سلام عليكم بكرة موعدي 18 وشعري شوية كثير لازم احلق ولالا

يعني في ناس راحت وهيا مهي محلقة وانقبلو ؟ ولا قالوا لهم منتو محلقين برا ؟

ولا بس ينقصون كم سنتي تكفى يااخوان والله مرررة مابى احلق

لازم ولالا ؟

مافي احد

صراحةً استغرب سؤالك ..

يا ابني تراها عسكرية مو ثانوية ..

يعني ممكن ياخذون شعرك عذر ويقولون برا ، عشان يدخلون واحد بالواسطة ..

على فكره أثبت العلماء ان شعر الرأس يستطيع الخرروج مرة ثانية بعد الحلاقه .. وطوال عمر الانسان..

كما أثبت خبراء البطالة أن الوظيفة لا تأتي مرة اخرى إلا في حالات نادرة جداً ..

.

.

يعني احمد ربك وقرط على وظيفتك ترى غيرك يتمنى يدخلها لو يعيش عمره كله بدون شعر

لذالك ياعزيزي بطّل لكااعه وحلق ..

قود باي

هههههههههههههههههههههههههههههههههههههههههههههههههه

الله يجزاك خير يلا الله يعين ذحين رايح احلق

وشكراااااااا رفعت من معنويتي

هههههههههه ،

اسف رفعت ضغطك ..

بس انا مااابي الريجيل يلقون عليك درب بكره ..

لأن المتقدمين كثير ، وبيدورون عليكم الزله


.

.


موووفق ، وخبرنا بكره بالاخبار الحلوه الي زي شعرك الحلووو

والله شفت كم واحد دخلوهـ وهو مو محلق .
بس أنت حلق من باب الأحتيآط

الححمدلله حلقنا , الراس تقول كورة امريكيا ههههه


شكراااااااااااااااا لك ياكلاش انت وملامح عاطل

وترا بالعكس ياكلاش والله رفعت معنوياتي ورحت احلق ولا همي

كل شي تمام ان شاءالله بس خوفي من النسبة 76 علمي وبدون حاسب اخاف ماانقبل

لانه كثير يقولوا طالبين نسب ... الله ييسر الامور

مبروووك الحلاقه ،

وان شاء الله بكره تتوظف وتربي الشعر ودق له احلى الكريمات

وماااحد يهمك ،،

بالنسبه لموضوع النسبه .. لاتخاف ..

انا قدمت قبل سنتين والله مانشدوا عن نسبتي ..

اذكر قبل يومين هنا واحد من العيال يقول انهم طالبين 75

يعني ان شاء الله انك في منطقة الامان ..