السلام عليكم ورحمة الله وبركاته

مبارك عليكم الشهر الفضيل
يا اخوان اللي قدموا على وزارة المالية وما طلعت اسمائهم ، تدرون وش صار علىيكم في وزارة الخدمة المدنية

انا رحت استفسر في وزارة الخدمة المدنية فرع جده , قالي الوظف اسمك راح على وزارة الماليه قلت له كيف ؟

قال انت قدمت على وزارة الماليه ؟ قلت ايه ورحت اختبرت وسويت المقابله الشخصية بس ما طلع اسمي ، قالي والله هذا اللي طالع عندي في الجهاز اسمائكم سحبوها وزارة الماليه وما عاد لك توظيف عن طريق الخدمة المدنية

رحت الوزارة بالرياض بتاريخ 14/7/1433 ، وقابلت مدير شوون الموظفين قال صح حنا اخذنا اسماء وبقية الاسماء رجعناها للخدمة المدنية ، واعطاني رقم الصادر وقال ارسلنا خطاب بالاسماء اللي ما نجحوا بالمسابقة الوظيفية واللي من كان ضمنها اسمي

اخذت رقم الصادر ورحت للخدمة المدنية واعطيتهم رقم الصادر قالوا خلاص وصلت المعامله وانتظر مدير التوظيف يشوفها ويرجع الاسماء للخدمة المدنية

والحين لنا تقريبا شهرين ما صار شئ والمعامله لم تصدر الى الان ، واليوم رحت للخدمة المدنية فرع جده قال الموظف ما افيدك بشي المعامله في الوزارة بالرياض


الحين صرنا معلقين لا في الخدمة المدنية ولا في وزارة المالية

اتمنى من كل شخص قدم على المسابقه الوظيفية ولم ينجح الاستفسار عن اسمه في الخدمة المدنية ، وعلى ما اعتقد كانوا طالبين تخصص ( محاسبة / ادارة ماليه )


لازم نتحرك بسررررعه يمكن يكون في مفاضله قريبة قادمة وعلى حالنا هذا ما راح ندخل فيها والله ظلم