للحين أحد يصدق هالقصص ؟! الله لا يبلانا
ويجواك خير على حسن نيتك بالنشر

حسبي الله ونعم الوكيل على من يضمرالشرللناس
شوفي اختي تحصل كثيرحنا نسميها قمرقه يعني الحرمه الله
يكفينا شرهاتقمرق سحرت عيون البنت..
كان عندنا وحده عجوز تجي السوق وبسحرها تجرالبنت معها
من غيروعي لكن يقولون قبضواعليها...

اي احد يبي يطلع من البيت يقرى اذكار الخروج
واذادخل السوق دعاء السوق والحافظ الله .

__________________
"لله دُر أمي إذا ابتسمت
تهادت جروح قلبي والتئمت"

مشكورين كل اللي ردوا كل وااحد باسمه وكل وحده بسمها والله مومصدق هذي قصص حقيقيه بقولها اذا مانت بمصدق كيفك والأخوات اللي ذكروا قصص بعد مرت علي كلها وكلها حقيقيه

اختي حجابي عفافي والله القصة اللي ذكرتيها حصلت معي بسوق حجاب بالرياض لو لا امي الله يخليها لي كان رحت مع المجرمه السحارة

اقولكم القصة

كنا رايحين للسوق انا وامي وخالتي وولد خالتي وهو صغير عمره بالسبع وانا كنت بال14 وجتنا حرمه بمحل
شكلها عادي بس متبرجه ولابسه برقع مرره وسيع وعيونها مرسومه بشكل مخيف زي الصواريخ من الامام ومن وراء العين وتلفت النظر جلست اطالع بعيونها واقول للولد اللي معنا شوف عيونها تخووف وجلس يضحك ورااح عني وامي وخالتي منشغلات بالتسوق المهم رحت عنها وامشي مع المحل شوي وتلحقني واطالع فيها

وعيونها تولع نار وتدوور اثاريه سحر واروح معها انمسحت ذاكرتي وصارت هي المجرمة بنفس صورة أمي ورحت امشي معها وطلعت من المحل وانا زي مااكون فاقده الذاكرة ومتبنجه وامشي واطالع وراء وامشي معها
ويوم طلعت من المحل ومشيت وامي تنتبه لي وتلحقني وتجري لين مسكتني بيدي واول مامسكتني امي راح السحر والحرمة راحت تجري وماقدرنا نبلغ عنها ركبت سيارة

وربي جسمي يقشعر كل ماذكرت السالفة الله لايحرمني من امي انقذت حياتي

والساف الثانية حرمة كبيرة بالعمر ججارتنا سحرووها بالحرم مصريات ثنتين كانت تمشي وسط الزحمة وجوها مصريتين وحده مسكتها من يمين ووحده من الشمال يعني انا بنساعدك ونوخر الزحمة عنك ويقولون فسحوا فسحوا دي ست كبيره فسحوا والحرمة مسكينه تدعي لهم وتقول الله يجزاكن خير ويكثر امثالكن خخخخخ

المهم يوم طلعت مع الباب الا الذهب اللي بيدها ست حبات بناجر أخذينها الحراميات عساهن للجرب ببطونهن
وجلست تصيح العجوز وتقول انسرقت بس محد حولها قالوا لها مو انتي اول وحده كل يوم تحصل كذا بس مانعرف مين هم ..

والثانية خالتي قبل اسبوعين انسرقت بالسوق جتها شحاذه وعطتها خالتي المقسووم ورااحت ويوم فتحت خالتي الشنطه وطلعت البوك كان فيه 600 ماحصلت ولاريال سرقتها الشحاذه وقمرتها


شفتوا كيف هاء مصدقين ولابعدكم على نياتكم

حجابي نجاتي ، بدون آب
قاعده اقرأ قصصكم على اختي قالت أكيد صدق هالقصص وجلست تذكرني بقصصها بوكها اللي انسرق وبطاقاتها اللي انسرقت حقة بنوك وانسحبت الفلوس مع أن السارقة ماتعرف الرقم السري واغراض لها دايم كانت تنسرق منها .. أنا كنت اتهمها بالإهمال وهي تقول لا هذولا ساحرات .. الله يكفينا الشر
وعشان ننتهي من هالقصص واجب علينا نحصن انفسنا قبل مانطلع من البيت