحده وبمشي معكم حبه حبه..

انتظر اجاباتكم بفارغ الصبر ولكم مني خالص الود و الشكر ..

اسمع اول شي وفر عامل خباز ....
طلع فيزة سايق خاص وجيب معلم خباز ورح استاجر محل وظبطه

يعني اذا لقيت العامل ......... المحل باذن الله يشتغل

واترك عنك مخبز الرجال لانه اصلا راس ماله ان كثر 8 الااف ريال مالها داعي تاخذه من الرجال

قطع الأعناق ولأقطع الأرزاق

التجارة ثلاث ارباع الرزق

المخبز بسيط ولا يكلف حاول تجرب في موقع ممتاز

والأفضل في القرى النائية

المخبز لازم يكون صاحبه يشتغل فيه هو اللي يخبز وغير ذلك خسارة كبرى

السلام عليكم
اخواني انا لسى دوبي مفتتح مخبزي قبل رمضان بإسبوع
مع العلم اني بديت التجهيز في قبل 9 اشهر
تقريبا ثلاثة اشهر تأخير بسببي
والباقي النظام الحكومي السلحوفي
مكلفني قريب الستين الف كيف تقولون 8 الاف ومايكلف
العجانة لوحدها بخمسة الاف وفرادة الخبز بأربعة الاف
من غير بناء التنور او الفرن قريب الثمانية عشر الف
وغيرها الكثير والكثير
وان شاء الله سأعمل موضوع مستقل عنه
لكن بعد رمضان لاني مشغول جدا بمخبزي
ولازم اكون فيه من الافتتاح حتى الاغلاق
بخصوص الموضوع :
رأيي انك تستأجره بعقد ملزم لمدة خمس او عشر سنوات
ولو قدرت تشتريه منه اكيد افضل بس لازم تشوفلك احد تحطه
باسمه لانك طالب ولازم متسبب
وزي ماقالو طلع لك تأشيرة سواق مصري وجيبه خباز
طريقتي انا بعد اخذ التاشيرات
وبحكم كثرة البحث بالمشروع تعرفت على خباز مصري محترم جدا
وجابلي اثنين متخصصين بالحلويات والشوابير والمعجنات من جماعته
وطلعو ناس كفووو بس لمعلوماتك المصريين خبزهم غير يعني
اشرط عليه انه يعلمه لمن يجي هنا
وبعد ماتستاجره غير ديكوره
السيراميك غيره جدران وارضيه
الطاولات غيرها او لبسها استيل
ارفف العرض غيرها ان وجدت او اعمل جديده
اهتم بالاناره جيدا
اكيد بيكون المحل اسود بسبب الكيروسين (القاز)
اضرب سقفه بويه ومن الخارج
بالجملة جدد بالكامل مارح تكلفك هالعملية خمسة الاف
الخبز فايدة قليلة لكنه مطلوب
الفايدة في الفطاير والمعجنات والشوابير
اهتم بها بشده
فيه فرن يسمى فرن دوار (كهربائي) قيمته سبعين الف الايطالي
لو قدرت تجيبه ان ماكان موجود جبه
يستخدم لكل شي الا الخبز
(فطاير معجنات صامولي شوابير)
وولو قدرت تحوله من مخبز الى مركز تسويق يكون افضل
مركز التسويق المساحه المطلوبه 75 متر بالمخبز
اما المخبز لحاله 60 متر يعني اذا جنبه محل 3 * 5
ممتاز وحوله محل اجبان ومخللات او بقاله مصغره متوفر بها مودا غذائيه فقط
يكون وجودك فيه اول شهر بعدين مو لازم يكفي تجيهم مرتين باليوم
اما مسألة انك تحط شاورما ووو ماظن لاني حاولت انزل ثلاجة المراعي
ورفضت البلدية (طبعا بلديتنا متشدده مره مره)
ممكن عندكم غير مدري
وبخصوص الراتب ترا رواتبهم عاليه شوي
مايقل عن 1700 ريال
وغيره انا حاضر